Bɔfoi 7:44 - ŊMALƐ KRƆŊKRƆŊ LƐ

⁴⁴ “Wɔtsɛmɛi lɛ hiɛ Odase Buu lɛ yɛ ŋa lɛ nɔ. Afee lɛ tamɔ bɔ ni mɔ ni kɛ Mose wie lɛ tsɔ̃ɔ akɛ efee lɛ lɛ, no ji efee lɛ tamɔ nɔ ni ena lɛ.

Ṅmãle̱ Kroṅkroṅ Le̱

⁴⁴ Odase bū le̱ hĩ wo̱tše̱mei le̱ ateṅ ye̱ ṅã le̱ no̱, tamo̱ bo̱ni moni ke̱ Mose wie le̱ tšõ ake̱ eyafele̱ tamo̱ noni ena le̱; 2 Mose 25,40.

Bɔfoi 7:44 ပူးပေါင်းရင်းမြစ်များ

1 Kronika 28:11

Kɛkɛ ni Maŋtsɛ David kɛ Sɔlemɔ we lɛ mli tsui lɛ ahe mfoniri ni atɛŋ, hã ebi Solomon. Mfoniri nɛɛ tsɔ̃ɔ bɔ ni koi lɛ kɛ ehe tsui lɛ, kɛ nitoohei lɛ, kɛ ŋwɛigbɛ tsui lɛ, kɛ piai ni yɔɔ mligbɛ lɛ, kɛ He Krɔŋkrɔŋ fe Fɛɛ, he ni Kpãŋmɔ Adeka lɛ baama lɛ, kamɔ shi hã.

1 Kronika 28:19

Maŋtsɛ David kɛɛ akɛ, “Ajie nibii nɛɛ fɛɛ atsɔ̃ɔ mi kɛjɛ Yehowa dɛŋ, ni aŋmã; ni etsɔ̃ɔ mi bɔ ni atsɔ̃ akwɛ nɔkwɛmɔ nɔ nɛɛ nɔ kɛtsu nɔ fɛɛ nɔ ahã.”

2 Kronika 24:6

No hewɔ lɛ, Maŋtsɛ Yoash tsɛ Osɔfonukpa Yehoiada, ni ekɛɛ lɛ akɛ, “Mɛni hewɔ okwɛɛɛ koni Levibii lɛ ayatsu Yudabii lɛ kɛ Yerusalɛmbii atoo lɛ ni Mose, Yehowa tsulɔ lɛ, fo ehã Israel fɛɛ koni akɛtsu Yehowa Kpee Buu lɛ he nii lɛ?”

2 Mose 25:40

Kwɛmɔ ni ofee nibii nɛɛ fɛɛ bɔ ni mikɛtsɔ̃ɔ bo yɛ gɔŋ nɛɛ nɔ lɛ pɛpɛɛpɛ.”

2 Mose 26:30

Kpee Buu Krɔŋkrɔŋ lɛ bɔ ni ajie atsɔ̃ɔ bo yɛ gɔŋ nɛɛ nɔ lɛ, oma lɛ nakai nɔŋŋ.

2 Mose 27:8

Okɛ ŋmoŋmolo akpɛ afɔleshãa latɛ lɛ, ni gbɛ ahi emli. Okpɛ latɛ lɛ bɔ pɛpɛɛpɛ ni ajie atsɔ̃ɔ bo yɛ gɔŋ nɛɛ nɔ lɛ.”

2 Mose 38:21

Naa bɔ ni dadei srɔtoi lɛ fɛɛ ni akɛma Yehowa Kpee Buu Krɔŋkrɔŋ lɛ ni akɛ Kpãŋmɔ Adeka lɛ maa mli lɛ naa yakpa, be ni Mose fã Itamar, ni ji Aaron, osɔfo lɛ binuu lɛ, koni ekwɛ Levibii lɛ anɔ koni amɛbu fɛɛ naa lɛ.

4 Mose 10:11

Israelbii lɛ Ijipt shikpɔŋ lɛ nɔ shimɔ sɛɛ afi ni ji enyɔ lɛ nyɔŋ ni ji enyɔ lɛ nɔ gbi ni ji nyɔŋmai enyɔ lɛ nɔ lɛ, atatu lɛ wo ehe nɔ yɛ Yehowa Kpee Buu Krɔŋkrɔŋ lɛ nɔ.

4 Mose 18:2

Ŋɔɔ onyɛmimɛi, Levibii ni ji otsɛ akutso lɛ mli bii lɛ, ofata ohe koni amɛwa bo be ni bo kɛ obii lɛ tsuɔ osɔfoi anitsumɔi lɛ yɛ Kpee Buu lɛ mli lɛ.

4 Mose 9:15

Gbi nɔ ni ashi Kpee Buu Krɔŋkrɔŋ lɛ amã shi lɛ, atatu lɛ baha nɔ. Gbɛkɛ lɛ kɛ aakwɛ lɛ atatu lɛ tsoɔ tamɔ la yɛ Kpee Buu Krɔŋkrɔŋ lɛ nɔ kɛyashiɔ leebi.

Hebribii 8:2

akɛ He Krɔŋkrɔŋ lɛ kɛ anɔkwa Buu lɛ ni Nuŋtsɔ lɛ diɛŋtsɛ shi ni jeee gbɔmɔ ko shi lɛ mli sɔ̃ɔlɔ.

Hebribii 8:5

tsɛ amɛ lɛ ŋwɛi He Krɔŋkrɔŋ lɛ nɔkwɛmɔnɔ kɛ esusuma kɛkɛ mli amɛsɔ̃mɔ yɛ, tamɔ bɔ ni atsɔ̃ɔ Mose, be ni ebaafee buu lɛ; ejaakɛ Nyɔŋmɔ kɛɛ, “Kwɛmɔ ni ahi koni ofee nibii lɛ fɛɛ yɛ nɔkwɛmɔnɔ ni atsɔ̃ɔ bo yɛ gɔŋ lɛ nɔ lɛ naa.”

Yoshua 18:1

Israel asafo muu lɛ fɛɛ naa bakpe shi yɛ Shilo, ni amɛshi Yehowa Kpee Buu lɛ yɛ jɛi. Nɛkɛ be mli lɛ shikpɔŋ ni Israelbii lɛ eŋɔ̃ lɛ kã shi yɛ amɛhiɛ,

Yoshua 3:14

Lɛɛlɛŋ be ni maŋbii lɛ famɔ amɛbui lɛ koni amɛyafo Yordan lɛ, ni osɔfoi tere Kpãŋmɔ Adeka lɛ kɛnyiɛ amɛhiɛ,