Bɔfoi 9:20 - ŊMALƐ KRƆŊKRƆŊ LƐ

²⁰ Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

Ṅmãle̱ Kroṅkroṅ Le̱

²⁰ ni amrõ le̱ noṅṅ ešie̱ ye̱ kpēhei le̱ ake̱ Iesu dši Nyoṅmo̱ bi le̱.

Bɔfoi 9:20 ပူးပေါင်းရင်းမြစ်များ

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Mateo 27:43

Ekɛ ehe fɔ̃ Nyɔŋmɔ nɔ; ejie lɛ amrɔ nɛɛ koo, kɛji eyɛ ehe tsui lɛ; ejaakɛ ekɛɛ, ‘Nyɔŋmɔ Bi ji mi.’ ”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Mateo 4:3

Ni abonsam lɛ ba eŋɔɔ ebakɛɛ lɛ akɛ, “Kɛji Nyɔŋmɔ Bi ji bo lɛ, fã koni tɛi nɛɛ atsɔ̃mɔ aboloo.”

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Yohane 19:7

Yudafoi lɛ here lɛ nɔ akɛ, “Wɔ lɛ wɔyɛ mla, ni wɔmla lɛ naa lɛ esa gbele, ejaakɛ efee ehe Nyɔŋmɔ Bi.”

Yohane 20:28

Toma here nɔ ni ekɛɛ lɛ akɛ, “MiNuŋtsɔ kɛ miNyɔŋmɔ.”

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Bɔfoi 13:14

Shi amɛ lɛ amɛfo mli kɛjɛ Perga kɛtee Antiokia ni yɔɔ Pisidia lɛ, ni amɛtee kpeehe lɛ yɛ hejɔɔmɔ gbi lɛ nɔ, ni amɛyatara shi.

Bɔfoi 13:33

akɛ no nɔŋŋ Nyɔŋmɔ ehã eba mli ehã wɔ ni wɔji amɛbii lɛ, akɛni etee Yesu shi, tamɔ bɔ ni aŋma yɛ lala ni ji enyɔ lɛ mli hu akɛ, ‘Mi-Bi ji bo; ŋmɛnɛ mifɔ bo lɛ.’

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 13:5

Ni be ni amɛshɛ Salami lɛ, amɛjaje Nyɔŋmɔ wiemɔ lɛ yɛ Yudafoi lɛ akpeehei lɛ. Amɛkɛ Yohane hu nyiɛ akɛ amɛsɔ̃ɔlɔ.

Bɔfoi 14:1

Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Bɔfoi 16:13

Hejɔɔmɔ gbi lɛ nɔ lɛ, wɔjɛ maŋ lɛ mli wɔtee faa ko naa, he ni wɔjwɛŋmɔ kɛɛ wɔ akɛ asɔleɔ yɛ lɛ, ni wɔyatara shi, ni wɔkɛ yei ni ebabua amɛhe naa yɛ jɛi lɛ wie.

Bɔfoi 17:10

Ni amrɔ̃ lɛ nyɛmimɛi lɛ jie Paulo kɛ Sila gbɛ nyɔɔŋ kɛtee Beroia. Ni be ni amɛshɛ jɛi lɛ, amɛyabote Yudafoi lɛ akpeehe lɛ mli.

Bɔfoi 17:17

No hewɔ lɛ, ekɛ Yudafoi ni yɔɔ kpeehe lɛ kɛ Helafoi Nyɔŋmɔ gbeyeishelɔi lɛ kɛ mɛi ni kɛ lɛ kpeɔ daa gbi yɛ jara lɛ nɔ lɛ yiyii.

Bɔfoi 17:2

Ni Paulo tee amɛŋɔɔ tamɔ bɔ ni efɔɔ feemɔ lɛ, ni ekɛ amɛ yayiyii yɛ ŋmalɛi lɛ ahe hejɔɔmɔ gbii etɛ̃ sɔŋŋ,

Bɔfoi 18:19

Ni amɛba Efeso, ni ekɛ amɛ gbala mli yɛ jɛi. Ni etee kpeehe lɛ, ni ekɛ Yudafoi lɛ yayiyii.

Bɔfoi 18:4

Shi daa Hejɔɔmɔ gbi lɛ, Paulo yawieɔ etsɔ̃ɔ mɛi yɛ kpeehe lɛ, ni ebɔɔ mɔdɛŋ akɛ etsake Yudafoi kɛ Helabii lɛ.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Bɔfoi 8:37

Shi Filipo kɛɛ, “Kɛji ohe oye kɛ otsuiŋ fɛɛ lɛ, oyɛ hegbɛ.” Ni ehere nɔ ekɛɛ, “Miihe miiye akɛ Yesu Kristo ji Nyɔŋmɔ Bi lɛ.”]

Bɔfoi 9:22

Shi Saul lɛ, ena hewalɛ babaoo, ni ehã Yudafoi ni yɔɔ Damasko lɛ anaa tã, ejaakɛ etsɔ̃ɔ amɛ faŋŋ akɛ mɔ nɛ ji Kristo lɛ.

Romabii 1:4

EBi nɛɛ, hetsemɔ Mumɔ lɛ naa lɛ, atsɔ̃ gbohiiashitee lɛ nɔ ajie lɛ atsɔ̃ɔ yɛ hewalɛ mli akɛ Nyɔŋmɔ Bi ni ji Yesu Kristo wɔNuŋtsɔ lɛ.

Galatabii 1:16

akɛ eeejie lɛ diɛŋtsɛ eBi lɛ kpo etsɔ̃ɔ mi, koni mijaje ehe Sanekpakpa lɛ mitsɔ̃ɔ yɛ jeŋmaji lɛ ateŋ lɛ, amrɔ lɛ mibiii gbɔmɔ ko ŋaawoo yɛ he,

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Kpojiemɔ 2:18

“Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.