Bɔfoi 7:52 - ŊMALƐ KRƆŊKRƆŊ LƐ

⁵² Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

Ṅmãle̱ Kroṅkroṅ Le̱

⁵² Gbaloi le̱ ateṅ namo ni nyetše̱mei le̱ wakole̱ yi dã? ni ame̱gbe mei ni gba sá ye̱ dšalo̱ le̱ bā le̱ hewo̱ le̱, mo hũ ní agbe̱ne̱ nye nyetšṍmo̱ ese̱gbe̱tšõlo̱i ke̱ awuyelo̱i le̱, 2 Kron. 36,18. Mat. 23,31.

Bɔfoi 7:52 ပူးပေါင်းရင်းမြစ်များ

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

1 Maŋtsɛmɛi 19:14

Elia jie enaa ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu ni mi pɛ eshwɛ, ni amɛmiitao mi hu amɛgbe.”

2 Kronika 36:15

Shi Yehowa, ni ji Yudabii lɛ atsɛmɛi lɛ aNyɔŋmɔ lɛ, kã he etsuɔ bɔfoi kɛbaa amɛŋɔɔ ejaakɛ emusuŋ tsɔ̃ɔ lɛ yɛ emaŋ lɛ kɛ Sɔlemɔ we lɛ hewɔ.

2 Kronika 36:16

Shi Yudabii lɛ, Nyɔŋmɔ bɔfoi lɛ, he fɛo moŋ amɛyeyee, ni amɛgbe amɛwiemɔi lɛ ahe guɔ, ni amɛliɔ gbalɔi lɛ. Amɛfee nɛkɛ aahu kɛyashi beyinɔ ni Yehowa mli fu emaŋ lɛ kɛteke nɔ bɔ ni ehiii he nɔ ko feemɔ dɔŋŋ.

Nehemia 9:26

“Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 20:2

Kɛkɛ ni Pashur hã agwao Gbalɔ Yeremia, ni no sɛɛ lɛ abɔ lɛ apã yɛ Benyamin Agbo lɛ ni yɔɔ Sɔlemɔ we lɛ yiteŋgbɛ lɛ naa.

Yeremia 26:15

shi moŋ nyɛnaa nyɛlea krɛdɛɛ akɛ kɛji nyɛgbe mi lɛ, no lɛ mɔ ko ni efeko nɔ fɔŋ ko lá yi sɔ̃ nyɛbaaloo nyɛbua nyɛ kɛ maŋ nɛɛ kɛ emli bii bluublu ayiteŋ, ejaakɛ anɔkwale mli lɛ, Yehowa ji mɔ ni tsu mi nyɛŋɔɔ akɛ mibawie nɛkɛ wiemɔi nɛɛ fɛɛ yɛ nyɛtoiaŋ lɛ.”

Yeremia 26:23

Gbɔmɛi nɛɛ tee ni amɛyamɔ Uria yɛ Ijipt kɛba amɛbahã Maŋtsɛ Yehoiakim, ni maŋtsɛ lɛ hã akɛ klante gbe Uria, ni ashɛ egbonyo lɛ afɔ̃ mɛi foji agbonyobu lɛ mli.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 5:12

nyɛnyaa ni nyɛmli afilia nyɛ ejaakɛ nyɛnyɔmɔwo fa yɛ ŋwɛi; shi nakai amɛwa gbalɔi ni tsɔ̃ nyɛhiɛ lɛ ayi.”

Luka 6:23

Nyɛnyaa yɛ nakai gbi lɛ nɔ ni nyɛtumɔa, ejaakɛ naa, nyɛnyɔmɔwoo fa yɛ ŋwɛi; ejaakɛ nakai nɔŋŋ amɛtsɛmɛi lɛ fee gbalɔi lɛ.

Yohane 16:10

eeekã je lɛ yɛ jalɛ he, ejaakɛ miiya Tsɛ lɛ ŋɔɔ, ni nyɛnaŋ mi dɔŋŋ;

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Bɔfoi 3:24

Ni asaŋ gbalɔi fɛɛ hu ni wie kɛjɛ Samuel kɛ mɛi ni nyiɛ esɛɛ lɛ nɔ lɛ, amɛtsi nɛkɛ gbii nɛɛ atã amɛto.

Bɔfoi 4:10

no lɛ nyɛ fɛɛ kɛ Israel maŋ muu lɛ fɛɛ ana ale akɛ, Yesu Kristo, Nazarenyo lɛ, ni nyɛsɛŋ ni Nyɔŋmɔ tee lɛ shi kɛjɛ gbohii ateŋ lɛ, lɛ egbɛi mli nuu nɛɛ damɔ nyɛhiɛ ni ehe ewa lɛ nɛɛ.

1 Tesalonikabii 2:15

amɛgbe Nuŋtsɔ Yesu kɛ gbalɔi lɛ hu, ni amɛwa wɔ yi. Amɛsaaa Nyɔŋmɔ hiɛ, ni amɛkɛ gbɔmɛi fɛɛ yeee.

2 Timoteo 3:4

sɛɛgbɛtsɔ̃ɔlɔi, mɛi ni feɔ nii ni amɛjwɛŋŋ he, henɔwolɔi, mɛi ni sumɔɔ shwɛmɔ kɛ ŋɔɔmɔ fe Nyɔŋmɔ,

1 Petro 1:11

Ni amɛsaa amɛtao amɛna be lɛ ni Kristo Mumɔ ni yɔɔ amɛmli lɛ tsɔ̃ɔ lɛ, be mli ni eyeɔ amanehului ni baaba Kristo nɔ kɛ anunyam ni baaba yɛ nomɛi asɛɛ lɛ ahe odase etoɔ lɛ, kɛ bɔ ni nakai be lɛ yɔɔ.

1 Yohane 2:1

Mibii bibii, miiŋma nyɛ nii nɛɛ koni nyɛkafee esha. Ni kɛ mɔ ko fee esha jiŋŋ, wɔyɛ mlidaamɔlɔ yɛ Tsɛ lɛ ŋɔɔ, Yesu Kristo jalɔ lɛ.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,