Amos 1:14 - ŊMALƐ KRƆŊKRƆŊ LƐ

¹⁴ No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

Ṅmãle̱ Kroṅkroṅ Le̱

¹⁴ Ši maše̱re la mawo Raba gbogbo le̱ he, ni eešã emli mõdši fe̱fe̱dši le̱, ke̱ ošebō̱ ye̱ ta gbĩ le̱ no̱, ke̱ ahum ye̱ lasũogbĕle gbĩ le̱ no̱.

Amos 1:14 ပူးပေါင်းရင်းမြစ်များ

2 Samuel 11:1

Afi ni nyiɛ sɛɛ lɛ, be ni maŋtsɛmɛi fãa ta lɛ, David wo Yoab kɛ esafoiatsɛmɛi kɛ Israel tabilɔi gbɛ, ni amɛyakpãtã Amonbii lɛ ahiɛ. Amɛyasa Raba maŋ lɛ yi; shi David diɛŋtsɛ lɛ ehi shi yɛ Yerusalɛm.

2 Samuel 12:26

Ni Yoab fã ta kɛyatua Amonbii amaŋ wulu ni atsɛɔ lɛ Raba lɛ, ni ekɛ amɛwu; ni eshwɛ fioo ni ebaaŋɔ maŋ lɛ.

2 Samuel 12:31

Maŋbii ni yɔɔ maŋ lɛ mli lɛ, ehã amɛ nitsumɔ ni amɛkɛ saalai kɛ kɔi kɛ lema atsu; asaŋ enyɛ amɛnɔ hu ni amɛfo ntayaa amɛhã lɛ. Nɛkɛ ji bɔ ni ekɛ Amonbii amaji lɛ fɛɛ ye ehã. Kɛkɛ ni David kɛ etabilɔi lɛ fɛɛ ku amɛsɛɛ kɛba Yerusalɛm.

1 Kronika 20:1

Sane nɛɛ sɛɛ afi, be mli ni maŋtsɛmɛi fãa ta lɛ, Yoab ŋɔ Israel ta lɛ ni efã ta ewo Amonbii lɛ, ni ekpãtã amɛshikpɔŋ lɛ hiɛ. Shi Maŋtsɛ David hi shi yɛ sɛɛ yɛ Yerusalɛm. Yoab yagba ta kɛbɔle Raba maŋ lɛ, kɛkɛ ni etua maŋ lɛ, ni eye maŋ lɛ nɔ kunim.

Hiob 39:25

Kɛji tɛtɛrɛmantɛrɛ gbɛɛ lɛ, ekɛɔ akɛ, ‘Yiɛ, eshɛ!’ Enyiɛ shɔŋŋ ni enuɔ ta he fu, kɛ asafoiatsɛmɛi lɛ afaamɔi kɛ blɔmɔ he.

Lalai 83:15

nakai okɛ ahum ashwie amɛ, ni okɛ kɔɔyɔɔ ni naa wa lɛ awo amɛhe gbeyei.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 9:5

Ejaakɛ aspaatre fɛɛ aspaatre ni tabilɔ kɛbaashimɔ shi yɛ ta lɛ mli kɛ atade fɛɛ atade ni lá ewu mli lɛ, akɛbaafee lai ni ashã.

Yeremia 23:19

Naa, Yehowa mlifu lɛ, ahum ni, ni efã kɛje kpo tamɔ lasuogbele, ni ebaawula mɛi fɔ̃ji lɛ ayi.

Yeremia 49:2

Naa, mi Yehowa, miikɛɛ akɛ be miiba, be ni mahã mɛi ni yɔɔ Amonbii amaŋ wulu Raba lɛ mli anu ta oshebɔɔ he. Ebaatsɔ̃ koikoi, ni abaashã ekrowai lɛ wɛɛ kɛmɔ shi, ni Israel baaye mɛi ni baye enɔ lɛ anɔ. Mi, Yehowa, mikɛɛ.

Ezekiel 21:20

Okadi lɛ ekome atsɔ̃ɔ maŋtsɛ lɛ gbɛ ni ekɛ eklante lɛ atsɔ̃ nɔ kɛba Raba, ni ji Amonbii lɛ amaŋ lɛ mli; okadi kroko lɛ atsɔ̃ɔ gbɛ kɛya Yuda shikpɔŋ lɛ nɔ kɛbote Yerusalɛm ni atswa gbogbo awo ehe lɛ mli tɔ̃ɔ.

Ezekiel 21:22

Eklamɔ lɛ tsɔ̃ɔ lɛ akɛ etsɔ̃ ninejurɔgbɛ kɛya Yerusalɛm, koni ebɔ ta oshe, ni awo naa nɔ abolɔ, ni aŋɔ gbogbokuumɔnii apiŋ agboi lɛ ahe, ni atswa kpokui ni amãmɔ mɔji ni wa.

Ezekiel 21:25

Bo Israel lumɔ, yiwalɔ ni he tseee, bo ni obe eshɛ kɛhã onaagbee toigbalamɔ,

Ezekiel 25:5

Maha Rama atsɔ̃ yoomai aniyelihe, ni maha Amonbii amaji wuji lɛ baatsɔ toi atsu. No nyɛkɛaale akɛ mi, mi ji Yehowa.

Ezekiel 25:7

hewɔ lɛ, naa, mite shi miwo bo, ni maŋɔ bo mahã jeŋmaji lɛ ni amɛha onibii. Makpãtã ohiɛ yɛ majimaji fɛɛ ateŋ; ni mafite bo yɛ shikpɔji lɛ anɔ; makpãtã ohiɛ, ni ooona ole akɛ mi, mi ji Yehowa.”

Daniel 11:40

“Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.

Amos 2:2

No hewɔ lɛ, mibama Moab shikpɔŋ lɛ naa la, ni la nɛɛ baashã Keriot maŋ lɛ mli mɔji lɛ fɛɛ. Moabbii lɛ baagboi yɛ oshebɔɔ kɛ tɛtɛrɛmantɛrɛ gbɛɛmɔ kɛ hoofeemɔ lɛ mli.

Zakaria 7:14

Ni no hã mi kɛ lasuogbele gbɛ amɛshwã kɛtee majiasɛɛ hei ni amɛleee lɛ, ni shikpɔŋ ni amɛshi nɔ lɛ tsɔ̃ amaŋfɔ̃ yɛ amɛsɛɛ bɔ ni mɔ ko eyaaa mli, ni mɔ ko ejeee mli hu lɛ. Amɛshikpɔŋ fɛɛfɛo lɛ tsɔ̃ amaŋfɔ̃.”

5 Mose 3:11

(Bashan Maŋtsɛ Og nɛɛ, lɛ ji Refaimbii ashwiei lɛ ateŋ naagbeemɔ ni eshwɛ. Esaatso lɛ dade saatso ni, ni ekɛlɛ ji ninetalɔi nɛɛhu kɛ elɛɛmɔ hu ninetalɔi ejwɛ. Dade saatso nɛɛ yɛ Amonbii amaŋ ni ji Raba kɛbashi ŋmɛnɛ.)