Amos 3:2 - ŊMALƐ KRƆŊKRƆŊ LƐ

² “Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Ṅmãle̱ Kroṅkroṅ Le̱

² Nye ke̱ke̱ mile *ye̱ šikpoṅ le̱ no̱ wekui le̱ ateṅ; nohewo̱ le̱ mibawonye nyenišaianii le̱ fẽ he nyõmo̱! *5 Mose 5,35.

Amos 3:2 ပူးပေါင်းရင်းမြစ်များ

1 Mose 10:32

Mɛnɛɛmɛi ji Noa shwiei lɛ yɛ amɛwekukpãa naa. Amɛhi amɛmajiaŋ yɛ amɛshikpɔji anɔ. Amɛmli jeŋ maji lɛ jɛ gbɛ shwã jeŋ fɛɛ yɛ nu afua lɛ sɛɛ.

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

Lalai 147:19

Ejajeɔ ewiemɔ lɛ etsɔ̃ɔ Israel, ekɛ ekpɔi kɛ emlai lɛ hãa Israel.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

Yesaia 63:19

Wɔtsɔmɔ tamɔ mɛi ni oyeko amɛnɔ akɛ nuŋtsɔ pɛŋ, kɛ mɛi ni akɛ ogbɛi tsɛko amɛ dã.

Yeremia 1:15

Ejaakɛ naa, miitsɛ kooyigbɛ shikpɔŋ lɛ nɔ maji srɔtoi lɛ anɔ bii koni amɛba, ni amɛteŋ mɔ fɛɛ mɔ kɛ emaŋtsɛ sɛi aaama Yerusalɛm agboi lɛ anaa kɛ egbogboi lɛ ahe kɛkpe. Amɛbaatua Yuda maji wuji lɛ fɛɛ hu.

Yeremia 10:25

Gbalamɔ majimaji lɛ ni leee bo lɛ atoi, ni okɛ mɛi hu ni jaaa bo lɛ aye, ejaakɛ amɛkpãtã Yakob shwiei lɛ ahiɛ, amɛplenee amɛ butuu, ni amɛfee amɛshihilɛhei lɛ amaŋfɔ̃.

Yeremia 11:22

nɔ ni Yehowa kɛɛ yɛ amɛhe nɛ, “Naa, mibagbala amɛtoi, amɛblahii lɛ baagboi yɛ ta mli, ni amɛbihii lɛ kɛ amɛbiyei lɛ baagboi kɛ hɔmɔ,

Yeremia 13:21

Mɛni oookɛɛ kɛji mɛi ni bo diɛŋtsɛ otsɔse amɛ koni amɛfee onanemɛi lɛ, awo amɛ moŋ onukpa yɛ onɔ? Ani ewaŋ ohe tamɔ yoo ni miikɔmɔ piŋɔ lɛ?

Yeremia 14:10

Bɔ ni Yehowa kɛɛ yɛ gbɔmɛi nɛɛ ahe nɛ, “Nɛkɛ amɛsumɔ akɛ amɛkpa shi, ni etɔɔɔ amɛ kɛ shikpaa lɛ. No hewɔ lɛ, mi Yehowa, mihereŋ amɛ atuu dɔŋŋ. Agbɛnɛ mibakai amɛnishaianii lɛ moŋ, ni mibagbala amɛtoi yɛ amɛhe eshai lɛ ahewɔ.”

Yeremia 9:25

Yehowa kɛɛ akɛ, “Naa, be miiba ni mibagbala Israelbii ni efo ketia lɛ atoi ejaakɛ amɛtamɔ mɛi ni efoko ketia lɛ nɔŋŋ.

Ezekiel 5:9

Musubɔɔnii ni ofee lɛ hewɔ lɛ, mafee bo nɔ ko ni mifeko dã, ni asaŋ mifeŋ enɔ eko dɔŋŋ.

Ezekiel 9:6

Nyɛgbea onukpai kɛ oblahii kɛ oblayei kɛ gbekɛbii kɛ yei blublu, shi mɔ fɛɛ mɔ ni akadi ehiɛnaa lɛ, lɛ lɛ nyɛkataa ehe. Nyɛjea shishi kɛjɛa mihe krɔŋkrɔŋ lɛ.” No hewɔ lɛ, amɛbɔi kɛjɛ onukpai lɛ ni yɔɔ Sɔlemɔ we lɛ hiɛ lɛ anɔ.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Hosea 5:3

Mile Efraim bɔ ni eyɔɔ tsɔ̃; no hewɔ lɛ, Israel kɛ ehe eteko mi. Ejaakɛ amrɔ nɛɛ lɛ, Efraim, oje misɛɛ, ni Israel ebule ehe.”

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Hosea 9:9

Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

Amos 2:4

Bɔ ni Yehowa kɛɛ nɛ, “Tɔ̃mɔi babaoo ni Yudabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛkwa Yehowa mlai lɛ, ni amɛyeee ekpɔi lɛ anɔ. Apasa jemawɔji asɛɛ ni amɛyanyiɛ, tamɔ amɛtsɛmɛi lɛ yanyiɛ lɛ, hã amɛdu gbɛ.

Amos 3:3

Ani mɛi enyɔ feɔ ekome kɛnyiɛɔ gbɛ kɛji amɛkpãŋko he?

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Mika 2:3

No hewɔ lɛ, bɔ ni Yehowa kɛɔ nɛ, “Mito ni mibahã sane fɔŋ aye nyɛ ni nyɛnyɛŋ enaa foi nyɛjo; amanehulu baaba nyɛnɔ, ni nyɛnyɛŋ nyɛnyiɛ kɛ nyɛhetsɔ̃ɔmɔ.

Nahum 3:4

Fɛɛ jɛ Nineve ajwamãŋbɔɔ. Ehe yɛ fɛo bɔ ni ekɛ ehe fɛo duɔ maji kɛ gbɔmɛi ni ekɛyeɔ amɛ nyɔŋ.

Bɔfoi 17:26

ni lá kome ekɛbɔ gbɔmɛi adesai fɛɛ, ni amɛhi shikpɔŋ lɛ fɛɛ nɔ, ni yinɔi ni eto lɛ kɛ amɛshihilɛhei lɛ ahusui lɛ ekpɛ mli eto momo,

Romabii 2:9

Amanehulu kɛ hejaramɔ aaaba gbɔmɔ fɛɛ gbɔmɔ ni tsuɔ nifɔɔjianii lɛ susuma nɔ, Yudanyo tsutsu kɛ Helanyo hu;

1 Korintobii 8:3

Shi kɛ mɔ ko miisumɔ Nyɔŋmɔ lɛ, Nyɔŋmɔ le lɛ.

5 Mose 10:15

Kɛ̃lɛ Yehowa na suɔmɔ krɛdɛɛ hã nyɛtsɛmɛi lɛ ni eŋɔ nyɛ, ni ji amɛshwiei lɛ, yɛ maji fɛɛ ateŋ; ni nakai ekɛ nyɛ yɔɔ kɛbashi ŋmɛnɛ.

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 32:9

Yehowa ŋɔ Yakob akɛ gboshinii ni ena; ejaakɛ egbɛfaŋnɔ ji emaŋbii lɛ.

5 Mose 4:32

“Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

1 Petro 4:17

Ejaakɛ be ni abaaje kojomɔ shishi kɛjɛ Nyɔŋmɔ We lɛ eshɛ etã; shi kɛ wɔnɔ tsutsu ejɛ lɛ, belɛ mɛi ni booo Nyɔŋmɔ Sanekpakpa lɛ toi lɛ, te amɛnaagbee aaafee tɛŋŋ?