Bɔfoi 9:40 - ŊMALƐ KRƆŊKRƆŊ LƐ

⁴⁰ Ni Petro shwie amɛ fɛɛ kɛje kpo, ni ekula shi esɔle, ni etsɔ̃ ehiɛ ehã gbonyo lɛ ni ekɛɛ, “Tabita, tee shi!” Ni egbele ehiŋmɛii, ni be ni ena Petro lɛ, ete shi eta shi.

Ṅmãle̱ Kroṅkroṅ Le̱

⁴⁰ Ni Petro ſie ame̱fẽ ke̱-dše kpo, ni ekũla ši eso̱le, ni etšṍ ebe ke̱-te gbonyo le̱ ṅõ ekē̱: Tabita, *te ši! Ni egble ehĩṅme̱ii, ni beni ena Petro le̱, eho etá ši. *Mar. 5,41.

Bɔfoi 9:40 ပူးပေါင်းရင်းမြစ်များ

2 Maŋtsɛmɛi 20:11

Kɛkɛ ni gbalɔ Yesaia sɔle ekpa Yehowa fai, ni Yehowa hã susuma ni etee hiɛhiɛ momo lɛ ba sɛɛsɛɛ yɛ Maŋtsɛ Ahaz atrakpoi lɛ anɔ nanefaamɔi nyɔŋma.

Mateo 6:6

Shi bo lɛ, kɛ oosɔle lɛ, botemɔ opia mli, ni oŋa oshinaa lɛ, ni osɔle otsɛ oTsɛ yɛ teemɔ mli; ni oTsɛ ni naa teemɔ mli nii lɛ aaawo bo nyɔmɔ.

Mateo 9:25

Shi be ni ashwie mɛi lɛ, etee tsu lɛ mli, ni emɔ oblayoo lɛ nineshi, ni ete shi.

Marko 9:25

Shi be ni Yesu na akɛ asafo lɛ hiɛ foi kɛmiiba eŋɔɔ lɛ, efã mumɔ fɔŋ lɛ yi ni ekɛɛ lɛ akɛ, “Bo mumɔ mumui kɛ toimulɔ, miifã bo akɛ, ‘Jee emli, ni kaabote emli dɔŋŋ.’ ”

Luka 22:41

Ni egbala ehe shi kɛjɛ amɛŋɔɔ aaafee tɛfɔ̃ɔ jɛkɛmɔ, ni eho ekula shi, ni esɔle

Luka 8:54

Shi Yesu mɔ enine shi, ni ebo akɛ, “Gbekɛyoo, tee shi!”

Bɔfoi 20:36

Be ni ewie nɛkɛ lɛ, ekula shi ni ekɛ amɛ fɛɛ sɔle.

Bɔfoi 21:5

Ni eba mli akɛ, be ni wɔye gbii lɛ tã lɛ, wɔkɛshwie nɔ, ni amɛ kɛ amɛŋamɛi kɛ amɛbii fɛɛ bajie wɔ gbɛ kɛyashi maŋ lɛ klotia; ni wɔkula shi yɛ ŋshɔ lɛ naa, ni wɔsɔle.

Bɔfoi 28:8

Eba mli akɛ Publio tsɛ kã shi kɛ atridii kɛ fɔ kɛ la wamɔ; ni Paulo tee eŋɔɔ, ni esɔle ekɛ eniji shwie enɔ ni etsa lɛ.

Bɔfoi 7:60

Ni ekula shi, ni ebo kɛ gbee ni wa akɛ, “Nuŋtsɔ, kaawo amɛ nɛkɛ esha nɛɛ he nyɔmɔ!” Ni be ni ekɛɛ nɛkɛ lɛ, etsɔ̃ mli ewɔ.