Amos 3:10 - ŊMALƐ KRƆŊKRƆŊ LƐ

¹⁰ Yehowa kɛɛ akɛ, “Amɛkɛ yiwalɛ kɛ juu buaa nibii anaa yɛ mɔji lɛ amli. Amɛleee nɔ ni ja gbɛ feemɔ tete.

Ṅmãle̱ Kroṅkroṅ Le̱

¹⁰ Edšake̱ mei ní buaä yiwale̱ ke̱ hĩekpãtãmo̱ nā ye̱ ame̱mõdši le̱ amli le̱, ame̱lee noni dša gbe̱ femo̱, Iehowa kē̱.

Amos 3:10 ပူးပေါင်းရင်းမြစ်များ

Hiob 20:21

Kɛji eye nii lɛ eshwɛɛɛ eko, no hewɔ lɛ, eninamɔ sɛɛ etsɛŋ.

Lalai 14:4

Ani nɔfɔŋfeelɔi lɛ amɛleee nii? Mɛi ni yeɔ mimaŋbii tamɔ ayeɔ kɔmi, ni amɛsɔleee amɛtsɛɛɛ Yehowa lɛ, amɛbɛ jwɛŋmɔ!

Abe̱i 1:13

Kɛji amɛaakɛɛ akɛ no wɔbaana nibii srɔtoi wɔwo wɔshĩai amli obɔ̃bɔ̃ lɛ kaakpɛlɛ̃.

Abe̱i 11:16

Yoo ni hiɛ yɔɔ nyam tiuɔ woo sɛɛ, ni nuu yiwalɔ tiuɔ ninamɔ sɛɛ.

Abe̱i 28:5

Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 5:4

Kɛkɛ ni mikɛɛ akɛ, “Gbɔmɛi ni bɛ gbɛi nɛ: no hewɔ lɛ, amɛleee nii; ejaakɛ amɛleee bɔ ni Yehowa taoɔ akɛ gbɔmɔ aba ejeŋ ehã; amɛleee amɛNyɔŋmɔ lɛ mla lɛ.

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Ezekiel 22:29

Shikpɔŋ lɛ nɔ niiatsɛmɛi lɛ tswaa ojo, ni amɛjuɔ; amɛwaa ohiafoi kɛ mɛi ni efi amɛ lɛ ayi, ni amɛyeɔ gbɔ amim, ni atooo lɛ najiaŋ.

Ezekiel 8:17

Kɛkɛ ni ekɛɛ mi akɛ, “Gbɔmɔ Adesa, ona enɛ? Ani nihiinii ni Yuda we lɛ feɔ yɛ biɛ nɛɛ lɛ efaaa ehãaa amɛ lo? Ni amɛhã yiwalɛ eyi shikpɔŋ lɛ nɔ obɔ̃ tɔ kɛmiiwo mimli la amɛfata he nɛɛ lo? Naa, amɛmaa mi gɔnti amɛjɛɔ mi.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 5:7

Kpoo hã nyɛ, nyɛ mɛi ni jalɛ saneyeli joɔ hãa nyɛ tamɔ taatso, nyɛ mɛi ni nyɛkɛ jalɛ saneyeli shwishwia shikpɔŋ!

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Amos 6:3

nyɛ mɛi ni nyɛtsiɔ gbi fɔŋ lɛ kɛyaa sɛɛ shɔŋŋ, ni nyɛkɛ nakai feemɔ moŋ hãa gbi fɔŋ lɛ bɛŋkɛɔ nyɛ lɛ?

Amos 6:8

Nuŋtsɔ Nyɔŋmɔ lɛ ekã lɛ diɛŋtsɛ ehe kitã. Yehowa, Taiatsɛ lɛ, kɛɛ akɛ, “Miihi Israelbii ahewoo lɛ; ni miinyaŋe amɛmɔji fɛɛfɛji lɛ; no hewɔ lɛ, maŋɔ amɛmaŋ lɛ kɛ emli nii lɛ fɛɛ mahã.”

Mika 6:10

Nɔ ni yɔɔ efɔŋfeelɔi ashĩai amli ni ji jwetri ni atsɔ̃ shishiumɔ gbɛi anɔ ana, kɛ susumɔnii kɛ nsɛnitɛi ni shɛɛɛ ni akɛŋmɛɔ nii lɛ, ani mihiɛ aaakpa nɔ? Dabida, miihi!

Zefania 1:9

Nakai gbi lɛ nɔ lɛ, mibagbala mɛi fɛɛ ni jaa tamɔ wɔŋjalɔi jaa lɛ, kɛ mɛi hu ni tsɔ̃ɔ yiwalɛ kɛ shishiumɔ nɔ amɛkɛnaa nii amɛwoɔ amɛnuŋtsɔmɛi awei amli obɔ̃bɔ̃ lɛ atoi.”

2 Petro 3:5

Kwa amɛkwaa amɛ jieɔ amɛhiɛ yɛ enɛ nɔ akɛ ŋwɛi yɛ kɛjɛ blema beebe, ni shikpɔŋ hu jɛ nu mli, ni etsɔ̃ nu mli ebama shi yɛ Nyɔŋmɔ wiemɔ naa;