Amos 1:1 - ŊMALƐ KRƆŊKRƆŊ LƐ

¹ Amos, ni ji tookwɛlɔ ko ni jɛ Tekoa maŋ lɛ mli lɛ, gbalɛ wiemɔi nɛ. Naa Nyɔŋmɔ jie ninaa nɛɛ yɛ Israel he etsɔ̃ɔ Amos afii enyɔ dani shikpɔŋ hoso, be mli ni Uzia yeɔ Yuda maŋtsɛ, ni Yeroboam, Yehoash bi lɛ, hu yeɔ Israel maŋtsɛ lɛ.

Ṅmãle̱ Kroṅkroṅ Le̱

¹ Amos ni yo̱ Tekoa *tōiatše̱mei le̱ ateṅ le̱ wiemo̱i ní ena ye̱ ninā mli ye̱ Israel hewo̱, ye̱ †Uzia, Iuda maṅtše̱ le̱, ke̱ Ierobeam, Ioaš bi le̱ ní dši Israel maṅtše̱ le̱, yino̱, afii enyo̱ dãni **šikpoṅ hosomo̱ le̱ ba le̱ ne̱. *7,14. †2 Maṅ 15,1; 14,23. **Zak. 14,5.

Amos 1:1 ပူးပေါင်းရင်းမြစ်များ

2 Samuel 14:2

etsu atee Tekoa maŋ lɛ mli ayaŋɔ yoo nilelɔ ko abahã lɛ. Yoab kɛɛ yoo lɛ akɛ, “Kwaa ni otsɔ̃ ohe ŋkɔmɔyelɔ. Otao yalafeemɔ bo obu, ni okakpa mu, koni ofee ohe tamɔ yoo ni eeye emɔ ko ni egbo he ŋkɔmɔ be babaoo;

1 Maŋtsɛmɛi 19:19

Elia shi jɛi; eyanina Shafat bi Elisha ni eekwɛ tsinai ntai ni miihu nɔ. Tsinai ntai nyɔŋma kɛ enyɔ nyiɛ ehiɛ, ni lɛ diɛŋtsɛ lɛ ekɛ naagbee tsinai nta lɛ miihu. Be ni Elia hoɔ Elisha he lɛ, ejie etade yuu ni ewo lɛ, ni ekɛwo Elisha.

2 Maŋtsɛmɛi 14:21

Ni Yuda maŋ muu lɛ fɛɛ ŋɔ Azaria, ni amɛwo lɛ maŋtsɛ yɛ etsɛ Amazia sɛɛ.

2 Maŋtsɛmɛi 14:23

Yuda Maŋtsɛ Amazia, Yoash bi lɛ, yinɔ afi ni ji nyɔŋma kɛ enumɔ lɛ nɔ lɛ, Yeroboam, Israel Maŋtsɛ Yohoash bi lɛ, baye maŋtsɛ yɛ Samaria, ni eye maŋtsɛ afii nyɔŋmai ejwɛ kɛ ekome.

2 Kronika 11:6

Betlehem kɛ Etam kɛ Tekoa,

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Mose 3:1

Mose miikwɛ eshaanuu Yetro, Midian osɔfo lɛ, toi. Gbi ko lɛ ekpala toi lɛ kɛtee ŋa lɛ nɔ anaigbɛ, ni eyaje Horeb, Yehowa Gɔŋ lɛ he.

Yesaia 1:1

Ninaa ni ajie atsɔ̃ Yesaia, Amoz bi lɛ, yɛ Yuda shikpɔŋ lɛ kɛ Yerusalɛm maŋ lɛ hu he, yɛ Yuda maŋtsɛmɛi nɛɛ, Uzia kɛ Yotam kɛ Ahaz kɛ Hezekia, ayinɔ nɛ:

Yeremia 1:1

Yeremia, Osɔfo Hilkia ni hi shi yɛ Anatot yɛ Benyamin shikpɔŋ lɛ nɔ lɛ bi lɛ, wiemɔi nɛ:

Yeremia 28:8

Gbalɔi ni tsɔ̃ mi kɛ bo fɛɛ wɔhiɛ kɛjɛ teteete lɛ, amɛgba tai kɛ hɔmɔ kɛ gbele hela ni baaba shikpɔji babaoo kɛ maŋtsɛmɛi wuji amaŋtsɛyelihei anɔ ahe gbalɛi.

Yeremia 6:1

Ao! Nyɛ Benyaminbii, nyɛjoa foi kɛjea Yerusalɛm ni nyɛhere nyɛyiwala. Akpã tɛtɛrɛmantɛrɛ yɛ Tekoa, nyɛkɛ lasu pukɔŋŋ atoa okadi yɛ Bet-Hakerem, ejaakɛ sane fɔŋ ni ji hiɛkpãtãmɔ kpeteŋkple miibu tamɔ oblɔtu kɛmiijɛ kooyigbɛ kɛmiiba.

Yeremia 7:27

“No hewɔ lɛ, Yeremia, okɛ amɛ baawie nɛkɛ wiemɔi nɛɛ fɛɛ nɛ, shi amɛboŋ bo toi; ni kɛji otsɛ amɛ hu amɛhereŋ bo nɔ.

Hosea 1:1

Yehowa wiemɔ ni ekɛ Hosea, ni ji Beeri bi lɛ, wie yɛ Yuda maŋtsɛmɛi Uzia kɛ Yotam kɛ Ahaz kɛ Hezekia ayinɔ lɛ nɛ. No mli lɛ Yeroboam, Yoash bi lɛ, miiye maŋtsɛ yɛ Israel.

Amos 7:14

Amos here nɔ, ni ekɛɛ Osɔfo Amazia akɛ, “Jeee gbalɔ ji mi, ni asaŋ jeee gbalɔ bi hu ji mi. Shi moŋ koolookwɛlɔ ji mi, ni misaa sikamore tsei ahe hu;

Mika 1:1

Maŋtsɛ Yotam kɛ Maŋtsɛ Ahaz kɛ Maŋtsɛ Hezekia ni ji Yuda maŋtsɛmɛi lɛ, ayinɔ lɛ, Yehowa kɛ shɛɛ wiemɔ nɛɛ hã Mika ni jɛ maŋ ni atsɛɔ lɛ Moreshet lɛ mli lɛ. Yehowa jie nibii ni kɔɔ Samaria kɛ Yerusalɛm he nɛɛ fɛɛ kpo etsɔ̃ɔ Mika.

Zakaria 14:5

Nyɛbaajo foi kɛtsɔ̃ jɔɔ ni kã migɔŋ ni emli egba enyɔ lɛ mli. Nyɛbaajo foi tamɔ bɔ ni nyɛtsɛmɛi lɛ jo foi be ni shikpɔŋ hoso yɛ Yuda maŋtsɛ Uzia yinɔ lɛ. No sɛɛ lɛ, Yehowa, miNyɔŋmɔ lɛ kɛ emɛi krɔŋkrɔŋi lɛ fɛɛ baaba abapue.

Mateo 4:18

Be ni Yesu kpaa shi yɛ Galilea Ŋshɔ lɛ naa lɛ, ena nyɛmimɛi enyɔ, Simon ni atsɛɔ lɛ Petro, kɛ enyɛmi Andrea, ni amɛmiihɛ yɛ ŋshɔ lɛ mli, ejaakɛ wolɛi ji amɛ.

1 Korintobii 1:27

shi moŋ je nɛɛ mli kwashiaianii lɛ Nyɔŋmɔ hala, koni ekɛwo nilelɔi lɛ ahiɛgble; ni je nɛɛ mli gbɔjɔmɔnii lɛ hu Nyɔŋmɔ hala, koni ekɛwo nii ni he wa lɛ ahiɛgble;