Amos 3:12 - ŊMALƐ KRƆŊKRƆŊ LƐ

¹² Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Ṅmãle̱ Kroṅkroṅ Le̱

¹² Bo̱ni Iehowa kē̱ ne̱: Take̱ bo̱ni tōkwe̱lo̱ šõo̱ ſŭo̱dši enyo̱ lo toi kuku ko ke̱-dše̱o̱ dšata dāṅ le̱, nakai aadšie Israelbii le̱ ní trá sā kóṅ no̱ ke̱ kampē no̱ mama ní dšra wa no̱ ye̱ Samaria le̱.

Amos 3:12 ပူးပေါင်းရင်းမြစ်များ

1 Maŋtsɛmɛi 20:30

Siria tabilɔi ni shwɛ lɛ jo foi kɛbote Afek maŋ lɛ mli; shi maŋ lɛ gbogbo lɛ wule eshwie tabilɔi ni eshwɛ lɛ ateiaŋ mɛi akpei nyɔŋmai enyɔ kɛ kpawo nɔ. Ben-Hadad jo foi kɛjɛ ta lɛ naa kɛtee maŋ lɛ mli, ni eyatee ehe yɛ pia ko mli.

1 Maŋtsɛmɛi 20:34

Kɛkɛ ni Ben-Hadad kɛɛ Ahab akɛ, “Maji ni mitsɛ shɔ̃ yɛ otsɛ dɛŋ lɛ mibadãi mahã bo. Obaanyɛ hu obafo jara yɛ Damasko ohã ohe, tamɔ bɔ ni mitsɛ bafee yɛ Samaria lɛ.” Ahab dãi sɛɛ ekɛɛ, “Mi hu miidãmɔ kpãŋmɔ nɛɛ nɔ miiŋmɛɛ ohe.” Amɛkpãŋ yɛ jɛi, kɛkɛ ni Ahab jie Ben-Hadad gbɛ.

1 Maŋtsɛmɛi 22:25

Mikaia to he akɛ, “Gbi ni obaajɛ pia kome mli kɛya pia kroko mli ni oootee ohe lɛ, gbi lɛ nɔ ooona ole.”

2 Maŋtsɛmɛi 16:9

Tiglat Pileser fee nɔ ni Ahaz babi lɛ lɛ. Efã ta eyatua Damasko, ni eye enɔ, ni egbe Maŋtsɛ Rezin, ni eŋɔ Damaskobii lɛ nom kɛtee Kir.

Ester 1:6

Bɔ ni awula kpo teŋ lɛ mli ahã nɛ. Akɛ tɛi eŋɔlii kɛ tɛi yɛji kɛ tɛi bluu kɛ tɛi diji eka kpo lɛ nɔ; ni akɛ tɛi yɛji akulashiŋi emamɔ tɛi ni aka lɛ anɔ. Jwiɛtɛi gai yɛ akulashiŋi nɛɛ ahe. Akɛ kpãa yɛŋ fɛɛfɛo kɛ kpãa afaseo emɔmɔ mamai yɛji fɛɛfɛji kɛ mamai bluu lɛ hu anaa; kɛkɛ ni akɛŋmɔlɔ jwiɛtɛi akulashiŋi lɛ ahe gai lɛ, ni ehã mamai lɛ tsotsoro shi. Mlikpãmɔ saatsei pɛmpɛbii ni akɛ shika kɛ jwiɛtɛi fee mamɔ kpo teŋ lɛ mli hei komɛi.

Ester 7:8

Ho ni Haman ho egbee shi yɛ saatso fioo ko ni Ester ta nɔ lɛ naa, koni ekpa lɛ fai pɛ, kɛkɛ ni maŋtsɛ lɛ jɛ maŋtsɛ we lɛ he trom lɛ mli kɛba he ni aŋmɛ okplɔ̃ lɛ yɛ lɛ. Ni ebanina Haman nɛkɛ lɛ ekɛɛ akɛ, “Aso ebaatua maŋnyɛ lɛ yɛ mihiɛ yɛ mi diɛŋtsɛ nɔŋŋ miwe mli lo?” Maŋtsɛ lɛ naa ni nyɔɔ shi nɛkɛ nɔŋŋ kɛkɛ ni piafoi lɛ ha Haman hiɛ.

Lalai 132:3

“Miboteŋ miwe lɛ mli, ni mikwɔŋ misaatso lɛ hu;

Yesaia 17:7

Nakai gbi lɛ mɛi ahiɛ baasɔ amɛ-Bɔlɔ lɛ; ni amɛbaakwɛ Israel Mɔ Krɔŋkrɔŋ lɛ dɛŋ yelikɛbuamɔ gbɛ.

Yesaia 31:4

Ejaakɛ bɔ ni Yehowa kɛɛ mi nɛ, “Bɔ ni kɛji jata loo jatabi miihũu yɛ emilɛ loo he, ni atsɛ tookwɛlɔi asafo tete awo ehe, ni amɛbolɔmɔ wooo ehe gbeyei, ni ebuuu hoo ni amɛaafee lɛ tete lɛ, nakai Yehowa, Taiatsɛ lɛ, aaaba abawu yɛ Zion Gɔŋ kɛ ehewɔ gɔŋkpɔi lɛ anɔ.

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Amos 6:4

Kpoo hã mɛi ni kãmɔɔ shuɔ wu saatsei anɔ amɛwɔɔ, ni amɛkpãa amɛmli yɛ saatsei bibii anɔ, ni amɛyeɔ too ku lɛ mli gwantɛŋbii kɛ tsina tsui amli tsinabii lɛ.

Amos 9:8

Naa, mi, Yehowa Ofe, mijie mihiɛ mika Israel, maŋ ni feɔ esha lɛ, ni mibakpãtã ehiɛ kɛje shikpɔŋ lɛ nɔ. Shi moŋ mikpãtãŋ Yakob shwiei lɛ fɛɛ ahiɛ kwrakwra, Yehowa kɛɛ.