Bɔfoi 8:27 - ŊMALƐ KRƆŊKRƆŊ LƐ

²⁷ Ni ete shi ni eyiŋ etee. Ni naa, Etiopiabii amaŋnyɛ Kandake lɛ piafonyo ni ji esɔ̃ɔlɔnukpa ni kwɛɔ ejwetri fɛɛ nɔ lɛ nɛ; ebaho Yerusalɛm eyaja Nyɔŋmɔ,

Ṅmãle̱ Kroṅkroṅ Le̱

²⁷ Ni ete ši ni eyiṅ ete. Ni na, nū Etiopianyo ko ní dši Etiopiabii amaṅnye Kandake le̱ piafonyo ní abuo̱ ní kwe̱o̱ edſetri fẽ no̱ le̱ ne̱, ebaho Ierusalem eyadšá Nyoṅmo̱,

Bɔfoi 8:27 ပူးပေါင်းရင်းမြစ်များ

Zefania 3:10

Mijalɔi ni ji mimɛi ni agbɛ ashwã lɛ ashwiei baajɛ Kush fai lɛ asɛɛ niiaŋ tɔ̃ɔ amɛkɛ afɔlei abahã mi.

Lalai 68:31

Hã lumɛi kɛ akɔɔble ajɛ Ijipt aba; ni Kushbii ahe afee oya ni amɛhole amɛniji anɔ ni amɛja Nyɔŋmɔ.

Yeremia 38:7

Be ni Ebed-Melek, Kushnyo lɛ, ni eji piafonyo yɛ maŋtsɛ we lɛ mli lɛ, nu akɛ akɛ Yeremia ewo bu lɛ mli lɛ, (no mli lɛ maŋtsɛ lɛ ta Benyamin Agbo lɛ naa)

Lalai 87:4

Matsi Ijipt kɛ Babilon tã mafata maji ni le mi lɛ ahe. Makane Filistibii kɛ Tirobii kɛ Kush mafata mɛi ni yɔɔ Yerusalɛm lɛ ahe. Ejaakɛ amɛaakɛɛ akɛ: “Mɔnɛ lɛ, lɛ lɛ, jɛi afɔ lɛ yɛ.”

Yohane 12:20

Shi Helabii komɛi yɛ mɛi ni ba koni amɛbaja Nyɔŋmɔ yɛ gbijurɔ lɛ nɔ lɛ ateŋ.

Mateo 12:42

Wuoyigbɛ maŋnyɛ lɛ kɛ nɛkɛ yinɔbii nɛɛ aaate shi yɛ kojomɔ lɛ mli, ni eeebu amɛ fɔ; ejaakɛ ejɛ shikpɔŋ lɛ naagbeehe ebabo Solomon nilee lɛ toi; ni naa, nɔ ko ni fe Solomon nilee lɛ yɛ biɛ.”

Yeremia 13:23

Ani mɔdiŋ aaanyɛ ehewolo su etsake, aloo mlaŋtswi aaanyɛ ehe truntrãi lɛ etsake? Kɛji amɛaanyɛ lɛ, no lɛ nyɛ mɛi ni efɔŋfeemɔ eka nyɛnɔ nɛɛ, nyɛ hu nyɛaanyɛ ekpakpa nyɛfee.

Yesaia 66:19

ni amɛaana okadi ni tsɔ̃ɔ akɛ mi ji mɔ ni gbalaa amɛtoi lɛ. “Ni matsu mɛi ni ahe baaje toigbalamɔ lɛ mli lɛ kɛaatee Tarshish kɛ Libia kɛ Lud, ni ji gãitsɛ̃lɔi amaŋ lɛ. Matsu kɛya Tubal kɛ Helabii ŋshɔkpɔi ni yɔɔ shɔŋŋ ni amɛnuko mihe, asaŋ amɛnako minunyam lɛ bii hu aŋɔɔ. Amɛaajaje minunyam lɛ amɛtsɔ̃ɔ yɛ jeŋmaji lɛ ateŋ.

Yesaia 60:6

Yoomai asafo yuu aaabua ohe kutuu, ni ji Midian kɛ Efa yoomai oblahii lɛ. Amɛaatere shika kɛ krɔbɔo kɛaajɛ Sheba kɛaaba; ni mɛi aaagba nɔ ni Yehowa efee lɛ he sane kɛ ŋɔɔmɔ lɛ.

Yesaia 60:3

Ni maji aaatsi kɛbɛŋkɛ ola lɛ, ni maŋtsɛmɛi aaaba ola ni kpɛɔ yɛ onɔ lɛ he.

Yesaia 45:14

Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 43:6

Makɛɛ kooyigbɛ akɛ, ‘Ŋmɛɛmɔ amɛhe!’ Ni makɛɛ wuoyigbɛ akɛ, ‘Kaatsi amɛnaa;’ ŋɔɔ mibihii lɛ kɛjɛ shɔŋŋ kɛ mibiyei lɛ kɛjɛ shikpɔŋ lɛ naagbeehei kɛba,

Lalai 68:29

OSɔlemɔ we ni yɔɔ Yerusalɛm lɛ hewɔ lɛ, maŋtsɛmɛi tereɔ nikeenii amɛkɛbahãa bo.

1 Maŋtsɛmɛi 10:1

Be ni Sheba maŋnyɛ lɛ nu bɔ ni Maŋtsɛ Solomon gbɛi ehehee yɛ Yehowa gbɛi lɛ hewɔ lɛ, efã gbɛ kɛtee Yerusalɛm, koni eyaka lɛ kɛ saji ni mli wa naakpa.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Yeremia 39:16

“Yaa koni oyakɛɛ Ebed-Melek, Kushnyo lɛ, akɛ, bɔ ni Yehowa Taiatsɛ, Israel Nyɔŋmɔ lɛ, kɛɔ nɛ, ‘Naa, mibahã nɔ ni mikɛɛ yɛ maŋ nɛɛ he lɛ aba mli, ebaana nɔ fɔŋ, shi jeee nɔ kpakpa; ni nɔ fɛɛ nɔ baaba mli, ni okɛ ohiŋmɛi baana.

Yesaia 18:7

Nakai be lɛ gbɔmɛi ni kwɔlɔ ni amɛhe yɔɔ trotro ni asheɔ amɛ gbeyei yɛ kpaakpa kɛ shɔŋŋ, jaku ko ni he wa pam ni naanaa mɛi anɔ, ni fai ejara amɛshikpɔŋ lɛ mli baatere nikeenii kɛbaha Yehowa, Taiatsɛ lɛ, yɛ Zion Gɔŋ lɛ nɔ he ni ajaa Yehowa, Taiatsɛ lɛ yɛ lɛ.

Bɔfoi 8:28

ni agbɛnɛ eku esɛɛ eta eshwiili mli kɛmiiya ni eekane gbalɔ Yesaia wolo lɛ.

5 Mose 30:13

Ni jeee ŋshɔ sɛɛ hu eyɔɔ ni nyɛaakɛɛ akɛ, ‘namɔ aaafo ŋshɔ koni eyaŋɔ ekɛbahã wɔ, ni wɔnu ni wɔye nɔ?’