Bɔfoi 7:51 - ŊMALƐ KRƆŊKRƆŊ LƐ

⁵¹ “Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

Ṅmãle̱ Kroṅkroṅ Le̱

⁵¹ Nye *kue̱ṅwalo̱i ke̱ †tšuiiaṅ ke̱ toiiaṅ fōlo̱i! nye le̱, dāne̱ nyekũo̱ Mumo̱ kroṅkroṅ le̱ nā; bo̱ni nyetše̱mei le̱ fe le̱, nakai nye hũ nyefeo̱. *2 Mose 32,9. †5 Mose 26,41.

Bɔfoi 7:51 ပူးပေါင်းရင်းမြစ်များ

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

Nehemia 9:16

Shi amɛ kɛ wɔtsɛmɛi lɛ wo amɛhe; amɛfee amɛhe kuɛŋtilɔi, ni amɛyeee okitãi lɛ anɔ.

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

Lalai 75:5

“Nyɛkafea ntɛŋ; nyɛkafea ntɛŋ kwraa, nyɛkawiea kɛ kuɛŋtilɛ.”

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

2 Mose 32:9

Yehowa tee nɔ, ni ekɛɛ Mose akɛ, “Mina nɛkɛ maŋ nɛɛ akɛ maŋ ko ni kuɛŋ ti.

2 Mose 33:3

Nyɛmiiya shikpɔŋ ni yɔɔ frɔ̃frɔ̃ ni baa nii nɔ, shi mikɛ nyɛ enyiɛŋ kɛyaŋ, ejaakɛ maŋ ni kuɛŋ ti ji nyɛ, koni moŋ mikayaplene nyɛ yɛ gbɛ lɛ nɔ.”

2 Mose 33:5

Ejaakɛ Yehowa kɛɛ Mose akɛ, “Kɛɛmɔ Israelbii lɛ akɛ, ‘Maŋ ni kuɛŋ ti ji nyɛ, ni kɛji mibaye hiŋmɛitswaa kome kɛkɛ yɛ nyɛteŋ lɛ mibaplene nyɛ. No hewɔ lɛ, nyɛkpɔlɔa jwinei lɛ yɛ nyɛhe koni makwɛ nɔ ni mafee yɛ nyɛhe.’ ”

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

Yesaia 48:4

Akɛni mile akɛ ofeɔ ntɛŋ, ni okuɛŋ ti tamɔ dade, ni ohiɛŋtso wa keketee tamɔ akɔɔble hewɔ lɛ,

Yesaia 63:10

Shi amɛ lɛ amɛtse atua, ni amɛfee Emumɔ Krɔŋkrɔŋ lɛ nidɔɔnii. No hewɔ lɛ, etsɔ amɛhenyɛlɔ, ni lɛ diɛŋtsɛ ekɛ amɛ wu.

Yeremia 17:23

Shi moŋ kɛ̃lɛ nyɛtsɛmɛi lɛ booo mi toi, ni amɛyeee nɔ; shi amɛfee amɛhe kuɛŋtilɔi ni amɛbooo mi toi koni amɛkase nii.’

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yeremia 6:10

“Namɛi mikɛaawie, ni mabɔ amɛ kɔkɔ, ni amɛaabo mi toi? Naa, amɛtoii etsimɔ no hewɔ lɛ, amɛnuuu nɔ. Naa, Yehowa wiemɔ lɛ etsɔ̃ hefɛoyeli sane ehã amɛ, ni amɛnaaa he miishɛɛ.

Ezekiel 2:4

Maŋbii lɛ akuɛŋ ti, ni amɛbuuu mi hu. Miitsu bo amɛŋɔɔ ni oyakɛɛ amɛ akɛ, ‘Bɔ ni mi, Nuŋtsɔ Yehowa, mikɛɛ nɛ;

Ezekiel 44:7

Kɛji nyɛkɛ miniyenii afɔle ni ji fɔ kɛ lá lɛ miiba lɛ, nyɛkaŋmɛa maŋsɛɛbii ni ji tsuiŋ foolɔi lɛ gbɛ ni amɛmiiba miHe Krɔŋkrɔŋ lɛ ni amɛbule lɛ. Nyɛmusubɔɔnii fɛɛ lɛ asɛɛ lɛ, nyɛku mikpãŋmɔ lɛ hu mli nyɛfata he.

Ezekiel 44:9

“Maŋsɛɛbii fɛɛ ni yɔɔ Israelbii ateŋ lɛ ateŋ mɔ ko mɔ ko ni ji tsuiŋ foolɔ kɛ helooŋ foolɔ akabote miHe krɔŋkrɔŋ lɛ.”

3 Mose 26:41

ni no hewɔ hu mi hu mite shi miwo amɛ, ni mihã amɛyaje amɛhenyɛlɔi shikpɔŋ nɔ lɛ, kɛji amɛtsui ni ekpiliŋ lɛ he jɔ, ni amɛba amɛhe shi, ni amɛkpɛlɛ̃ amɛnifɔɔji lɛ ahe nyɔmɔwoo lɛ nɔ lɛ,

4 Mose 27:14

ejaakɛ nyɛku migbee nɔ yɛ Zin ŋa lɛ nɔ. Be ni maŋ muu lɛ wie amɛshi mi, ni kulɛ sa akɛ nyɛhã amɛna mihewalɛ krɔŋkrɔŋ kpele lɛ, koni amɛshe mi gbeyei yɛ Meriba lɛ, nyɛfeee nakai.” (Meriba nɛɛ ji nu hiŋmɛi ni tue hã Israelbii lɛ yɛ Kadesh yɛ Zin ŋa lɛ nɔ lɛ.)

Bɔfoi 6:10

shi amɛnyɛɛɛ Stefano nilee kɛ mumɔ ni ekɛwieɔ lɛ naa amɛdamɔ.

Bɔfoi 7:27

Shi mɔ ni feɔ enaanyo efɔŋ lɛ tsirɛ lɛ ni ekɛɛ, ‘Namɔ wo bo wɔnɔ lumɔ kɛ kojolɔ?

Bɔfoi 7:35

“Nɛkɛ Mose nɛɛ nɔŋŋ ni amɛkwa lɛ amɛkɛɛ, ‘Namɔ wo bo wɔnɔ lumɔ kɛ kojolɔ’ lɛ, lɛ nɔŋŋ Nyɔŋmɔ tsɔ̃ bɔfo lɛ ni jie ehe kpo etsɔ̃ɔ lɛ yɛ koo lɛ mli lɛ nine nɔ etsu lɛ akɛ lumɔ kɛ kpɔlɔ.

Bɔfoi 7:39

“Shi wɔtsɛmɛi lɛ ekpɛlɛ̃ɛɛ ni amɛbo lɛ toi, ni amɛtsi lɛ amɛto afã, ni amɛtsui kpale kɛtee Ijipt ekoŋŋ;

Bɔfoi 7:9

Ni blematsɛmɛi lɛ kɛ hiɛkɔ̃ɔ hɔ̃ɔ Yosef kɛtee Ijipt, shi Nyɔŋmɔ kɛ lɛ yɛ,

Romabii 2:25

Shi kɛ oyeɔ Mla lɛ nɔ lɛ, kulɛ ketiafoo he yɛ sɛɛnamɔ; shi kɛ ofee ohe Mla lɛ nɔtɔ̃lɔ lɛ, oketiafoo lɛ etsɔ̃ foo.

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 9:13

“Yehowa kɛɛ hu akɛ, ‘Mikwɛ nɛkɛ gbɔmɛi nɛɛ aahu, ni mina akɛ amɛkuɛŋ ti.

5 Mose 9:6

No hewɔ lɛ, nyɛnaa nyɛlea akɛ jeee nyɛjalɛ hewɔ ni Yehowa, nyɛNyɔŋmɔ lɛ, kɛ nɛkɛ shikpɔŋ kpakpa nɛɛ hãa nyɛ koni nyɛŋɔ lɛ, ejaakɛ nyɛ tuuŋtu lɛ maŋ ni kuɛŋ ti ji nyɛ.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Kolosebii 2:11

Lɛ emli afolɔ nyɛ ketia hu yɛ, jeee ketia ni akɛ nine fo, shi moŋ ketiafoo ni ji heloo gbɔmɔtso lɛ jiemɔ yɛ Kristo ketiafoo lɛ mli.