Bɔfoi 9:31 - ŊMALƐ KRƆŊKRƆŊ LƐ

³¹ Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Ṅmãle̱ Kroṅkroṅ Le̱

³¹ Agbe̱ne̱ le̱ asafo le̱ ná hedšo̱le̱ ye̱ Iudea ke̱ Galilea ke̱ Samaria ſẽ, ni enane mõ ši, ni enyieo̱ ye̱ Nuṅtšo̱ le̱ gbeyeišemo̱ mli, ni eke̱ Mumo̱ kroṅkroṅ mīše̱dšemo̱ le̱ ſereo̱.

Bɔfoi 9:31 ပူးပေါင်းရင်းမြစ်များ

1 Kronika 22:18

Ekɛɛ amɛ akɛ, “Yehowa, nyɛNyɔŋmɔ lɛ, kɛ nyɛ yɛ, ni eha nyɛtoiŋ ejɔ nyɛ yɛ he fɛɛ he, ejaakɛ ehã miye majimaji lɛ fɛɛ anɔ bii anɔ kunim, ni no hewɔ lɛ, amɛyɛ nyɛshishi.

1 Kronika 22:9

Naa, obaafɔ binuu ko. Toiŋjɔlɛ baaba yɛ eyinɔ, ejaakɛ maha ehenyɛlɔi fɛɛ ni bɔle lɛ lɛ ahã ena toiŋjɔlɛ. Abaatsɛ lɛ Solomon, ni mahã Israel ana toiŋjɔlɛ yɛ eyinɔ.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Nehemia 5:9

Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Lalai 111:10

Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.

Lalai 86:11

Oo Yehowa, tsɔ̃ɔmɔ mi bɔ ni miba mijeŋ mihã koni maba mijeŋ yɛ onɔkwale lɛ naa. Hã mikɛ mitsui muu lɛ fɛɛ tswɛm ashe bo gbeyei.

Lalai 94:13

bɔ ni afee ni ohã ehe ajɔ lɛ fioo, yɛ fimɔ gbii amli, kɛyaashi aaatsa bu ni akɛdu mɔ fɔŋ lɛ.

Abe̱i 1:7

Nilee fɛɛ shishijee ji Yehowa gbeyeishemɔ; shi kwashiai gbeɔ nilee kɛ tsɔsemɔ he guɔ.

Abe̱i 23:17

Kaahã ohiɛ miikɔ̃ eshafeelɔi anɔ; shi moŋ kã he oshe Yehowa gbeyei daa nɛɛ.

Abe̱i 8:13

Yehowa gbeyeishemɔ ji ohi nɔ fɔŋ. Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 33:6

ni eeehã nyɛyinɔ afee shweshweeshwe, ni eeeduro nyɛ nilee kɛ ŋaa babaoo. Ninamɔ kpele ji Yehowa gbeyeishemɔ.

Zakaria 8:20

Bɔ ni Yehowa, Taiatsɛ lɛ, kɛɛ ekoŋŋ nɛ, “Mɛi aaakã he ajɛ majimaji babaoo anɔ aba.

Bɔfoi 12:24

Agbɛnɛ Nyɔŋmɔ wiemɔ lɛ ni egbɛ eshwã eshwere.

Bɔfoi 16:5

Agbɛnɛ asafoi lɛ na hewalɛ yɛ hemɔkɛyeli mli, ni amɛyi faa daa gbi.

Bɔfoi 2:47

ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Bɔfoi 20:32

“Ni agbɛnɛ lɛ, anyɛmimɛi, miitu nyɛ miiwo Nyɔŋmɔ kɛ edromɔ wiemɔ lɛ dɛŋ; lɛ eyɔɔ hewalɛ ni ekɛaahã nyɛnane amɔ shi ni ekɛ gboshinii lɛ ahã nyɛ yɛ mɛi fɛɛ ni atsuu amɛhe lɛ ateŋ.

Bɔfoi 5:11

Ni gbeyei kpeteŋkple mɔ asafo muu lɛ fɛɛ kɛ mɛi fɛɛ ni nu nii nɛɛ.

Bɔfoi 6:7

Ni Nyɔŋmɔ wiemɔ lɛ shwere, ni kaselɔi lɛ ayi bafa diɛŋtsɛ yɛ Yerusalɛm, ni osɔfoi lɛ tete ateŋ mɛi pii mɔ hemɔkɛyeli lɛ mli.

Bɔfoi 8:1

Shi gbe ni agbe Stefano lɛ ŋɔɔ Saul hu naa. Ni nakai gbi lɛ nɔ nɔŋŋ lɛ yiwaa kpele te shi wo asafo ni yɔɔ Yerusalɛm lɛ; ni amɛ fɛɛ amɛgbɛ amɛshwã Yudea kɛ Samaria shikpɔŋ lɛ nɔ; bɔfoi lɛ kɛkɛ shwɛ.

Romabii 14:17

Ejaakɛ Nyɔŋmɔ maŋtsɛyeli lɛ jeee niyeli kɛ ninumɔ ni, shi moŋ jalɛ kɛ hejɔlɛ kɛ Mumɔ Krɔŋkrɔŋ mli miishɛɛ ni;

Romabii 14:19

No hewɔ lɛ, agbɛnɛ nyɛhãa wɔtiua hejɔlɛ nibii kɛ nibii ni wɔkɛhã wɔnanemɛi anane amɔ shi moŋ sɛɛ.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

1 Korintobii 14:12

Nakai nɔŋŋ nyɛ hu, akɛni nyɛhiɛ dɔɔ yɛ mumɔŋ nii ahe lɛ, nyɛbɔa mɔdɛŋ ni nyɛtekea nɔ ni asafo lɛ nane amɔ shi.

1 Korintobii 14:26

Belɛ te tɛŋŋ, anyɛmimɛi? Kɛ nyɛnaa bakpe shi ni nyɛteŋ mɔ ko yɛ lala ko, mɔ ko hu yɛ tsɔ̃ɔmɔ ko, mɔ ko yɛ kpojiemɔ ko, mɔ ko yɛ wiemɔ srɔto ko, mɔ ko yɛ shishitsɔɔmɔ ko lɛ, afee fɛɛ bɔ ni mɛi anane aaamɔ shi.

2 Korintobii 10:8

Ejaakɛ kɛ shwãa po mashwã kɛtɛke nɔ yɛ wɔhegbɛ ni Nuŋtsɔ lɛ ehã wɔ ni wɔkɛhã nyɛnane amɔ shi ni jeee akɛ wɔkɛbutu nyɛ lɛ hewɔ lɛ, mihiɛ gboŋ,

2 Korintobii 12:19

Asaŋ nyɛsusuɔ akɛ wɔnaa sɔŋŋ wɔjieɔ wɔtsɔ̃ɔ nyɛ nɛɛ lo? Nyɔŋmɔ hiɛ wɔwieɔ yɛ, yɛ Kristo mli; shi, suɔmɔmɛi, nii nɛɛ fɛɛ lɛ, nyɛnaneshimɔmɔ hewɔ wɔwieɔ.

2 Korintobii 13:10

No hewɔ hu ni miŋmaa enɛ be ni mibɛ nyɛŋɔɔ nɛɛ, koni kɛ miba nyɛŋɔɔ lɛ, mikɛ nyɛ akaye waa, yɛ hegbɛ ni Nuŋtsɔ lɛ ehã mi ni mikɛsaa shi jeee ni mikɛfite lɛ naa.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Efesobii 4:12

Efee enɛ koni akɛsaa hetselɔi lɛ ahã sɔ̃ɔmɔ nitsumɔ lɛ kɛ Kristo gbɔmɔtso lɛ tswaa,

Efesobii 4:16

Lɛ emli gbɔmɔtso muu lɛ fɛɛ tsɔ̃ɔ talɔ fɛɛ talɔ ni ahã lɛ lɛ nɔ emɔmɔɔ ehe eshimɔshimɔɔ ehe nɔ yɛ. Ni ehe mɔɔ ehe, ni kɛ henɔ fɛɛ henɔ miitsu enii jogbaŋŋ lɛ, ehãa gbɔmɔtso lɛ daa, ni emaa ehe yɛ suɔmɔ mli.

Efesobii 4:29

Wiemɔ sha ko wiemɔ sha ko akaje nyɛnaa kwraa; shi moŋ wiemɔ ni hi ni ehia koni ehã mɔ nane amɔ shi ni akɛduro mɛi ni nuɔ lɛ.

Efesobii 5:21

ni nyɛbabaa nyɛhe shi nyɛhãa nyɛhe yɛ Kristo gbeyeishemɔ mli.

5 Mose 12:10

Kɛji nyɛfo Yordan Faa lɛ kɛyashɛ shikpɔŋ lɛ ni Yehowa, nyɛNyɔŋmɔ lɛ, kɛhãa nyɛ akɛ nyɛnɔ lɛ nɔ lɛ, Yehowa baahã nyɛfee shweshweeshwe bɔ ni nyɛhenyɛlɔi ni baabɔle nyɛ kɛkpe lɛ gbaŋ nyɛnaa, ni nyɛhe baajɔ nyɛ.

Filipibii 2:1

No hewɔ lɛ, kɛ Kristo mli hewalɛwoo ko yɛ, kɛ suɔmɔ miishɛjemɔ ko yɛ, kɛ mumɔŋ naanyobɔɔ ko yɛ, kɛ musuŋtsɔlɛ kɛ mɔbɔnalɛ ko yɛ lɛ,

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

1 Tesalonikabii 5:11

Hewɔ lɛ nyɛshɛjeshɛjea nyɛhe mii, ni mɔ fɛɛ mɔ ahã enaanyo nane amɔ shi, tamɔ bɔ ni nyɛfeɔ lɛ.

1 Timoteo 1:4

Ni asaŋ obɔ kɔkɔ akɛ amɛkadi adesãi kɛ wekukpãa tsɔ̃ɔmɔ tsralaa lɛ sɛɛ, ejaakɛ enɛɛmɛi kɛ yaka hiɛklamɔ baa fe akɛ eeewa wɔ ni wɔle Nyɔŋmɔ yiwalaheremɔ he yiŋtoo, ni hemɔkɛyeli sane ni lɛ, nakai fai mikpaa bo ekoŋŋ.

Hebribii 4:9

No hewɔ lɛ, hejɔɔmɔ gbiyeli ko kã shi kɛhã Nyɔŋmɔ maŋ lɛ.

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,

Kojolɔi 3:30

Nakai gbi lɛ aba Moab shi awo Israel shishi. Enɛ hã shikpɔŋ lɛ nɔ jɔ afii nyɔŋmai kpaanyɔ.