Amos 3:9 - ŊMALƐ KRƆŊKRƆŊ LƐ

⁹ Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Ṅmãle̱ Kroṅkroṅ Le̱

⁹ Nyedšadšea ye̱ Ašdod mõdši le̱ ke̱ Mizraim šikpoṅ le̱ no̱ mõdši le̱ ayiteaṅ, ni nyekē̱a ake̱: Nyebabuaä nyehe nā ye̱ Samaria gõdši le̱ ano̱, ni nyekwe̱a emli hōſemo̱ babaō le̱ amimyeli ní yo̱ emli le̱!

Amos 3:9 ပူးပေါင်းရင်းမြစ်များ

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

Abe̱i 1:13

Kɛji amɛaakɛɛ akɛ no wɔbaana nibii srɔtoi wɔwo wɔshĩai amli obɔ̃bɔ̃ lɛ kaakpɛlɛ̃.

Abe̱i 11:16

Yoo ni hiɛ yɔɔ nyam tiuɔ woo sɛɛ, ni nuu yiwalɔ tiuɔ ninamɔ sɛɛ.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Yeremia 31:5

Ooofee waintromii yɛ Samaria gɔji lɛ anɔ ekoŋŋ, ni mɛi ni tɛoɔ waintsei lɛ baaye tsei lɛ ayibii.

Yeremia 46:14

“Nyɛbɔa oshe yɛ Ijipt kɛ Migdol; nyɛshiɛa yɛ Memfis kɛ Tahpanhes, akɛ, ‘Nyɛfea kralo, ni nyɛsaa nyɛhe nyɛtoa, ejaakɛ klante baaye nii kɛbɔle nyɛ.’

Yeremia 50:2

“Shiɛmɔ koni okɛɛ jeŋ majimaji lɛ, shii aflaŋaa, ni oshiɛ; okashiu nɔ ko nɔ; kɛɛmɔ akɛ Aye Babilon nɔ kunim. Awo lɛ hiɛgbele Mardruk werɛ eho ehe. Ashwie Babilon amãgãi lɛ ahiɛ shi, amɛnaa diɛŋtsɛ ekpɛ amɛhe.

Ezekiel 36:8

Shi nyɛ, Israel gɔji lɛ nyɛnɔ tsei lɛ baagbala niji, ni amɛbaawo yibii nyɛha mimaŋ Israel lɛ; ejaakɛ etsɛŋ ni Israelbii aaku amɛsɛɛ kɛba amɛmaŋ ekoŋŋ.

Ezekiel 37:22

Kɛkɛ lɛ mafee amɛ maŋ kome yɛ shikpɔŋ lɛ nɔ yɛ Israel gɔji lɛ anɔ. Amɛaahi maŋtsɛ kome shishi ni amɛfeŋ maji enyɔ dɔŋŋ. Mligbalamɔ hu baŋ amɛmaŋtsɛyeli mli dɔŋŋ.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Amos 1:8

Mibaplene Ashdod maŋ lɛ mli bii kɛ lumɔ ni yeɔ Ashkelon nɔ lɛ hu; ni mibatsɔ̃ mihiɛ mawo Ekron hu, ni mibakpãtã Filistibii ni baashwɛ lɛ fɛɛ ahiɛ.”

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Amos 6:3

nyɛ mɛi ni nyɛtsiɔ gbi fɔŋ lɛ kɛyaa sɛɛ shɔŋŋ, ni nyɛkɛ nakai feemɔ moŋ hãa gbi fɔŋ lɛ bɛŋkɛɔ nyɛ lɛ?

Amos 8:6

Wɔkɛ jwiɛtɛi aaahe ohiafo nyɔmɔtsɛ, ni wɔkɛ tokota aaahe mɔ ni efi lɛ, ni ŋmaa shishi tutuu tete wɔɔhɔ̃ɔ lɛ kɛ jarawalɛ.”

Mika 6:10

Nɔ ni yɔɔ efɔŋfeelɔi ashĩai amli ni ji jwetri ni atsɔ̃ shishiumɔ gbɛi anɔ ana, kɛ susumɔnii kɛ nsɛnitɛi ni shɛɛɛ ni akɛŋmɛɔ nii lɛ, ani mihiɛ aaakpa nɔ? Dabida, miihi!

1 Samuel 5:1

Be ni Filistibii lɛ shɔ̃ Nyɔŋmɔ Kpãŋmɔ Adeka lɛ, amɛwo kɛjɛ Ebenezer kɛtee Ashdod,