Bɔfoi 7:30 - ŊMALƐ KRƆŊKRƆŊ LƐ

³⁰ “Shi be ni shɛ afii nyɔŋmai ejwɛ lɛ, Nuŋtsɔ lɛ bɔfo ko bajie ehe kpo etsɔ̃ɔ lɛ yɛ Sinai Gɔŋ lɛ he ŋa lɛ nɔ yɛ ŋmeitso ko lalilɛi mli.

Ṅmãle̱ Kroṅkroṅ Le̱

³⁰ Ši beni še̱ afii nyoṅmai-edſe̱ le̱, Nuṅtšo̱ le̱ bo̱fo ko badšĩe ehe kpo etšõle̱ ye̱ Sinai goṅ le̱ he ṅã le̱ no̱ ye lalilei mli ye̱ kō ko mli. 2 Mose 3,2. 5 Mose 33,16.

Bɔfoi 7:30 ပူးပေါင်းရင်းမြစ်များ

1 Maŋtsɛmɛi 19:8

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

Lalai 66:12

Ohã wɔhenyɛlɔi naanaa wɔnɔ; wɔtsɔ̃mɔ la kɛ fai amli, shi ojie wɔ kɛba he ni wɔfee shweshweeshwe yɛ.

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

2 Mose 7:7

Be ni amɛkɛ Farao yawie nɛɛ lɛ, Mose eye afii nyɔŋmai kpaanyɔ, ni Aaron hu eye afii nyɔŋmai kpaanyɔ kɛ etɛ̃.

Yesaia 43:2

Kɛji oofo faa ni mli kwɔ lɛ, mikɛ bo yɛ; ni oofo faa hu nu lɛ esuŋ bo; Kɛji onyiɛ la mli lɛ, eshaŋ bo, ni lalilɛi lɛ kpãtãŋ ohiɛ.

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Daniel 3:27

Amraloi lɛ kɛ lumɛi lɛ kɛ akutsei anɔkwɛlɔi lɛ kɛ maŋtsɛ lɛ ajinafoi lɛ bua amɛhe naa koni amɛbakwɛ nɛkɛ gbɔmɛi etɛ̃ nɛɛ. Amɛyiteŋ tsɔi ŋalako lɛ, amɛtadei lɛ he ko eshãko lɛ, lasu tete po ejeee fu yɛ amɛhe.

Maleaki 3:1

Yehowa, Taiatsɛ lɛ, kɛɛ akɛ, “Naa, miitsu mibɔfo lɛ kɛtsɔ̃ mihiɛ koni ebasaa gbɛ lɛ eto mi. Kɛkɛ lɛ Nuŋtsɔ ni nyɛtaoɔ lɛ lɛ baaba Sɔlemɔ we lɛ trukaa. Kpãŋmɔ Bɔfo lɛ ni nyɛshwe lɛ aahu lɛ aaashɛ shi.”

Marko 12:26

Shi akɛ gbohii baate shi ekoŋŋ lɛ, ani nyɛkaneko yɛ Mose wolo lɛ mli bɔ ni Nyɔŋmɔ kɛɛ lɛ yɛ ŋmeitso lɛ he sane lɛ mli akɛ, ‘Mi lɛ Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi,’ lɛ?

Luka 20:37

Shi akɛ gbohii baate shi ekoŋŋ lɛ, Mose diɛŋtsɛ tsɔ̃ɔ yɛ koowie lɛ sane lɛ mli, be ni etsɛ Nuŋtsɔ lɛ akɛ ‘Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ’ lɛ;

Bɔfoi 7:17

“Shi be ni bè ni Nyɔŋmɔ baaye eshi ni ewo Abraham lɛ nɔ lɛ shɛ lɛ, maŋ lɛ shwere, ni amɛyi fa yɛ Ijipt shikpɔŋ lɛ nɔ,

Bɔfoi 7:31

Be ni Mose na lɛ, ehiɛ fee lɛ yaa yɛ ninaa lɛ hewɔ; ni be ni etsiɔ ebɛŋkɛ ni ekwɛ lɛ enu Nuŋtsɔ lɛ gbee ni eekɛɛ lɛ akɛ,

Bɔfoi 7:32

‘Mi ji otsɛmɛi aNyɔŋmɔ lɛ, Abraham kɛ Isak kɛ Yakob Nyɔŋmɔ lɛ.’ Ni Mose he kpokpo ni ekaaa akɛ eeeyakwɛ.

Bɔfoi 7:35

“Nɛkɛ Mose nɛɛ nɔŋŋ ni amɛkwa lɛ amɛkɛɛ, ‘Namɔ wo bo wɔnɔ lumɔ kɛ kojolɔ’ lɛ, lɛ nɔŋŋ Nyɔŋmɔ tsɔ̃ bɔfo lɛ ni jie ehe kpo etsɔ̃ɔ lɛ yɛ koo lɛ mli lɛ nine nɔ etsu lɛ akɛ lumɔ kɛ kpɔlɔ.

Galatabii 4:25

ejaakɛ Hagar ji Sinai Gɔŋ lɛ yɛ Arabia; shi ekɛ ŋmɛnɛŋmɛnɛ Yerusalɛm lɛ yaa, ejaakɛ ekɛ ebii lɛ ji nyɔji;

5 Mose 33:16

Yehowa ajɔɔ eshikpɔŋ lɛ koni eba nii babaoo, bɔ ni shikpɔŋ nyɛɔ ebaa nii. Mɔ ni hi ŋmeitso lɛ mli lɛ ana Yosef akutso lɛ he miishɛɛ. Akɛ enɛɛmɛi fɛɛ aduro Yosef; jɔɔmɔ aba ekekre ni fi eyitso lɛ nɔ, Lɛ mɔ ni ji lumɔ yɛ enyɛmimɛi lɛ ateŋ lɛ.

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.