Bɔfoi 8:25 - ŊMALƐ KRƆŊKRƆŊ LƐ

²⁵ Agbɛnɛ, be ni amɛye odase ni amɛshiɛ Nuŋtsɔ lɛ wiemɔ lɛ ni amɛku amɛsɛɛ kɛmiiba Yerusalɛm lɛ, amɛjaje Sanekpakpa lɛ amɛtsɔ̃ɔ yɛ Samariabii akrowai pii amli.

Ṅmãle̱ Kroṅkroṅ Le̱

²⁵ Agbe̱ne̱, beni ame̱ye odase ní ame̱wie Nuṅtšo̱ le̱ wiemo̱ lo̱ ame̱tšõame̱ ni ame̱kũ ame̱se̱ ame̱baä Ierusalem le̱, ame̱dšadše sanekpakpa le̱ ame̱tšõ ye̱ Samariabii akrowai pī amli.

Bɔfoi 8:25 ပူးပေါင်းရင်းမြစ်များ

Mateo 10:5

Nɛkɛ mɛi nyɔŋma kɛ enyɔ nɛɛ Yesu tsu, ni efã amɛ akɛ, “Nyɛkagbalea jeŋmajiaŋbii lɛ aŋɔɔ, ni nyɛkabotea Samariabii amaŋ ko mli hu;

Luka 16:28

ejaakɛ miyɛ nyɛmimɛi enumɔ, bɔ ni afee ni eyaye odase kɛbɔ amɛ kɔkɔ koni amɛ hu amɛkaba piŋmɔhe nɛɛ.’

Yohane 15:27

ni nyɛ hu nyɛaaye odase, ejaakɛ nyɛkɛ mi yɔɔ kɛjɛ shishijee.”

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 13:12

Kɛkɛ lɛ, be ni amralo lɛ na nɔ ni afee lɛ, ehe eye, ni ehe jɔ̃ ehe yɛ nɔ ni atsɔ̃ɔ yɛ Nuŋtsɔ lɛ he lɛ hewɔ.

Bɔfoi 18:5

Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Bɔfoi 28:28

“No hewɔ lɛ, nyɛnaa nyɛlea akɛ, atsu akɛ Nyɔŋmɔ yiwalaheremɔ lɛ eyahã jeŋmaji lɛ, ni amɛ lɛ amɛaabo toi hu.” [

Bɔfoi 28:31

ni eshiɛɔ Nyɔŋmɔ Maŋtsɛyeli lɛ he sane lɛ, ni ekɛ ekãa fɛɛ jajeɔ Nuŋtsɔ Yesu Kristo he saji lɛ etsɔ̃ɔ amɛ, ni mɔ ko mɔ ko etsiii lɛ gbɛ.

Bɔfoi 8:40

Shi Filipo lɛ, ana lɛ yɛ Azotu; ni be ni efoɔ mli lɛ, ejaje Sanekpakpa lɛ etsɔ̃ɔ yɛ maji lɛ fɛɛ mli kɛyashi ebashɛ Kaisarea.

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.