Amos 1:13 - ŊMALƐ KRƆŊKRƆŊ LƐ

¹³ Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Ṅmãle̱ Kroṅkroṅ Le̱

¹³ Bo̱ni Iehowa kē̱ ne̱: *Amonbii le̱ amlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ ame̱gblagbla Gilead yeiho̱lo̱i le̱ amli, beni afe ní ame̱lē̱ ame̱hūsũi le̱ amli. *Ier. 59,1-5.

Amos 1:13 ပူးပေါင်းရင်းမြစ်များ

2 Samuel 12:31

Maŋbii ni yɔɔ maŋ lɛ mli lɛ, ehã amɛ nitsumɔ ni amɛkɛ saalai kɛ kɔi kɛ lema atsu; asaŋ enyɛ amɛnɔ hu ni amɛfo ntayaa amɛhã lɛ. Nɛkɛ ji bɔ ni ekɛ Amonbii amaji lɛ fɛɛ ye ehã. Kɛkɛ ni David kɛ etabilɔi lɛ fɛɛ ku amɛsɛɛ kɛba Yerusalɛm.

2 Maŋtsɛmɛi 15:16

Be ni Menahem jɛ Tirza eyaa lɛ, eyatswia Tapua kɛ mɛi fɛɛ ni yɔɔ mli kɛ ekpokpaianɔbii fɛɛ nii; ejaakɛ amɛŋmɛɛɛ amɛmaŋ lɛ he amɛhãaa lɛ. No hewɔ lɛ, etswia amɛ nii, ni emli yeihɔlɔi lɛ egbalagbalaa amɛmli.

2 Maŋtsɛmɛi 24:2

Ni Yehowa tsu Babilonbii atai lɛ kɛ Siriabii atai lɛ kɛ Moabbii atai lɛ kɛ Amonbii atai lɛ kɛbatua Yehoiakim koni amɛfite Yuda taakɛ Yehowa tsɔ̃ etsuji gbalɔi lɛ anɔ ewie lɛ.

2 Maŋtsɛmɛi 8:12

Hazael bi lɛ akɛ, “Mɛni hewɔ minuŋtsɔ foɔ nɛɛ?” Elisha hã lɛ hetoo akɛ, “Ejaakɛ mile nɔ efɔŋ ni bo obaafee Israelbii: amɛmɔji ni he wa lɛ obaamamɔ naa la, ni amɛblahii lɛ okɛ klante baagbe amɛ, ni amɛbii fufɔbii lɛ obaaŋɔ amɛ otswia shi, ni amɛyeihɔlɔi lɛ obaagbalagbalaa amɛmli.”

2 Kronika 20:1

Saji nɛɛ asɛɛ lɛ Moabbii lɛ kɛ Amonbii lɛ na Meunbii lɛ ekomɛi fata amɛhe, kɛkɛ ni amɛfã ta kɛbatua Yuda.

2 Kronika 20:10

“Ŋmɛnɛ, naa Amonbii lɛ kɛ Moabbii lɛ, ni ji Seir Gɔŋ lɛ nɔ bii lɛ, ni amɛbatua wɔ. Be ni wɔtsɛmɛi lɛ jɛ Ijipt shikpɔŋ lɛ nɔ, ni amɛbaa lɛ, ohã amɛtsɔ̃ afã kɛlɔgɔ gbɔmɛi nɛɛ ahe kɛho, ni no hewɔ lɛ, wɔtsɛmɛi lɛ tuaaa amɛ ni amɛaakpãtã amɛhiɛ.

Nehemia 2:19

Shi be ni Sanbalat, Horonnyo lɛ, kɛ Tobia, Amonnyo ni ji nyɔŋ lɛ kɛ Geshem, Arabianyo lɛ, nu lɛ, amɛŋmɔ wɔ, ni amɛye wɔhe fɛo amɛkɛɛ, “Mɛɛ sane nyɛyeɔ nɛɛ? Aso nyɛmitse Maŋtsɛ lɛ hiɛ atua?”

Lalai 83:7

kɛ Gebalbii lɛ kɛ Amonbii lɛ kɛ Amalekbii lɛ kɛ Filistiabii lɛ kɛ Tirobii lɛ hu.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yeremia 25:21

Mɛi komɛi hu ji Edombii kɛ Moabbii kɛ Amonbii lɛ,

Ezekiel 21:28

“Ni bo Gbɔmɔ Adesa, gbaa ni okɛɛ Amonbii lɛ akɛ, bɔ ni Nuŋtsɔ Yehowa kɛɔ nyɛ yɛ ahora ni amɛbɔɔ Israel lɛ he nɛ; kɛɛmɔ akɛ: ‘Klante, agbala klante kɛhã gbɔmɔgbee; asha he kaŋkaŋ, ni ekpɛ tamɔ srawa.’ ”

Ezekiel 25:1

Yehowa kɛɛ mi ekoŋŋ akɛ,

Ezekiel 35:10

“Nɔ ni okɛɛ ji akɛ, ‘Yuda kɛ Israel maji enyɔ lɛ minii ni, ni amɛshikpɔji enyɔ lɛ hu minii ni hewɔ lɛ maŋɔ amɛ;’ tsɛbelɛ, mi, Yehowa, miyɛ jɛi.

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Amos 1:3

Bɔ ni Yehowa kɛɛ nɛ, “Tɔ̃mɔi babaoo ni Damaskobii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛgbɛlɛ Gileadbii tamɔ akɛ dade gbɛlɛɔ nii.

5 Mose 2:19

Kɛji nyɛyashɛ Amonbii lɛ ashikpɔŋ lɛ husu lɛ nɔ lɛ, nyɛkagbaa Amonbii lɛ anaa, ni nyɛkɛ amɛ akawua ta ko hu, ejaakɛ mikɛ Amonbii lɛ ashikpɔŋ lɛ he ko kwraa haŋ nyɛ, ejaakɛ mikɛhã Lot shwiei lɛ akɛ amɛgbɛfaŋnɔ.’ ”