Amos 2:8 - ŊMALƐ KRƆŊKRƆŊ LƐ

⁸ Amɛkãmɔɔ atadei ni akɛbato amɛ awaba anɔ yɛ afɔleshãa latɛ fɛɛ afɔleshãa latɛ naa, ni amɛnuɔ wain ni ahe yɛ mɛi ni abu amɛ fɔ adɛŋ yɛ amɛNyɔŋmɔ lɛ Sɔlemɔ we lɛ.

Ṅmãle̱ Kroṅkroṅ Le̱

⁸ Ni ame̱kãmoo̱ *awaba atadei ano̱ ye̱ afo̱lešãlate̱-fẽ-afo̱lešãlate̱ mase̱i, ni mei ní abuame̱ fo̱ le̱ awein amenuo̱ ye̱ ame̱-nyoṅmo̱i le̱ awe le̱! 2 Mose 22,25.

Amos 2:8 ပူးပေါင်းရင်းမြစ်များ

2 Mose 22:25

“Kɛji ofa mimaŋbii ni kɛ bo yɔɔ lɛ ateŋ ohiafo ko shika lɛ, kaaye lɛ wie, ni kaahe hekpa hu.

Yesaia 57:7

Nyɛyaa gɔji ni kwɔlɔ somromoo lɛ anɔ nyɛyashãa afɔle, ni nyɛkɛ nyɛhe wɔɔ yɛ jɛi.

Ezekiel 18:12

Ewaa ohiafo kɛ mɔ ni efi lɛ yi. Etswaa ojo, ni ekpaleee nyɔmɔtsɛ awabatoonii ehãaa lɛ. Ejaa amãgã, ni efeɔ musubɔɔnii.

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Ezekiel 23:41

Amɛtaa saa fɛɛfɛo nɔ, ni aŋmɛɔ okplɔ̃, ni amɛkɛ mitsofakɛŋma kɛ mimu lɛ mamɔɔ nɔ.

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 6:4

Kpoo hã mɛi ni kãmɔɔ shuɔ wu saatsei anɔ amɛwɔɔ, ni amɛkpãa amɛmli yɛ saatsei bibii anɔ, ni amɛyeɔ too ku lɛ mli gwantɛŋbii kɛ tsina tsui amli tsinabii lɛ.

Amos 6:6

Mɛi ni kɛ kpuji wuji nuɔ wain, ni mu ni hi fe fɛɛ amɛkpaa, shi Israel hiɛkpãtãmɔ lɛ edɔɔɔ amɛ kwraa lɛ.

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 10:7

Asaŋ nyɛkatsɔmɔa amãgãjalɔi tamɔ amɛteŋ mɛi komɛi fee lɛ, tamɔ bɔ ni aŋma akɛ, “Maŋ lɛ ho tara shi ni amɛye nii ni amɛnu nii, ni amɛte shi ni amɛshwɛ.”

1 Korintobii 8:10

Ejaakɛ kɛji mɔ ko na bo ni “ole nii” lɛ akɛ ota wɔŋtsu mli ooye nii lɛ, ani enɛ woŋ mɔ ni egbede lɛ henilee hewalɛ koni eyaye wɔji afɔlenii lɛ?

Kojolɔi 9:27

Amɛje kpo kɛtee amɛŋmɔji ashi. Amɛkpa amɛwaintromi lɛ amli yibii ni amɛŋã wain lɛ. Kɛkɛ ni amɛye gbijurɔ. Amɛtee amɛnyɔŋmɔ lɛ we lɛ. Amɛyeyee nii; amɛnunuu dãi, ni amɛye Abimelek he fɛo.