Amos 4:1 - ŊMALƐ KRƆŊKRƆŊ LƐ

¹ Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Ṅmãle̱ Kroṅkroṅ Le̱

¹ Nyeboa ne̱ke̱ wiemo̱ ne̱ toi, nye Bašan tšinayei ní yo̱ Samaria goṅ le̱ no̱, nye mei ní nyewaä ohĩafoi ayi, ni nyeſīſĩaä mei ni efĩame̱ le̱ aši, ní nyekē̱o̱ nye-nuṅtšo̱mei le̱ ake̱: Nyeke̱-baä ní wo̱nua le̱!

Amos 4:1 ပူးပေါင်းရင်းမြစ်များ

1 Maŋtsɛmɛi 16:24

Omri tse jwiɛtɛi kukuji akpei ekpaa, ni ekɛhe Samaria gɔŋ lɛ yɛ mɔ ko ni egbɛi ji Shemer lɛ ŋɔɔ. Omri to maŋ yɛ gɔŋ lɛ nɔ, ni ewo maŋ lɛ Samaria, yɛ gɔŋ lɛ tsɛ Shemer gbɛi lɛ hewɔ. Ewaje maŋ lɛ.

Hiob 20:19

ejaakɛ ewa ohiafoi ayi, ni ekwa amɛ, ni shĩa ni jeee lɛ ema lɛ, eshɔ̃ɔ ekãa naa.

Hiob 24:4

Amɛtsirɛɔ ohiafoi kɛjeɔ gbɛteŋ, ni shikpɔŋ lɛ nɔ shitswialɔi fɛɛ teeteɔ amɛhe.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 140:12

Mile akɛ Yehowa yeɔ nɔnalɔ sane ehãa lɛ; ni eyeɔ jalɛ sane ehãa mɔ ni efi lɛ.

Lalai 22:12

Henyɛlɔi babaoo ebɔle mi kɛkpe kpula, tamɔ tsina hii, amɛtamɔ Bashan tsina hii hewalɔi, ni efo sa ewo mihe.

Abe̱i 22:7

Niiatsɛ yeɔ ohiafo nɔ; ni mɔ ni yafaa nii tsɔ̃ɔ nyɔŋ ehãa mɔ ni fa lɛ nii lɛ.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Yesaia 28:1

Kpoo hã Israel dãatɔlɔi hewolɔi lɛ! Kpoo hã Israel anunyam fɔfɔi fɛɛfɛo ni kã ekuɛ lɛ! Kpoo hã fɔfɔi akekre ni yɔɔ Israel lumɛi ni etɔrɔ kɛ ŋmãa kɛ wain lɛ ayitsei ahe lɛ.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yesaia 56:12

Amɛkɛɔ akɛ, “Nyɛbaa, nyɛhaa wɔwoa wain wɔmaa shi ni wɔnua bɔ ni wɔɔnyɛ. Wɔ hu baatamɔ ŋmɛnɛ, ni eeeteke nɔ po.”

Yesaia 58:6

“Ani jeee enɛ moŋ ji ŋmaahilɛ ni mito lɛ: akɛ akpa toikɔdɔmɔ saneyeli koni akplɔ toikɔdɔmɔ saneyeli kɔŋtso lɛ he ŋmei lɛ koni aha mɛi ni awaa amɛ yi lɛ aye amɛhe koni akumɔ apã fɛɛ apã?

Yeremia 50:11

Yehowa kɛɛ akɛ, “Nyɛ mɛi ni nyɛha miwebii anii, eyɛ mli akɛ nyɛmiinya, ni nyɛmli efili nyɛ tamɔ tsinabi oblayoo ni miigbɛlɛ abele; ni nyɛmiibolɔ tamɔ okpɔŋɔ nuu moŋ nɛ,

Yeremia 50:27

Nyɛgbea Babilon hii lɛ tamɔ agbeɔ tsina hii; nyɛkpalaa amɛ kɛyaa nyɛyagbea amɛ fɛɛ tswɛm. Kpoo hã amɛ! Ejaakɛ amɛtoigbalamɔ be lɛ eshɛ.

Yeremia 51:34

Babilon Maŋtsɛ Nebukadnezar eye mi, ni ekpãtã mihiɛ; ehã mitsɔ̃ tsɛnsi folo; ni emi mi tamɔ jeŋ miɔ nii; ewo emusu obɔ̃ kɛ minibii ni ŋɔɔŋɔɔ lɛ, ni eŋa mimli nu fɛɛ tswɛm.

Yeremia 6:6

Ejaakɛ bɔ ni Yehowa, Taiatsɛ lɛ, kɛɔ nɛ, “Nyɛtoa Yerusalɛm he tsei lɛ nyɛshwiea shi, koni nyɛkɛtswaa kpokui nyɛkɛsaa Yerusalɛm yi. Maŋ ni abaagbala etoi ni, ejaakɛ anaaa nɔ ko nɔ ko yɛ mli fe yiwalɛ saneyeli sɔŋŋ kɛkɛ.

Yeremia 7:6

kɛji nyɛyeee gbɔ loo awusã loo okulafo amim, ni nyɛshwieee mɔ ko ni efeko nɔ ko lá shi yɛ shikpɔŋ nɛɛ nɔ yɛ biɛ lɛ, ni nyɛyajaaa nyɔŋmɔi krokomɛi nyɛkɛfeee nyɛ diɛŋtsɛ nyɛhe efɔŋ lɛ,

Ezekiel 18:12

Ewaa ohiafo kɛ mɔ ni efi lɛ yi. Etswaa ojo, ni ekpaleee nyɔmɔtsɛ awabatoonii ehãaa lɛ. Ejaa amãgã, ni efeɔ musubɔɔnii.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 22:27

“Emli lumɛi lɛ tamɔ klãji ni tserɛɔ milɛloo mli, amɛshwieɔ lá shi, amɛkpãtãa mɛi ahiɛ, bɔ ni afee ni amɛwo shishiumɔ ninamɔ.

Ezekiel 22:29

Shikpɔŋ lɛ nɔ niiatsɛmɛi lɛ tswaa ojo, ni amɛjuɔ; amɛwaa ohiafoi kɛ mɛi ni efi amɛ lɛ ayi, ni amɛyeɔ gbɔ amim, ni atooo lɛ najiaŋ.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Ezekiel 34:16

“Too fɛɛ too ni elaaje lɛ, matao lɛ, ni nɔ ni edu gbɛ lɛ, makpala lɛ kɛba shĩa; ni nɔ ni epila lɛ, mafi epilamɔ lɛ nɔ; ni nɔ ni egbɔjɔ lɛ mawaje lɛ. Nɔ ni ewo fɔ, kɛ nɔ ni yɔɔ hewalɛ lɛ makpãtã ehiɛ. Mikɛ amɛ baaye yɛ jalɛ naa.

Ezekiel 39:18

Nyɛbaaye kãkãlɔi aloo, ni nyɛbaanu shikpɔŋ lɛ nɔ lumɛi alá. Nyɛbaaye ojwɛnii kɛ too gwantɛŋbii kɛ too kpakpo kɛ tsinahii, ni ji Bashan kooloi sɔŋŋ ni ewo fɔ lɛ aloo.

Yoel 3:3

Amɛfɔ̃ oshiki amɛkɛja nomii lɛ amɛhã amɛhe. Amɛhɔ̃ɔ gbekɛbii hii amɛkɛhe ajwamãŋi, ni amɛhɔ̃ɔ gbekɛbii yei amɛkɛhe wain amɛnu.

Amos 3:1

Israelbii, nyɛboa nɛkɛ wiemɔ nɛɛ ni Yehowa wie yɛ nyɛhe lɛ toi, nyɛ ni nyɛ ji jaku muu ni eyajie kɛjɛ Ijipt shikpɔŋ lɛ nɔ kɛba lɛ,

Amos 3:3

Ani mɛi enyɔ feɔ ekome kɛnyiɛɔ gbɛ kɛji amɛkpãŋko he?

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Amos 6:6

Mɛi ni kɛ kpuji wuji nuɔ wain, ni mu ni hi fe fɛɛ amɛkpaa, shi Israel hiɛkpãtãmɔ lɛ edɔɔɔ amɛ kwraa lɛ.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

4 Mose 21:33

Kɛkɛ ni Israelbii lɛ dɔ amɛyi, ni amɛyi Bashan gbɛ. Bashan maŋtsɛ Og fã ta, lɛ kɛ emaŋ lɛ fɛɛ, koni amɛkɛ Israelbii lɛ abawu yɛ Edrei.

5 Mose 24:14

“Kaawa apaafonyo ohiafo ni efĩ lɛ yi. Nyɛnyɛmi Israelnyo ni jio, gbɔi ni yɔɔ nyɛshikpɔŋ lɛ nɔ, yɛ nyɛmaji lɛ amli lɛ ateŋ eko ni jio, akawa lɛ yi.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,