Amos 2:7 - ŊMALƐ KRƆŊKRƆŊ LƐ

⁷ Amɛnaanaa ohiafoi ayitsei anɔ yɛ shikpɔŋ mlu mli, ni amɛtsirɛɔ mɛi ni ehao kɛyaa gbɛsɛɛ. Mɔ kɛ lɛ diɛŋtsɛ etsɛ fɛɛ kɛ oblayoo kome lɛ nɔŋŋ naa bɔlɛ, ni amɛkɛbuleɔ migbɛi krɔŋkrɔŋ lɛ.

Ṅmãle̱ Kroṅkroṅ Le̱

⁷ mei ní ſeo̱ sũ ní yo̱ mei *ni efĩame̱ le̱ ayiteaṅ, ni ame̱kõdõo̱ amanehũlũnalo̱i agbe̱; ni moko ke̱ etše̱ yaä oblayō kome ṅõ, beni afe ní abule migbe̱i kroṅkroṅ le̱. *8,4.

Amos 2:7 ပူးပေါင်းရင်းမြစ်များ

2 Samuel 12:14

Shi kɛ̃lɛ akɛ obuuu Yehowa yɛ nɔ ni ofee lɛ hewɔ lɛ, bi lɛ ni abaafɔ ahã bo lɛ yi naŋ wala; gbo eeegbo.”

1 Maŋtsɛmɛi 21:4

Ahab ku esɛɛ etee ewe lɛ ni efee gblinii, ni emli ewo la yɛ wiemɔ ni Nabot, Yezreelnyo lɛ, kɛ lɛ wie lɛ hewɔ; ejaakɛ ekɛɛ akɛ. “Mikɛ mitsɛmɛi agboshinii lɛ haŋ bo.” Eho ekã esaa nɔ, ni etsɔ̃ ehiɛ ehã gbogbo, ni ekpɛlɛ̃ɛɛ niyeli.

Abe̱i 28:21

Hiɛaŋkwɛmɔ ehiii, ejaakɛ aboloo atrɔma kome pɛ hewɔ lɛ, gbɔmɔ aaafee efɔŋ.

Yesaia 10:1

Kpoo ha mlawolɔi ni woɔ mlai ni ejaaa, kɛ mɛi ni ŋmalaa mlai ni akɛfeɔ mɛi niseniianii lɛ.

Yesaia 10:2

Mlai nɛɛ hãa atsɔ̃ɔ ohiafo sane hiɛ abuɔ shi, ni akɛshɔɔ mimaŋbii ateŋ ohiafoi lɛ agbɛnaanii yɛ amɛdɛŋ, koni aha okulafoianii, ni ashɔ̃ awusãi agboshinii yɛ amɛdɛŋ.

Yesaia 3:14

Yehowa kɛ emaŋ onukpai kɛ maŋ lumɛi lɛ miikojo akɛ, “Nyɛ ji mɛi ni nyɛkpa waintrom lɛ mli nii ni nyɛye lɛ. Ohiafoi adɛŋ nibii ni nyɛhahaa lɛ yɛ nyɛshĩai lɛ amli.

Yesaia 3:15

Te nyɛjwɛŋɔ tɛŋŋ hewɔ ni nyɛmiaa mimaŋ lɛ, ni nyɛkɛ ohiafoi ahiɛ shwishwiaa shi nɛɛ lɛ? Mi, Nuŋtsɔ Nyɔŋmɔ, Taiatsɛ, miibi nyɛ!”

Ezekiel 22:11

Mɔ kɛ enaanyo ŋa naa bɔlɛ; mɔ ko hu kɛ ebinuu ŋa naa bɔlɛ; mɔ ko hu kɛ enyɛmiyoo ni ji etsɛbi naa bɔlɛ yɛ omli.

Ezekiel 36:20

Be ni amɛtee majimaji lɛ amli lɛ, he fɛɛ he ni amɛshɛ lɛ amɛgbe migbɛi krɔŋkrɔŋ lɛ he guɔ; ejaakɛ nɔ ni mɛi kɛɛ yɛ amɛhe ji akɛ, ‘Yehowa webii nɛ, shi kɛ̃lɛ naa amɛ ni amɛje amɛNyɔŋmɔ lɛ shikpɔŋ lɛ nɔ.’

Hosea 4:14

Shi kɛji nyɛbiyei lɛ bɔ ajwamãŋ lɛ migbalaŋ amɛtoi, ni kɛji nyɛbihii aŋamɛi lɛ hu fite gbãlã lɛ migbalaŋ amɛtoi, ejaakɛ nyɛ, hii lɛ diɛŋtsɛ tete lɛ nyɛ kɛ ajwamãŋi ni yɔɔ jamɔhe lɛ yabɔɔ ajwamãŋ, ni nyɛ kɛ amɛ fɛɛ shãa wɔŋjamɔ afɔlei lɛ. Naa, maŋ ni bɛ jwɛŋmɔ lɛ ehiɛ kpãtãa.

3 Mose 18:15

Okɛ onyɛmi nuu ŋa akawɔ: ebaahã onyɛmi nuu lɛ hiɛ ashwie shi.

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 18:8

Okɛ otsɛ ŋa akawɔ; obaashwie otsɛ hiɛ shi.

3 Mose 20:3

Kɛji mɔ ko kɛ ebii ateŋ mɔ ko hã Molek, ni ekɛwo He Krɔŋkrɔŋ ni ajaa mi yɛŋ lɛ he muji, ni eshwie migbɛi krɔŋkrɔŋ lɛ hiɛ shi lɛ, mi lɛ majie mihiɛ maka lɛ, ni mibuŋ lɛ mishiŋ miwebii lɛ anɔ.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Amos 5:12

Ejaakɛ mile akɛ nyɛmlanɔtɔ̃mɔi lɛ fa, ni mile eshai ni nyɛfeefee anaawalɛ. Nyɛgbaa jalɔ naa, ni nyɛheɔ nyɔŋnii, ni nyɛŋmɛɛɛ gbɛ koni ohiafo kɛ esane ashɛ koishi koni aye ahã lɛ.

Amos 8:4

Nyɛboa toi, nyɛ mɛi ni nyɛnaanaa mɛi ni efi amɛ lɛ anɔ, ni nyɛkpãtãa ohiafoi ahiɛ yɛ shikpɔŋ lɛ nɔ.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Mika 2:9

Nyɛshwieɔ mimaŋ lɛ mli yei lɛ yɛ amɛshĩai ni amɛsumɔɔ lɛ; ni jɔɔmɔi ni mikɛjɔɔ amɛbii lɛ, nyɛshɔ̃ yɛ amɛdɛŋ kɛmiiya naanɔ.

Zefania 3:3

Emli lumɛi lɛ jatai ni huuɔ ni, emli kojolɔi lɛ hu klãji hɔmɔwɔlɔi ni shiii niyenii ko niyenii ko ni je atsɛre nɔ.

Romabii 2:24

Ejaakɛ aŋma akɛ, “Nyɛhewɔ lɛ awieɔ Nyɔŋmɔ gbɛi lɛ he musubɔɔ wiemɔi yɛ jeŋmaji lɛ ateŋ.”

1 Korintobii 5:1

Aakɛɛ kwraa po akɛ ajwamãŋbɔɔ yɛ nyɛteŋ, ajwamãŋbɔɔ ni bɛ jemajiaŋbii ateŋ tete akɛ mɔ ko kɛ etsɛ ŋa wɔɔ lɛ.