Bɔfoi 7:25 - ŊMALƐ KRƆŊKRƆŊ LƐ

²⁵ Ni esusu akɛ kulɛ enyɛmimɛi lɛ aaayoo sɛɛ akɛ Nyɔŋmɔ miitsɔ enine nɔ ehere amɛ; shi amɛyooo sɛɛ.

Ṅmãle̱ Kroṅkroṅ Le̱

²⁵ Ši esusuo̱ ake̱ kũle̱ enyemimei le̱ aayo se̱ ake̱ Nyoṅmo̱ mītšṍ enine no̱ ehereame̱; ši ame̱yoo se̱.

Bɔfoi 7:25 ပူးပေါင်းရင်းမြစ်များ

2 Maŋtsɛmɛi 5:1

Siria maŋtsɛ lɛ yɛ asafoiatsɛnukpa ko ni atsɛɔ lɛ Naaman; gbɔmɔ wulu ji lɛ, ni enuŋtsɔ maŋtsɛ lɛ buɔ lɛ ejaakɛ lɛ enɔ Yehowa tsɔ̃ ehã Siriabii lɛ ye kunim. Eyɛŋ akɛ eji asraafonyo kãkãlɔ kpanaa nɛ, shi eeye kpiti.

Lalai 106:7

Be ni wɔblematsɛmɛi lɛ yɔɔ Ijipt lɛ, amɛyooo onaakpɛɛ nitsumɔi lɛ asɛɛ, amɛkaiii osuɔmɔ babaoo ni tsakeee lɛ; shi moŋ, amɛtse Ŋwɛi Flooflonyo lɛ hiɛ atua, yɛ Ŋshɔ Tsuru lɛ naa.

2 Mose 2:12

Mose kwɛ ehe biɛ kɛ biɛ, ni be ni enaaa mɔ ko lɛ, egbe Ijiptnyo lɛ, ni ekɛ lɛ tee shia mli.

Marko 9:32

Shi amɛnaaa nakai wiemɔ lɛ naa, ni amɛmiishe gbeyei hu akɛ amɛaabi lɛ.

Luka 18:34

Shi amɛ lɛ amɛnaaa nii nɛɛ ateŋ ekomeflo shishi, ni akɛ nɛkɛ wiemɔ nɛɛ etee amɛ, ni amɛyooo wiemɔi ni ewie lɛ asɛɛ!

Luka 9:45

Shi amɛ lɛ amɛnaaa wiemɔ nɛɛ shishi, ni akɛtee amɛ ni amɛkayoo sɛɛ, ni amɛmiishe gbeyei akɛ amɛaabi lɛ wiemɔ nɛɛ he nɔ ko.

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Bɔfoi 15:4

Ni be ni amɛshɛ Yerusalɛm lɛ, asafo lɛ kɛ bɔfoi lɛ kɛ onukpai lɛ here amɛ atuu, ni mɛi ni atsu lɛ gba amɛ nibii ni Nyɔŋmɔ kɛ amɛ etsu lɛ fɛɛ.

Bɔfoi 15:7

Shi be ni amɛyiyii aahu lɛ, Petro te shi damɔ shi, ni ekɛɛ amɛ akɛ, “Anyɛmimɛi hii, nyɛ diɛŋtsɛ nyɛle akɛ jeeŋmɔ beebe Nyɔŋmɔ hala wɔmli, ni eto akɛ minaa jeŋmaji lɛ anu Sanekpakpa lɛ yɛ ni amɛhe amɛye.

Bɔfoi 21:19

Eŋa amɛ, ni egba amɛ nibii ni Nyɔŋmɔ tsɔ̃ esɔ̃ɔmɔ lɛ nɔ etsu yɛ jeŋmaji lɛ ateŋ lɛ ekomekome.

Bɔfoi 7:24

Be ni ena akɛ aafee amɛteŋ mɔ ko efɔŋ lɛ, efã ehe, ni etɔ mɔ ni afeɔ lɛ efɔŋ lɛ he owele ni egbe Ijiptnyo lɛ.

Bɔfoi 7:26

Ni enɔ jetsɛremɔ lɛ ebanina amɛteŋ mɛi enyɔ ni amɛmiinɔ, ni ekpãtã amɛ ekɛɛ, ‘Ataamɛi, nyɛ lɛ nyɛmimɛi ji nyɛ; mɛɛba nyɛfeɔ nyɛhe efɔŋ nɛɛ?’

Romabii 15:18

ejaakɛ mikaŋ akɛ mawie nɔ ko akɛ ja nɔ ni Kristo tsɔ̃ minɔ etsu ehã jeŋmaji lɛ atoiboo yɛ wiemɔ kɛ nifeemɔnii amli,

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

1 Korintobii 3:9

Ejaakɛ Nyɔŋmɔ hefatalɔi nitsulɔi ji wɔ; Nyɔŋmɔ ŋmɔ kɛ Nyɔŋmɔ tsu ji nyɛ.

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Kolosebii 1:29

No he deŋme migboɔ ni mipeleɔ yɛ ehewalɛ ni tsuɔ nii kɛ hewalɛ yɛ mimli lɛ naa.

Kojolɔi 15:12

Yuda hii lɛ kɛɛ lɛ akɛ, “Bo fĩi wɔba nɛɛ, koni wɔkɛ bo ayawo Filistibii lɛ adɛŋ.” Samson kɛɛ amɛ akɛ, “Nyɛkãa mi kitã akɛ nyɛ diɛŋtsɛ nyɛgbeŋ mi.”

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”