Bɔfoi 7:42 - ŊMALƐ KRƆŊKRƆŊ LƐ

⁴² Shi Nyɔŋmɔ tsi ehe kɛjɛ amɛhe ni eŋmɛɛ amɛhe akɛ amɛja ŋwɛinii, tamɔ bɔ ni aŋma yɛ gbalɔi lɛ awolo lɛ mli akɛ, ‘Nyɛ Israel we, ani nyɛshã kooloi afɔle kɛ niyenii afɔle nyɛhã mi yɛ ŋa lɛ nɔ afii nyɔŋmai ejwɛ lɛ?

Ṅmãle̱ Kroṅkroṅ Le̱

⁴² Ši Nyoṅmo̱ tšṍ ehe ni eṅmē̃ ame̱he ake̱ amé̱dšá ṅwei nii, take̱ boni aṅmã ye̱ *gbalo̱i le̱ awolo le̱ mli ake̱: “Nye Israel we, ani mi nyešã koloi ke̱ niyenii afo̱le nyehã ye̱ ṅã le̱ no̱ afii nyoṅmaĩ-edſe̱ le̱? Amos 5,26-27.

Bɔfoi 7:42 ပူးပေါင်းရင်းမြစ်များ

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

2 Maŋtsɛmɛi 21:3

Ejaakɛ jamɔhei grɔŋŋi lɛ ni etsɛ Hezekia fite lɛ esaa emamɔ ekoŋŋ. Emamɔ afɔleshãa latɛi koni akɛshã afɔle ahã Baal; ni efee jemawɔŋ yoo Ashera amãgã tamɔ bɔ ni Israel Maŋtsɛ Ahab fee lɛ. Asaŋ Manase ja ŋwɛi ŋulamii lɛ, ni esɔ̃mɔ amɛ hu.

Lalai 95:10

Afii nyɔŋmai ejwɛ sɔŋŋ, nɛkɛ yinɔbii nɛɛ asane je mitsine, ni mikɛɛ akɛ “amɛ ji maŋ ko ni yeee anɔkwa, ni amɛbuuu mimlai lɛ.”

Yesaia 43:23

Okɛ otoo lɛ ebahãaa mi koni akɛshã shãaafɔle; ni okɛ oshãa afɔlei lɛ wooo mihiɛ nyam. Mikɛ niyenii afɔle gbako onaa, ni mihãaa etɔ bo kɛ krɔbɔohamɔ.

Yesaia 63:10

Shi amɛ lɛ amɛtse atua, ni amɛfee Emumɔ Krɔŋkrɔŋ lɛ nidɔɔnii. No hewɔ lɛ, etsɔ amɛhenyɛlɔ, ni lɛ diɛŋtsɛ ekɛ amɛ wu.

Yesaia 66:4

No hewɔ lɛ, mi hu maha amanehulu aba amɛ nɔ, ni maha nɔ gbeyei ni amɛsheɔ lɛ aba amɛnɔ. Ejaakɛ mitsɛ, shi mɔ ko mɔ ko hereee nɔ; miwie ni amɛbooo toi; shi moŋ amɛfee nɔ ni ji efɔŋ yɛ mihiɛ, ni amɛfee nɔ moŋ ni esaaa mihiɛ.”

Yeremia 19:13

Yerusalɛm maŋ lɛ mli shĩai kɛ Yuda maŋtsɛmɛi awei fɛɛ he ni ashãshãa tsofakɛŋma yɛ amɛtsui lɛ ayiteiaŋ akɛhã ŋulamii, asaŋ ni akɛ dãa shwie shi ahã nyɔŋmɔi krokomɛi yɛ jɛi lɛ, abaabule amɛ fɛɛ tswɛm tamɔ Tofet.’ ”

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Ezekiel 20:25

“No hewɔ lɛ, mi hu miwo amɛ mlai ni ehiii, kɛ akpɔi ni haŋ amɛna wala.

Ezekiel 20:39

Nuŋtsɔ Yehowa kɛɛ, “Ao, nyɛ Israel we, (nyɛ lɛ kɛji nyɛboŋ mi toi lɛ, kɛjɛ kɛyaa nɛɛ lɛ) nyɛyaa ni nyɛteŋ mɔ fɛɛ mɔ ayasɔmɔ lɛ diɛŋtsɛ ewɔji lɛ; shi kɛfee sɛɛ lɛ nyɛabo mi toi kɛ̃, ni migbɛi krɔŋkrɔŋ lɛ nyɛkɛ nyɛnikeenii lɛ kɛ nyɛwɔŋjamɔ lɛ babuleŋ lɛ dɔŋŋ.”

Ezekiel 8:16

Agbɛnɛ ekɛ mi ba Yehowa we lɛ mligbɛ kpo lɛ nɔ; ni naa, yɛ Yehowa Sɔlemɔ we lɛ shinaa lɛ naa yɛ koi lɛ kɛ afɔleshãa latɛ lɛ teŋ lɛ, hii aaafee nyɔŋmai enyɔ kɛ enumɔ yɛ jɛi, ni amɛtsɔmɔ amɛsɛɛ amɛhã Yehowa Sɔlemɔ we lɛ, be mli ni amɛhiɛiaŋ miikwɛ bokãgbɛ lɛ, amɛmiija hulu yɛ bokãgbɛ lɛ.

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

Yohane 6:45

Aŋma yɛ gbalɔi lɛ amli akɛ, ‘Amɛ fɛɛ amɛaafee mɛi ni Nyɔŋmɔ etsɔ̃ɔ amɛ nii.’ Mɔ fɛɛ mɔ ni enu enɛ yɛ Tsɛ lɛ naa ni ekase hu lɛ, ebaa miŋɔɔ.

Bɔfoi 13:40

No hewɔ lɛ, nyɛkwɛa ni ahia, koni nɔ ni awie yɛ gbalɔi lɛ amli lɛ akaba nyɛnɔ akɛ,

Bɔfoi 7:36

Ni lɛ nɔŋŋ ekpala amɛ kɛje kpo, ni efee naakpɛɛnii kɛ okadii yɛ Ijipt shikpɔŋ lɛ nɔ kɛ Ŋshɔ Tsuru lɛ mli kɛ ŋa lɛ nɔ afii nyɔŋmai ejwɛ lɛ.

5 Mose 17:3

ni nii ni migu nyɛ lɛ, etee eyafee, tamɔ akɛ etee eyaja, ni esɔmɔ nyɔŋmɔi krokomɛi, loo hulu, loo nyɔɔŋtsere loo ŋulamii lɛ eko,

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Hebribii 3:9

he ni nyɛtsɛmɛi lɛ tsɔ̃ minaa, ni amɛka mi, ni amɛna minitsumɔi lɛ, afii nyɔŋmai ejwɛ yɛ lɛ.

Yoshua 24:20

Yɛ mli akɛ Yehowa efee nyɛ ejurɔ kɛho; shi kɛji nyɛshi lɛ esɛɛ, ni nyɛyasɔ̃mɔ maŋsɛɛ nyɔŋmɔi krokomɛi lɛ, no lɛ eeete shi ewo nyɛ, ni eeekpãtã nyɛhiɛ kɛmɔ shi.”