Bɔfoi 9:16 - ŊMALƐ KRƆŊKRƆŊ LƐ

¹⁶ Mibatsɔ̃ɔ lɛ amanehului abɔ ni sa akɛ ena yɛ migbɛi lɛ hewɔ.”

Ṅmãle̱ Kroṅkroṅ Le̱

¹⁶ Edšake̱ mibatšõle̱ amanehũlũi abo̱ ní ebana ye̱ migbe̱i le̱ ahewo̱. K. 23. 29. 2 Kor. 11,23-28.

Bɔfoi 9:16 ပူးပေါင်းရင်းမြစ်များ

Yesaia 33:1

Kpoo hã bo, fitelɔ, bo mɔ ni bo diɛŋtsɛ lɛ afiteko bo. Kpoo hã bo, bo mɔshishinyiɛlɔ ni mɔ ko enyiɛko oshishi. Kɛji ogbe onifitemɔ lɛ naa lɛ, bo hu abaakpãtã ohiɛ; ni kɛji ogbe mɔshishinyiɛmɔ lɛ naa lɛ, bo hu abaanyiɛ oshishi.

Mateo 24:9

Nakai be lɛ mli lɛ amɛaaŋɔ nyɛ amɛwo amanehulu mli, ni amɛaagbe nyɛ; ni migbɛi lɛ hewɔ lɛ jeŋmaji fɛɛ aaanyɛ nyɛ.

Mateo 5:11

“Ajɔɔ nyɛ, kɛji ajɛ nyɛ ni awa nyɛ yi ni amale awie nyɛhe efɔŋ fɛɛ efɔŋ yɛ mihewɔ lɛ,

Yohane 15:20

Nyɛhiɛ ahia wiemɔ ni mikɛɛ nyɛ lɛ nɔ, akɛ, ‘Nyɔŋ efeee eNuŋtsɔ.’ Kɛ amɛwa mi yi lɛ, amɛaawa nyɛ hu yi; kɛ amɛye miwiemɔ nɔ lɛ, amɛaaye nyɛ hu nyɛnɔ nɔ.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 21:11

ni be ni eba wɔŋɔɔ lɛ, ekɔ Paulo hɛfiinɔ lɛ ni ekɛfi lɛ diɛŋtsɛ eniji kɛ enaji ekɛɛ, “Bɔ ni Mumɔ Krɔŋkrɔŋ lɛ kɛɛ nɛ, ‘Nuu mɔ nɔ̃ ni ji hɛfiinɔ nɛɛ, nɛkɛ Yudafoi lɛ baafi lɛ yɛ Yerusalɛm, ni amɛaaŋɔ lɛ amɛwo jeŋmajiaŋbii lɛ adɛŋ.’ ”

Bɔfoi 21:13

Shi ehere nɔ ekɛɛ, “Mɛni nyɛfeɔ nɛɛ, nyɛmiifo ni nyɛkɛmiiwo mi awerɛho? Mi lɛ, jeee fii kɛkɛ misaa mihe mito, shi moŋ gbele diɛŋtsɛ yɛ Nuŋtsɔ Yesu gbɛi lɛ hewɔ yɛ Yerusalɛm.”

Bɔfoi 21:4

Be ni wɔbana kaselɔi lɛ, wɔhi jɛi gbii kpawo; ni amɛtsɔ Mumɔ lɛ nɔ amɛkɛɛ Paulo akɛ ekaya Yerusalɛm.

Bɔfoi 9:14

ni biɛ hu tete ena hegbɛ kɛjɛ osɔfonukpai lɛ adɛŋ akɛ ebafimɔ mɛi fɛɛ ni tsɛɔ ogbɛi lɛ.”

Bɔfoi 9:6

Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.”

2 Korintobii 6:4

Shi moŋ, nɔ fɛɛ nɔ mli lɛ wɔkɛ wɔhe tsɔ̃ɔ akɛ Nyɔŋmɔ sɔ̃ɔlɔi ji wɔ. Wɔmĩaa wɔhiɛ babaoo. Wɔtoɔ wɔtsui shi yɛ amanehului kɛ fimɔi kɛ jaramɔi amli.

1 Tesalonikabii 3:3

koni nɛkɛ amanehului nɛɛ akahã mɔ ko mɔ ko miigbugbãa. Ejaakɛ nyɛ diɛŋtsɛ nyɛle akɛ nɔ ni kã shi hã wɔ nɔŋŋ ji no.

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

2 Timoteo 3:11

miyiwai, mimanehului ni mina yɛ Antiokia kɛ Ikonium kɛ Listra lɛ, nɔ yiwai srɔtoi abɔ ni mina ni Nuŋtsɔ lɛ jie mi kɛjɛ fɛɛ mli lɛ.

1 Petro 4:14

Kɛ Kristo gbɛi hewɔ ajɛɔ nyɛ lɛ, ajɔɔ nyɛ, ejaakɛ anunyam Mumɔ kɛ Nyɔŋmɔ mumɔ lɛ yɛ nyɛnɔ.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.