Amos 3:14 - ŊMALƐ KRƆŊKRƆŊ LƐ

¹⁴ akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Ṅmãle̱ Kroṅkroṅ Le̱

¹⁴ Ake̱ gbĩ ní mawo Israel emlatõmo̱i le̱ ahe nyõmo̱ le̱, mawo Betel afo̱lešãlate̱i le̱ anyõmo̱, ni aaflo̱ afo̱lešãlate̱ le̱ he aklontoi le̱ aſie, ni ame̱agbēgbē šikpoṅ.

Amos 3:14 ပူးပေါင်းရင်းမြစ်များ

2 Maŋtsɛmɛi 23:15

Asaŋ afɔleshãa latɛ ni yɔɔ Betel jamɔhe grɔŋŋ lɛ ni Nebat bi Yeroboam ni hã Israel fee esha lɛ fee lɛ, nakai afɔleshãa latɛ lɛ kɛ jamɔhei grɔŋŋi lɛ fɛɛ lɛ Yosia kumɔ shwie shi. Eshã jamɔhe grɔŋŋ lɛ, ni eshimɔ lɛ mɔnyɔmɔnyɔ, ni eshã Ashera amãgã lɛ hu.

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

Amos 2:8

Amɛkãmɔɔ atadei ni akɛbato amɛ awaba anɔ yɛ afɔleshãa latɛ fɛɛ afɔleshãa latɛ naa, ni amɛnuɔ wain ni ahe yɛ mɛi ni abu amɛ fɔ adɛŋ yɛ amɛNyɔŋmɔ lɛ Sɔlemɔ we lɛ.

Amos 4:4

“Nyɛ Israelbii, nyɛbaa Betel nyɛbatɔ̃a mla; nyɛyaa Gilgal nyɛyahãa mlanɔtɔ̃mɔ lɛ afaa; nyɛkɛ nyɛfɔlei abaa koni ashã daa leebi; ni nyɛkɛ nyɛnibii amlijaa nyɔŋma mli ekomekome lɛ abaa daa gbii etɛ̃.

Amos 7:10

Kɛkɛ ni Amazia, Betel osɔfo lɛ, tsu kɛtee Yeroboam, Israel maŋtsɛ lɛ, ŋɔɔ akɛ, “Amos etee oyinɔ apam yɛ Israelbii lɛ ateŋ. Ewiemɔi lɛ baafite maŋ lɛ.”

Amos 7:13

Kaakã he oogba yɛ Betel nɛɛ dɔŋŋ, ejaakɛ biɛ ji he ni maŋtsɛ lɛ jaa yɛ, ni biɛ nɔŋŋ ji he ni maŋtsɛyelihe nɛɛ Sɔlemɔ we wulu ni fe fɛɛ lɛ hu yɔɔ.”

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.