Bɔfoi 7:23 - ŊMALƐ KRƆŊKRƆŊ LƐ

²³ “Be ni eye afii nyɔŋmai ejwɛ lɛ, eba eyiŋ akɛ eeeyasara enyɛmimɛi Israelbii lɛ.

Ṅmãle̱ Kroṅkroṅ Le̱

²³ Ši beni eye afii nyoṅmai-edſe̱ le̱, eba eyiṅ ake̱ eeyasra enyemimei Israelbii le̱. 2 Mose 2,11.

Bɔfoi 7:23 ပူးပေါင်းရင်းမြစ်များ

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

Ezra 1:1

Koresh, Persia maŋtsɛ lɛ, yinɔ klɛŋklɛŋ afi lɛ nɔ lɛ, bɔ ni afee ni Yehowa wiemɔ ni ewie kɛtsɔ̃ Yeremia nɔ lɛ aba mli hewɔ lɛ, Yehowa kanya Koresh yɛ mumɔ mli, ni ehã aŋmã, ni ashiɛ yɛ emaŋtsɛyeli lɛ mli he fɛɛ he akɛ,

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Ezra 7:27

Kɛkɛ ni Ezra kɛɛ, “Ajie Yehowa, wɔtsɛmɛi aNyɔŋmɔ lɛ, yi akɛ ekɛ nɛkɛ nɔ ko wo maŋtsɛ lɛ yiŋ akɛ ewula Yehowa we ni yɔɔ Yerusalɛm lɛ.

2 Mose 35:21

Amɛku amɛsɛɛ amɛba, ni mɔ fɛɛ mɔ ni sane lɛ eta etsui mli lɛ, mɔ fɛɛ mɔ ni ena he tsuijurɔ lɛ, hiɛ edɛŋ nikee ebahã Yehowa koni akɛtsu Kpee Buu lɛ kɛ ehe sɔ̃ɔmɔ nibii lɛ fɛɛ kɛ hewulamɔ nibii krɔŋkrɔŋi lɛ hu ahe nii.

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

2 Mose 4:18

Mose ku esɛɛ etee eshaanuu Yetro ŋɔɔ, ni eyabi lɛ gbɛ ekɛɛ, “Miikpa bo fai, hã maku misɛɛ maya Ijipt mayakwɛ akɛ minyɛmimɛi ni yɔɔ jɛi lɛ yɛ wala mli lolo lo.” Yetro to he akɛ, “Yoo, yaa ni oba, gbɛ aŋmɛ ahã bo.”

2 Mose 7:7

Be ni amɛkɛ Farao yawie nɛɛ lɛ, Mose eye afii nyɔŋmai kpaanyɔ, ni Aaron hu eye afii nyɔŋmai kpaanyɔ kɛ etɛ̃.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Bɔfoi 15:36

Shi gbii komɛi asɛɛ lɛ, Paulo kɛɛ Barnaba akɛ, “Hã wɔku wɔsɛɛ wɔyasara wɔnyɛmimɛi lɛ yɛ maŋ fɛɛ maŋ ni wɔjaje Nuŋtsɔ lɛ wiemɔ lɛ yɛ mli lɛ mli, ni wɔkwɛ bɔ ni amɛyɔɔ.”

Bɔfoi 7:24

Be ni ena akɛ aafee amɛteŋ mɔ ko efɔŋ lɛ, efã ehe, ni etɔ mɔ ni afeɔ lɛ efɔŋ lɛ he owele ni egbe Ijiptnyo lɛ.

2 Korintobii 8:16

Shi shidaa ahã Nyɔŋmɔ, mɔ ni kɛ nyɛhedɔɔ nɛɛ wo Tito tsui mli lɛ;

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Kpojiemɔ 17:17

Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”