Amos 1:3 - ŊMALƐ KRƆŊKRƆŊ LƐ

³ Bɔ ni Yehowa kɛɛ nɛ, “Tɔ̃mɔi babaoo ni Damaskobii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛgbɛlɛ Gileadbii tamɔ akɛ dade gbɛlɛɔ nii.

Ṅmãle̱ Kroṅkroṅ Le̱

³ Bo̱ni Iehowa kē̱ ne̱: *Damasko mlatõmo̱i etẽ ke̱ edſe̱ le hewo̱ le̱ mitšakeṅ miyiṅtō le̱; edšake̱ ame̱ke̱ dade nigble̱mo̱nii gble̱ Gilead. *Ies. 17,1-3.

Amos 1:3 ပူးပေါင်းရင်းမြစ်များ

1 Maŋtsɛmɛi 19:17

Naa, mɔ fɛɛ mɔ ni aaaje Hazael klante naa gbele mli lɛ, Yehu baagbe lɛ, ni mɔ ni baaje Yehu klante naa gbele mli lɛ, Elisha baagbe lɛ.

2 Maŋtsɛmɛi 13:3

Ni Yehowa mli wo Israel la, ni no hewɔ lɛ, daa nɛɛ Yehowa tuɔ amɛ ewoɔ Siria Maŋtsɛ Hazael kɛ ebi Ben-Hadad dɛŋ.

2 Maŋtsɛmɛi 13:7

No hewɔ lɛ, Yehoahaz lɛ, asraafoi pɛ ni shwɛ hã lɛ ji okpɔŋɔnɔtalɔi nyɔŋmai enumɔ kɛ tayaa shwiilii nyɔŋma kɛ nanenɔnyiɛlɔi akpei nyɔŋma; ejaakɛ Siria maŋtsɛ lɛ eplene Israelbii lɛ, ni efee amɛ munyɔmunyɔ tamɔ shikpɔŋ mlu.

2 Maŋtsɛmɛi 16:9

Tiglat Pileser fee nɔ ni Ahaz babi lɛ lɛ. Efã ta eyatua Damasko, ni eye enɔ, ni egbe Maŋtsɛ Rezin, ni eŋɔ Damaskobii lɛ nom kɛtee Kir.

2 Maŋtsɛmɛi 8:12

Hazael bi lɛ akɛ, “Mɛni hewɔ minuŋtsɔ foɔ nɛɛ?” Elisha hã lɛ hetoo akɛ, “Ejaakɛ mile nɔ efɔŋ ni bo obaafee Israelbii: amɛmɔji ni he wa lɛ obaamamɔ naa la, ni amɛblahii lɛ okɛ klante baagbe amɛ, ni amɛbii fufɔbii lɛ obaaŋɔ amɛ otswia shi, ni amɛyeihɔlɔi lɛ obaagbalagbalaa amɛmli.”

Hiob 19:3

Shii abɔ nɛɛ fɛɛ lɛ, nyɛmiibɔ mi ahora; efeee nyɛ hiɛgbele akɛ nyɛmiitɔ̃ minɔ?

Hiob 5:19

Ebaajie bo yɛ amanehului babaoo amli hu, nɔ ko nɔ ko efeŋ bo.

Abe̱i 6:16

Yehowa miihi nibii kpawo:

Jajelɔ 11:2

Feemɔ mɛi kpawo loo kpaanyɔ ejurɔ, ejaakɛ oleee sane gbonyo ni nyiɛ gbɛ baa yɛ jeŋ.

Yesaia 28:27

Akɛ ŋmãagbeemɔ tso egbeee kowɛ, ni akɛ shwiili nane tsɔ̃ɔɔ sulu nɔ kɛhooo; shi moŋ akɛ tso gbeɔ kowɛ lɛ, ni akɛ dɛhiɛmɔtso gbeɔ sulu lɛ.

Yesaia 41:15

Naa, mibafee bo gbɛlɛmɔ tsɔne kɛ enyanyɔji hei ni naa ba; ni obaagbɛlɛ gɔji lɛ, ni oooshimɔ amɛ muɛmuɛ, ooohã gɔŋkpɔi lɛ atsɔ̃ tamɔ tutuu.

Yesaia 7:16

Ejaakɛ be ni gbekɛ nɛɛ aaada ni ekwa nɔ fɔŋ ni ekɔ nɔ kpakpa lɛ, maŋtsɛmɛi enyɔ ni osheɔ amɛ gbeyei nɛɛ lɛ ashi amɛshikpɔŋ lɛ amaŋfɔ̃.

Yesaia 7:8

ejaakɛ Siria he waaa fe Damasko, ni Damasko he waaa fe Maŋtsɛ Rezin. Yɛ Israel gbɛfaŋ lɛ biɛ afii nyɔŋmai ekpaa kɛ enumɔ mli lɛ abaabutu lɛ, ni efeŋ maŋ dɔŋŋ.

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Amos 1:11

Bɔ ni Yehowa kɛɛ nɛ, “Tɔ̃mɔi babaoo ni Edombii tɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛtse klante yɛ amɛnyɛmimɛi Israelbii lɛ anɔ, ni amɛgbe amɛ bɔ ni musuŋtsɔlɛ ko bɛ mli kwraa; amɛniŋ nii ahe aahu, ni amɛŋmɛɛɛ mlifu he kwrakwra.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Amos 1:6

Bɔ ni Yehowa kɛɛ nɛ, “Tɔ̃mɔi babaoo ni Gazabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛŋɔ jaku muu fɛɛ nom kɛtee amɛyahã Edombii.

Amos 1:9

Bɔ ni Yehowa kɛɛ nɛ, “Tɔ̃mɔi babaoo ni Tiro etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛŋɔ maŋ muu lɛ fɛɛ amɛwo Edom dɛŋ, ni amɛkaiii kwraa nyɛmimɛi akpãŋmɔ ni yɔɔ amɛteŋ lɛ.

Amos 2:1

Bɔ ni Yehowa kɛɛ nɛ, “Tɔ̃mɔi babaoo ni Moabbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛshã Edom maŋtsɛ gbonyo wui kɛyashi etsɔ̃ lamlu, ni amɛkɛshwie ehiɛ shi.

Amos 2:4

Bɔ ni Yehowa kɛɛ nɛ, “Tɔ̃mɔi babaoo ni Yudabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛkwa Yehowa mlai lɛ, ni amɛyeee ekpɔi lɛ anɔ. Apasa jemawɔji asɛɛ ni amɛyanyiɛ, tamɔ amɛtsɛmɛi lɛ yanyiɛ lɛ, hã amɛdu gbɛ.

Amos 2:6

Bɔ ni Yehowa kɛɛ nɛ, “Tɔ̃mɔi babaoo ni Israelbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛhɔ̃ɔ jalɔi amɛhe jwiɛtɛi, ni ohiafo lɛ amɛhɔ̃ɔ lɛ tokota jara naa.

Zakaria 9:1

Yehowa wie eshi Hadrak shikpɔŋ lɛ ni nakai wiemɔ lɛ saa Damasko hu he; ejaakɛ Siria maji wuji lɛ hu Yehowa nɔ ji fɛɛ, tamɔ bɔ ni enɔ ji Israel akutsei lɛ.

Zakaria 9:2

Enɔ ji Hamat hu ni kɛ Hadrak shikpɔŋ lɛ je husu lɛ, kɛ Tiro kɛ Sidon fɛɛ, tsɛbelɛ amɛnilee naa wa naakpa.