Amos 1:11 - ŊMALƐ KRƆŊKRƆŊ LƐ

¹¹ Bɔ ni Yehowa kɛɛ nɛ, “Tɔ̃mɔi babaoo ni Edombii tɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛtse klante yɛ amɛnyɛmimɛi Israelbii lɛ anɔ, ni amɛgbe amɛ bɔ ni musuŋtsɔlɛ ko bɛ mli kwraa; amɛniŋ nii ahe aahu, ni amɛŋmɛɛɛ mlifu he kwrakwra.

Ṅmãle̱ Kroṅkroṅ Le̱

¹¹ Boni Iehowa kē̱ ne̱: *Edom mlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ eke̱ klante tiu †enyemi le̱, ni eše̱ mũsūṅtšōle̱ fẽ efõ, ni emlifũ tšere̱o̱ mei amli dāne̱, ni etoo̱ emlila le̱ ke̱-yaä nāgbē. *Ier. 59,1. †5 Mose 23,3. Obad. 10

Amos 1:11 ပူးပေါင်းရင်းမြစ်များ

2 Kronika 20:10

“Ŋmɛnɛ, naa Amonbii lɛ kɛ Moabbii lɛ, ni ji Seir Gɔŋ lɛ nɔ bii lɛ, ni amɛbatua wɔ. Be ni wɔtsɛmɛi lɛ jɛ Ijipt shikpɔŋ lɛ nɔ, ni amɛbaa lɛ, ohã amɛtsɔ̃ afã kɛlɔgɔ gbɔmɛi nɛɛ ahe kɛho, ni no hewɔ lɛ, wɔtsɛmɛi lɛ tuaaa amɛ ni amɛaakpãtã amɛhiɛ.

2 Kronika 20:11

Nɔ ni amɛkɛdaa wɔ shi ji ba ni amɛto kɛba kɛbashwie wɔ yɛ shikpɔŋ ni bo okɛhã wɔ akɛ wɔgbɛfaŋnɔ lɛ nɔ nɛɛ.

2 Kronika 28:17

ejaakɛ Edombii lɛ ebatua Yuda ekoŋŋ, ni amɛŋɔ mɛi anom kɛtee.

Lalai 137:7

Oo Yehowa, kaimɔ bɔ ni Edombii lɛ fee lɛ, gbi nɔ ni aŋɔ Yerusalɛm lɛ, bɔ ni amɛkɛɛ akɛ, “Nyɛkumɔa, nyɛkumɔa kɛyamɔa eshishitoo lɛ tɔ̃ɔ” lɛ!

Lalai 85:5

Aso omli aaafu wɔ kɛaatee naanɔ? Oookã omlifu lɛ he kɛaaya yinɔi fɛɛ nɔ?

Jajelɔ 7:9

Kaahã omli fu oya, ejaakɛ kwashiai amiinaa ji he ni mlifu yɔɔ.

Yesaia 57:16

Ejaakɛ mibeŋ kɛyaŋ naanɔ, ni jeee daa mimli aaawo la, ejaakɛ mi midɛŋ mumɔ jɛɔ, ni mi mibɔ wala mumɔ.

Hosea 8:3

Israelbii ekwa nɔ kpakpa lɛ, no hewɔ lɛ, henyɛlɔi aaanyiɛ amɛsɛɛ.

Yoel 3:19

“Ijipt aaatsɔ̃ shiaŋa, ni Edom aaatsɔ̃ shikpɔŋ ni egbo; ejaakɛ amɛbatua Yuda shikpɔŋ lɛ, ni amɛshwie enɔ bii ni efeko efɔŋ ko lɛ alá shi.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zakaria 1:15

Shi mimli efu maji ni he ejɔ amɛ lɛ naakpa, ejaakɛ be ni mimli fu mimaŋ lɛ fioo lɛ, jeŋmaji lɛ kã amɛnɔnaa lɛ mli.

Maleaki 1:2

Yehowa kɛɛ ewebii lɛ akɛ, “Misumɔ nyɛ.” Shi amɛto he akɛ, “Mɛni tsɔ̃ɔ akɛ osumɔ wɔ?” Yehowa here amɛ nɔ akɛ, “Te Esau nyɛmi nuu ji Yakob; shi bɛ misumɔ Yakob kɛ eshwiei,

Maleaki 1:4

Kɛji Esau shwiei, ni ji Edombii, lɛ kɛɛ akɛ, “Akpãtã wɔhiɛ moŋ, shi wɔbaaku wɔsɛɛ kɛya ni wɔyasaa wɔtswa wɔtsui ni efee koikoi lɛ,” no lɛ Yehowa baato he akɛ, “Amɛbaanyɛ amɛsaa tsui lɛ amɛmamɔ nɛ, shi mi hu makumɔ tsui lɛ mashwie shi kɛyaashi mɛi aaatsɛ amɛ akɛ, ‘Maŋ gbonyo ni Yehowa mli efu amɛ kɛmiiya naanɔ nɛ.’ ”

Efesobii 5:1

No hewɔ lɛ, nyɛfea nyɛhe mɛi ni kaseɔ Nyɔŋmɔ, akɛ bii ni asumɔɔ.

5 Mose 23:7

“Nyɛkanyaŋea Edombii ejaakɛ nyɛnyɛmimɛi ji amɛ, ni nyɛkanyaŋea Ijiptbii hu ejaakɛ nyɛyato gbɔ yɛ amɛshikpɔŋ lɛ nɔ pɛŋ.