Amos 1:6 - ŊMALƐ KRƆŊKRƆŊ LƐ

⁶ Bɔ ni Yehowa kɛɛ nɛ, “Tɔ̃mɔi babaoo ni Gazabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛŋɔ jaku muu fɛɛ nom kɛtee amɛyahã Edombii.

Ṅmãle̱ Kroṅkroṅ Le̱

⁶ Boni Iehowa kē̱ ne̱: *Gaza mlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ ame̱ṅõ maṅ mū le̱ fẽ nom ke̱-te ame̱yatuame̱ ame̱wo Edom deṅ. *2 Kron. 28,17. 18. Ier. 47,1.

Amos 1:6 ပူးပေါင်းရင်းမြစ်များ

2 Kronika 28:18

Nakai be lɛ mli nɔŋŋ lɛ Filistibii lɛ ebatua Yuda maji ni yɔɔ Yuda anaigbɛ gɔji lɛ ahiɛshi lɛ kɛ agbɛnɛ ewuoyigbɛ maji lɛ hu. Amɛshɔ̃shɔ̃ɔ̃ maji nɛɛ, Bet-Shemesh kɛ Ayalon kɛ Gederot kɛ Soko kɛ ehe akrowai lɛ, kɛ Timna kɛ ehe akrowai lɛ, kɛ Gimzo hu kɛ ehe akrowai lɛ, ni amɛbahi maji nɛɛ amli kwraa.

Yeremia 47:1

Wiemɔ ni Yehowa kɛ Gbalɔ Yeremia wie yɛ Filistibii ahe dani Ijipt maŋtsɛ yatua Gaza nɛ.

Ezekiel 35:5

“Akɛni onyɛ Israel hiɛ kɛjɛ blema beebe, ni yɛ Israel amanehulu be mli lɛ, oŋɔ amɛ oha ni akɛ klante kpãtã amɛhiɛ, be mli ni agbalaa amɛtoi nɔ ni ji naagbee nɔ lɛ, yɛ amɛhe eshai ahewɔ;

Yoel 3:4

“Tiro kɛ Sidon kɛ Filistia shikpɔji fɛɛ, mɛni nyɛtaoɔ nyɛfee mi? Ani nɔ ko ni mifee najiaŋ nyɛtaoɔ nyɛto mi? Kɛji nakai ni lɛ, no lɛ shwiaa, ni mahã nii ni nyɛfee lɛ aku sɛɛ ababua nyɛyiteŋ;

Yoel 3:6

Nyɛhɔ̃ɔ Yudabii kɛ Yerusalɛmbii lɛ nyɛhã Helabii, ni nyɛjie amɛ kɛjɛ amɛshikpɔŋ nɔ kɛtee shɔŋŋ.

Amos 1:11

Bɔ ni Yehowa kɛɛ nɛ, “Tɔ̃mɔi babaoo ni Edombii tɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛtse klante yɛ amɛnyɛmimɛi Israelbii lɛ anɔ, ni amɛgbe amɛ bɔ ni musuŋtsɔlɛ ko bɛ mli kwraa; amɛniŋ nii ahe aahu, ni amɛŋmɛɛɛ mlifu he kwrakwra.

Amos 1:3

Bɔ ni Yehowa kɛɛ nɛ, “Tɔ̃mɔi babaoo ni Damaskobii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛgbɛlɛ Gileadbii tamɔ akɛ dade gbɛlɛɔ nii.

Amos 1:7

No hewɔ lɛ, mibama Gaza maŋ lɛ he gbogbo lɛ naa la, ni ebaashã maŋ lɛ mli mɔji lɛ fɛɛ.

Amos 1:9

Bɔ ni Yehowa kɛɛ nɛ, “Tɔ̃mɔi babaoo ni Tiro etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛŋɔ maŋ muu lɛ fɛɛ amɛwo Edom dɛŋ, ni amɛkaiii kwraa nyɛmimɛi akpãŋmɔ ni yɔɔ amɛteŋ lɛ.

Obadia 1:11

Odamɔ shi yɛ afã banee, gbi ni gbɔi baloo ejwetri kɛtee lɛ. Odamɔ afã ni gbɔi bote maŋ lɛ mli ni amɛfɔ̃ oshiki kɛja emlinii amɛhã amɛhe lɛ.

Zakaria 9:5

Ashkelon maŋ lɛ aaana ni eeeshe gbeyei; Gaza hu aaana ni ehe aaakpokpo naakpa. Ekron hu aaana ejaakɛ ehiɛnɔkãmɔ lɛ aaafee yakatswaa. Gaza maŋtsɛ lɛ hiɛ aaakpãtã, ni Ashkelon hu baatsɔ̃ amaŋfɔ̃.

Bɔfoi 8:26

Shi Nuŋtsɔ lɛ bɔfo ko kɛ Filipo bawie akɛ, “Tee shi ni oya wuoyigbɛ yɛ tɛmpɔŋ ni kã shiaŋa lɛ nɔ kɛjɛ Yerusalɛm kɛyaa Gaza lɛ nɔ.”

1 Samuel 6:17

Abua ni fuufuu Filistibii lɛ henɔ shika nii ni Filistibii lɛ fee lɛ, bɔ ni amɛkɛyahã Yehowa akɛ amɛsɔ̃yeli he afɔle yɛ maji lɛ agbɛii amli nɛ: Ashdod nɔ ekome, kɛ Gaza nɔ ekome, kɛ Ashkelon nɔ ekome.