Amos 4:10 - ŊMALƐ KRƆŊKRƆŊ LƐ

¹⁰ “Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Ṅmãle̱ Kroṅkroṅ Le̱

¹⁰ Mitšu gbĕle-hela ni tamo̱ *Mizraim nõ le̱ ke̱-ba nyeteṅ, ni mike̱ klante gbegbē nyeblahĩĩ le̱; ni mihã aṅõ nyekpo̱ṅo̱i le̱ anom, ni mihã nyensrai le̱ amli fũdšē le̱ te ši ke̱-babote nyegugõdši amli tete; ni kẽle̱ nyekpaleko ke̱-bako miṅõ! Iehowa kē̱. *2 Mose 3,8.

Amos 4:10 ပူးပေါင်းရင်းမြစ်များ

2 Maŋtsɛmɛi 10:32

Nakai be lɛ mli Yehowa hã Israel shikpɔŋ lɛ dalɛ nɔ bɔ̃i gbɔmɔ. Hazael ni jɛ Siria lɛ ye Israel shikpɔŋ lɛ fɛɛ nɔ;

2 Maŋtsɛmɛi 13:3

Ni Yehowa mli wo Israel la, ni no hewɔ lɛ, daa nɛɛ Yehowa tuɔ amɛ ewoɔ Siria Maŋtsɛ Hazael kɛ ebi Ben-Hadad dɛŋ.

2 Maŋtsɛmɛi 13:7

No hewɔ lɛ, Yehoahaz lɛ, asraafoi pɛ ni shwɛ hã lɛ ji okpɔŋɔnɔtalɔi nyɔŋmai enumɔ kɛ tayaa shwiilii nyɔŋma kɛ nanenɔnyiɛlɔi akpei nyɔŋma; ejaakɛ Siria maŋtsɛ lɛ eplene Israelbii lɛ, ni efee amɛ munyɔmunyɔ tamɔ shikpɔŋ mlu.

2 Maŋtsɛmɛi 8:12

Hazael bi lɛ akɛ, “Mɛni hewɔ minuŋtsɔ foɔ nɛɛ?” Elisha hã lɛ hetoo akɛ, “Ejaakɛ mile nɔ efɔŋ ni bo obaafee Israelbii: amɛmɔji ni he wa lɛ obaamamɔ naa la, ni amɛblahii lɛ okɛ klante baagbe amɛ, ni amɛbii fufɔbii lɛ obaaŋɔ amɛ otswia shi, ni amɛyeihɔlɔi lɛ obaagbalagbalaa amɛmli.”

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 8:19

Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:17

Okã he oowo ohe nɔ yɛ mimaŋ lɛ nɔ, ni ohãaa amɛya.

Yesaia 34:3

Abaashɛrɛ amɛgbohii lɛ ashwie, ni gbohii lɛ aaaje fu, ni amɛlá aaakpa gɔji lɛ anɔ kpɔtɔɔ.

Yesaia 50:11

Naa, nyɛ mɛi ni nyɛwoɔ la koni eshã mɛi, nyɛ moŋ nyɛhiɛ aaakpãtã. Nɔ ni nyɛbaana kɛaajɛ midɛŋ nɛ, Haomɔ mli nyɛaajwere. Nyɛ diɛŋtsɛ moŋ nyɛaanyiɛ la ni nyɛwo lɛ mli.

Yesaia 9:12

Siriabii miijɛ bokãgbɛ, ni Filistibii hu miijɛ anaigbɛ amɛba kɛ amɛdaaŋ ni amɛgbɛ hatoo amɛkɛbami Israel. Kɛ̃lɛ fɛɛ sɛɛ lɛ Yehowa mlifu lɛ naa ejɔŋ; etoigbalamɔ nine lɛ ekpã mli lolo.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yesaia 9:17

No hewɔ lɛ, Nuŋtsɔ lɛ naŋ amɛblahii lɛ ahe miishɛɛ, ni emusuŋ etsɔŋ lɛ yɛ amɛwusãi kɛ amɛkulafoi lɛ ahe. Ejaakɛ amɛteŋ mɔ fɛɛ mɔ lɛ, ebɛ Nyɔŋmɔ gbeyeishemɔ, ni asaŋ efɔŋfeelɔ ni, ni mɔ fɛɛ mɔ wieɔ kwashiai awiemɔ. Kɛ̃lɛ fɛɛ sɛɛ lɛ Yehowa mlifu lɛ ejɔŋ; etoigbalamɔ nine lɛ ekpã mli lolo.

Yeremia 11:22

nɔ ni Yehowa kɛɛ yɛ amɛhe nɛ, “Naa, mibagbala amɛtoi, amɛblahii lɛ baagboi yɛ ta mli, ni amɛbihii lɛ kɛ amɛbiyei lɛ baagboi kɛ hɔmɔ,

Yeremia 15:3

Mi, Yehowa, miikɛɛ akɛ, mibahã nibii srɔtoi ejwɛ komɛi aba amɛnɔ. Ta baaba abakpãtã amɛhiɛ, ni gbei baashãtã amɛ, ni ŋwɛi loofɔji kɛ ŋaŋ kooloi baaye amɛloo.

Yeremia 16:4

Gbele helai baagbegbee amɛ; ayeŋ amɛhe ŋkɔmɔ, ni afuŋ amɛgbohii lɛ tete; ni amɛbaajwere shikpɔŋ lɛ nɔ tamɔ wamɔ. Amɛbaanyɔnyɔi yɛ klante kɛ hɔmɔ naa, ni amɛgbohii lɛ baatsɔ̃ niyenii ahã loofɔji kɛ jwɛiiaŋ kooloi.

Yeremia 18:21

No hewɔ lɛ, hã amɛbii lɛ aye hɔmɔ, ni amɛ diɛŋtsɛ lɛ amɛnyɔnyɔi yɛ klante naa; hã amɛŋamɛi lɛ atsɔ̃mɔ okulafoi kɛ mɛi ni amɛmusuŋbii egboi yɛ amɛhe. Gbele hela abagbe amɛteŋ hii lɛ, ni amɛblahii lɛ anyɔnyɔi yɛ klante naa yɛ ta mli.

Yeremia 48:15

Moab kɛ emaji lɛ ahiɛ akpãtã nɛɛ; ni amɛmli hii kãkãlɔi lɛ hu ni enyɔnyɔi nɛɛ. Mi, Maŋtsɛ ni atsɛɔ mi Yehowa Taiatsɛ lɛ, mi, mikɛɛ.

Yeremia 49:26

Nakai gbi lɛ nɔ lɛ eblahii lɛ baanyɔnyɔi yɛ eblohuiaŋ, ni abaaplenee etabilɔi lɛ fɛɛ. Mi, Yehowa Taiatsɛ, mikɛɛ.

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Yeremia 6:11

Hewɔ lɛ mi hu mimli ewo la naakpa tamɔ Yehowa nɔŋŋ; ni mlila lɛ naatsii etɔ mi.” Kɛkɛ ni Yehowa kɛɛ akɛ, “Fɔsemɔ mimlila lɛ oshwie gbekɛbii ni yɔɔ blohuiaŋ kɛ oblahii akui lɛ hu fɛɛ anɔ. Abaamɔmɔ nuu kɛ eŋa fɛɛ kɛya, ni hiimeji kɛ mɛi ni egbɔlɔ kotokoto hu abaamɔmɔ amɛ.

Yeremia 9:22

Nɔ ni Yehowa kɛɛ mikɛɛ nɛ, “Gbɔmɛi agbohii baajwere shi yɛ ŋa nɔ tamɔ tumo ni ashwã awo ŋmɔ mli, loo tamɔ ŋmaa nyaŋkui jwereɔ shi yɛ ŋmaakpalɔi asɛɛ, ni mɔ ko mɔ ko bɛ ni aaabua naa.

Hosea 11:5

“Amɛaaku amɛsɛɛ kɛaatee Ijipt shikpɔŋ lɛ nɔ, ni Asiria aaaye amɛnɔ, ejaakɛ amɛkpɛlɛ̃ɛɛ akɛ amɛkpaleɔ kɛbaa miŋɔɔ.

Yoel 2:20

Nɔ ni jɛ kooyigbɛ ba lɛ, majie yɛ nyɛhe kɛaatee shɔŋŋ, ni mashwie lɛ kɛaatee shikpɔŋ gbiŋ ni etsɔ̃ amaŋfɔ̃ lɛ nɔ. Eta ni yɔɔ hiɛgbɛ lɛ mashwie amɛ mawo Ŋoo Ŋshɔ lɛ mli; ni amɛta ni yɔɔ sɛɛgbɛ lɛ matsi amɛ mawo Mediterenia Ŋshɔ lɛ mli. Amɛgbohii lɛ ahe sã kɛ fu aaate shi; makpãtã amɛhiɛ yɛ nibii fɛɛ ni amɛfee nyɛ lɛ hewɔ.

3 Mose 26:16

mi hu nɔ ni mibafee nyɛ nɛ: Mibahã tsuifãa saji abahɛŋ nyɛ trukaa, ni wɔlɔmɔ kɛ atridii ni hãa hiŋmɛi fiteɔ, ni etãa gbɔmɔtso loo baaye nyɛ. Nyɛbaagbo deŋme yaka nyɛdu nii ejaakɛ nyɛhenyɛlɔi moŋ baaba abaye.

3 Mose 26:25

Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

Amos 4:6

“Mi, mihã hɔmɔ ye nyɛ, ni daaŋtaa bɔ nyɛ yɛ nyɛmaji lɛ amli lɛ; aboloo hɔmɔ ye nyɛ, shi fɛɛ sɛɛ lɛ nyɛkpaleko kɛbako miŋɔɔ.” Yehowa kɛɛ.

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Hagai 2:17

Mihã hela kɛ lamɔ kɛ nyɔŋmɔŋtɛi fite nyɛninenaa nitsumɔnii fɛɛ, shi enɛ fɛɛ sɛɛ lɛ nyɛkpaleee kɛbaaa miŋɔɔ.

5 Mose 28:21

Yehowa aaahã oye gbele hela kɛyaashi beyinɔ ni eeekpãtã ohiɛ yɛ shikpɔŋ ni oyaa koni oyaŋɔ okɛfee onɔ lɛ nɔ.

5 Mose 28:22

Yehowa aaahã oye wɔlɔmɔ fɔŋ kɛ atridii kɛ fuumɔ hela; ebaahã jeŋ adɔ waa, ni nu enɛŋ, ni kɔɔyɔɔ ni mli edɔ tamɔ la aaatswa, ni nibii aaaŋala. Nibii nɛɛ aaanyiɛ osɛɛ kɛyaashi beyinɔ ni ohiɛ aaakpãtã.

5 Mose 28:60

Eeehã helai lɛ ni osheɔ amɛ gbeyei, nɔ ni ona Ijiptbii ye eko lɛ aye bo; ni helai nɛɛ baaka ohe.

5 Mose 7:15

Ni Yehowa baajie helai fɛɛ kɛje nyɛteŋ; ehaŋ Ijipt helai fɔ̃ji lɛ eko kwraa aye nyɛ; shi moŋ ebaahã helai nɛɛ aye nyɛhenyɛlɔi lɛ fɛɛ.