Bɔfoi 8:9 - ŊMALƐ KRƆŊKRƆŊ LƐ

⁹ Shi nuu ko yɛ maŋ lɛ mli momosa ni atsɛɔ lɛ Simon ni eyeɔ ŋkunyaa ni ehãa Samariabii lɛ anaa kpɛɔ amɛhe, etsɔ̃ɔ ehe akɛ gbɔmɔ agbo ji lɛ;

Ṅmãle̱ Kroṅkroṅ Le̱

⁹ Ši nū ko ye̱ mã le̱ṅ momosa ní atšé̱o̱le̱ Simon ní eyeo ṅkŭnyā ni ehaa Samariabii le̱ anā kpe̱o̱ ame̱he, etšõo̱ ehe ake̱ gbomo agbo dšile̱;

Bɔfoi 8:9 ပူးပေါင်းရင်းမြစ်များ

2 Mose 7:11

Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

2 Mose 7:22

Shi Ijipt ŋkunyaayelɔi lɛ hu kɛ amɛkunyaayelɔi fee nakai nɔŋŋ. Enɛ hã Farao tee nɔ ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:11

Ijipt ŋkunyaayelɔi lɛ nyɛɛɛ Mose hiɛ tete amɛshɛ yɛ asanei lɛ ahewɔ, ejaakɛ asane lɛ etsɛ̃rɛ ŋkunyaayelɔi lɛ kɛ Ijiptbii krokomɛi lɛ fɛɛ.

3 Mose 20:6

“Kɛji mɔ ko yabi nii yɛ mɛi ni tsɛɔ sisai aŋɔɔ lɛ, mate shi mawo lɛ, ni mibuŋ lɛ mishiŋ miwebii lɛ anɔ dɔŋŋ.

Yohane 7:18

Mɔ ni toɔ lɛ diɛŋtsɛ eyiŋ ewieɔ lɛ, lɛ diɛŋtsɛ enunyam etaoɔ, shi mɔ ni taoɔ mɔ ni tsu lɛ lɛ anunyam lɛ, lɛ lɛ anɔkwafo ji lɛ, ni nɔ ni ejaaa gbɛ bɛ emli.

Bɔfoi 13:6

Ni be ni amɛfo mli kɛtsɔ̃ ŋshɔkpɔ muu lɛ fɛɛ nɔ kɛtee Pafo lɛ, amɛna Yudanyo ŋkunyaayelɔ ko ni ji amale gbalɔ ni atsɛɔ lɛ Bar-Yesu lɛ;

Bɔfoi 13:8

Shi Elima ŋkunyaayelɔ lɛ (egbɛi lɛ shishi yɛ Hela wiemɔ mli ji no) ku amɛnaa, ejaakɛ eetao ni ekpale amralo lɛ kɛjɛ hemɔkɛyeli lɛ he.

Bɔfoi 5:36

Ejaakɛ nyɛsɛɛ nɛɛ Teuda te shi ni ekɛɛ akɛ mɔ ko ji lɛ, ni hii aaafee ohai ejwɛ kɛ amɛhe yakpɛtɛ ehe; shi agbe lɛ, ni mɛi abɔ ni bo lɛ toi lɛ fɛɛ gbɛ shwã ni amɛyi hɛ shi.

Bɔfoi 8:11

Ni akɛni ejɛ jeeŋmɔ beebe ekɛ ekunyaayeli lɛ ehã amɛnaa ekpɛ amɛhe hewɔ lɛ, amɛboɔ lɛ toi.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

2 Timoteo 3:2

Ejaakɛ gbɔmɛi aaatsɔ̃mɔ hesuɔlɔi, shikasuɔlɔi, shwãlɔi, hewolɔi, mɔjɛlɔi, fɔlɔi anɔ toigbolɔi, trumui, mɛi ni he tseee,

2 Timoteo 3:5

mɛi ni hiɛ Nyɔŋmɔjamɔ kpo nɔ gbɛ su lɛ mli, shi amɛkwa emli hewalɛ lɛ. Tsi ohe kɛjɛ nɛkɛ gbɔmɛi ahe.

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.