Bɔfoi 8:24 - ŊMALƐ KRƆŊKRƆŊ LƐ

²⁴ Ni Simon here nɔ ekɛɛ, “Nyɛ diɛŋtsɛ nyɛkpaa Nuŋtsɔ lɛ fai nyɛhãa mi koni nibii ni nyɛwie nɛɛ eko akaba minɔ.”

Ṅmãle̱ Kroṅkroṅ Le̱

²⁴ Ni Simon here no̱ ekē̱: Nyedientše̱ nyekpaä Nuṅtšo̱ le̱ fai nyehãami, koni nibii ní nyewie ne̱ eko akaba mino̱.

Bɔfoi 8:24 ပူးပေါင်းရင်းမြစ်များ

1 Mose 20:17

Kɛkɛ ni Abraham kpa Nyɔŋmɔ fai, ni Nyɔŋmɔ tsa Abimelek kɛ eŋa kɛ eweyei lɛ, ni amɛfɔfɔɔ bii,

1 Mose 20:7

No hewɔ lɛ, agbɛnɛ kɛ nuu lɛ ŋa lɛ aku sɛɛ oyahã lɛ ejaakɛ gbalɔ ji lɛ, ni eeesɔle ekpa fai ehã bo, ni oyi aaana wala. Shi kɛji okɛ lɛ hãaa lɛ lɛ, no lɛ na ole akɛ gbo ooogbo, bo kɛ mɛi fɛɛ ni ji onɔ lɛ.”

1 Maŋtsɛmɛi 13:6

Maŋtsɛ Yeroboam kɛɛ Nyɔŋmɔ gbɔmɔ lɛ akɛ, “Ofainɛ, kpa Yehowa, oNyɔŋmɔ lɛ, fai ni osɔle ohã mi koni atsa minine lɛ ahã mi ekoŋŋ.” No hewɔ lɛ, gbalɔ lɛ kpa Yehowa fai, ni atsa maŋtsɛ lɛ nine lɛ ahã lɛ, ni enine lɛ ba eblema ekoŋŋ.

Ezra 6:10

koni amɛshã afɔlei ni jeɔ ŋma amɛhã ŋwɛi Nyɔŋmɔ lɛ, ni amɛkpa fai koni maŋtsɛ kɛ ebihii lɛ ayi ana wala.

Ezra 8:23

No hewɔ lɛ, wɔhi ŋmãa, ni wɔkpa wɔNyɔŋmɔ lɛ fai yɛ enɛ hewɔ, ni efee nɔ ni wɔbi lɛ lɛ ehã wɔ.

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

2 Mose 10:17

No hewɔ lɛ, agbɛnɛ okɛ mihe esha lɛ afa mi, shi kome nɛɛ kɛkɛ, ni nyɛkpa Yehowa nyɛNyɔŋmɔ lɛ, fai koni ejie nɛkɛ toigbalamɔ ni gbeɔ mɔ nɛɛ kɛkɛ yɛ minɔ.”

2 Mose 12:32

Nyɛkɛ nyɛtoi kɛ nyɛtsinai lɛ hu ayaa tamɔ bɔ ni nyɛkɛɛ lɛ. Kɛfee lɛ nyɛsɔlea eko nyɛhãa mi koni jɔɔmɔ lɛ eko anina mi hu.”

2 Mose 8:8

Kɛkɛ ni Farao fã, ni ayatsɛ Mose kɛ Aaron kɛba, ni ekɛɛ amɛ akɛ, “Nyɛkpaa Yehowa fai koni ejie kɔkɔdenei lɛ yɛ mi kɛ mimaŋbii lɛ anɔ, ni mahã Israelbii lɛ aya koni amɛyashã afɔle amɛhã Yehowa.”

Yeremia 37:3

Maŋtsɛ Zedekia tsu Yehukal, Shelemia bi lɛ, kɛ Osɔfo Zefania, Maaseia bi lɛ, Yeremia ŋɔɔ akɛ esɔle ekpa Yehowa, amɛNyɔŋmɔ lɛ, fai ehã maŋ lɛ.

Yeremia 42:2

Yeremia gbalɔ lɛ, ni amɛkɛɛ lɛ akɛ, “Ofainɛ, ni obo wɔfaikpamɔ nɛɛ toi. Kpa Yehowa, oNyɔŋmɔ lɛ, fai ohã wɔ kɛ maŋbii ni eshwɛ nɛɛ fɛɛ, ejaakɛ kulɛ wɔyi babaoo, shi wɔyi fioo nɛɛ pɛ eshwɛ bɔ ni onaa wɔ nɛɛ,

4 Mose 21:7

Kɛkɛ ni maŋbii lɛ ba Mose ŋɔɔ, ni amɛbakɛɛ lɛ akɛ, “Wɔfee esha akɛ wɔwie wɔshi Yehowa kɛ bo fɛɛ. Kpa Yehowa fai ohã wɔ koni ejie onufui nɛɛ kɛje wɔteŋ.” Mose kpa fai lɛ ehã Israelbii lɛ.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

1 Samuel 12:19

Maŋ muu lɛ fɛɛ kpa Samuel fai amɛkɛɛ, “Ofainɛ, kpa Yehowa, oNyɔŋmɔ lɛ, fai ohã wɔ otsuji koni wɔkagboi, ejaakɛ eshai fɛɛ ni wɔfee sa lɛ wɔfee eko hu wɔfata he akɛ wɔbi akɛ ahã wɔ maŋtsɛ lɛ.”

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.