Bɔfoi 8:21 - ŊMALƐ KRƆŊKRƆŊ LƐ

²¹ Obɛ gbɛnaa loo gbɛfaŋ nɔ ko yɛ nɛkɛ sane nɛɛ mli; ejaakɛ otsui ejaaa yɛ Nyɔŋmɔ hiɛ.

Ṅmãle̱ Kroṅkroṅ Le̱

²¹ Obe̱ gbe̱nã lo gbe̱fãṅnõ ko ye̱ ne̱ke̱ sane ne̱ mli; edšake̱ otšui edšaa ye̱ Nyoṅmo̱ hĩe.

Bɔfoi 8:21 ပူးပေါင်းရင်းမြစ်များ

2 Kronika 25:2

Eba ejeŋ bɔ ni Yehowa taoɔ, shi jeee kɛ etsuiŋ fɛɛ.

Nehemia 2:20

Mito he akɛ, “Ŋwɛi Nyɔŋmɔ lɛ, lɛ eeehã wɔnyɛ wɔfee. No hewɔ lɛ, wɔ, ni ji etsuji lɛ, wɔbaawo gbogbo lɛ tswaa nɔ; shi nyɛ lɛ nyɛbɛ gbɛfaŋ nɔ ko loo hegbɛ ko loo kaimɔ nɔ ko yɛ Yerusalɛm.”

Lalai 36:1

Efɔŋ kɛ mɔ fɔŋ wieɔ yɛ etsuiŋ tɔ̃ɔ; Nyɔŋmɔ gbeyeishemɔ kome folo nɛkɛ bɛ yiwalɔ mli.

Ezekiel 14:3

“Gbɔmɔ Adesa, nɛkɛ gbɔmɛi nɛɛ kɛ amɛtsuii eŋmɛ amɛmãgãi lɛ anɔ, ni amɛhã amɛnishaianii lɛ etsɔ̃ pampi ma amɛhiɛ. Ani esa akɛ maŋmɛ amɛ gbɛ ni amɛbabi mi nii kwraa lo?”

3 Mose 13:8

Kɛ osɔfo lɛ kwɛ, ni gbɛ̃i lɛ miilɛɛ yɛ hewolo lɛ nɔ lɛ, osɔfo lɛ akɛɛ akɛ mɔ lɛ he tseee; hela lɛ kpiti ni.

Habakuk 2:4

Ni shɛɛ wiemɔ lɛ nɛ: ‘Naa, mɔ ni efeee jalɛnii lɛ, eyi naŋ wala; shi mɔ ni feɔ jalɛnii lɛ ehemɔkɛyeli nɔ ebaatsɔ̃ ni eyi ana wala.’ ”

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Bɔfoi 8:37

Shi Filipo kɛɛ, “Kɛji ohe oye kɛ otsuiŋ fɛɛ lɛ, oyɛ hegbɛ.” Ni ehere nɔ ekɛɛ, “Miihe miiye akɛ Yesu Kristo ji Nyɔŋmɔ Bi lɛ.”]

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

5 Mose 10:9

No hewɔ ni Levibii akutso lɛ naaa amɛ kɔkrɔɔ amɛshikpɔŋ tamɔ akutsei krokomɛi lɛ. Amɛ lɛ, amɛgbɛfaŋnɔ ji akɛ amɛ amɛsɔmɔ Yehowa tamɔ bɔ ni Yehowa, nyɛNyɔŋmɔ lɛ, ekɛɛ amɛ lɛ.)

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

Yoshua 22:25

Nyɛle akɛ mɛni hewɔ ni Yehowa kɛ Yordan fo wɔ kɛ nyɛ, Rubenbii kɛ Gadbii, teŋ husu lɛ? Nyɛkɔɔɔ Yehowa he nɔ ko.’ Kɛkɛ lɛ nyɛbii baahã wɔbii akpa Yehowa jamɔ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Kpojiemɔ 20:6

Mɔ ni naa gbɛ yɛ klɛŋklɛŋ shitee lɛ mli lɛ ajɔɔ lɛ ni mɔ krɔŋkrɔŋ ji lɛ. Gbele ni ji enyɔ lɛ bɛ hewalɛ ko yɛ nakai mɛi lɛ anɔ; moŋ amɛaatsɔ̃mɔ Nyɔŋmɔ kɛ Kristo osɔfoi, ni amɛkɛ lɛ aaaye maŋtsɛ afii akpe.

Kpojiemɔ 22:19

Ni kɛji mɔ ko jie nɔ ko kɛjɛ nɛkɛ gbalɛ wolo nɛɛ mli wiemɔi lɛ amli lɛ, Nyɔŋmɔ aaajie egbɛnaa kɛaajɛ wala wolo lɛ kɛ maŋ krɔŋkrɔŋ lɛ kɛ nii ni aŋma yɛ nɛkɛ wolo nɛɛ mli lɛ amli.