Bɔfoi 6:7 - ŊMALƐ KRƆŊKRƆŊ LƐ

⁷ Ni Nyɔŋmɔ wiemɔ lɛ shwere, ni kaselɔi lɛ ayi bafa diɛŋtsɛ yɛ Yerusalɛm, ni osɔfoi lɛ tete ateŋ mɛi pii mɔ hemɔkɛyeli lɛ mli.

Ṅmãle̱ Kroṅkroṅ Le̱

⁷ Ni *Nyoṅmo̱ wiemo̱ le̱ ſere, ni kaselo̱i le̱ ayi bafá babaō dientše̱ ye̱ Ierusalem; ní oso̱foi le̱ tete ateṅ mei pī boo̱ hemo̱-ke̱-yeli le̱ toi. *19,20.

Bɔfoi 6:7 ပူးပေါင်းရင်းမြစ်များ

2 Kronika 29:34

Shi akɛ ni osɔfoi lɛ ayi eyafaaa bɔ ni amɛaanyɛ kooloi ni akɛbaashã shãa afɔle lɛ fɛɛ ahe woji amɛkpɔlɔ hewɔ lɛ, amɛnyɛmimɛi Levibii lɛ wa amɛ kɛyashi agbe nitsumɔ lɛ fɛɛ naa. Nakai be lɛ mli nɔŋŋ lɛ, osɔfoi lɛ ekomɛi yatsuu amɛhe, ni amɛbamɔ nitsumɔ lɛ mli.

2 Kronika 30:24

Ejaakɛ Yuda Maŋtsɛ Hezekia hã maŋbii lɛ tsinahii akpe kɛ toi hu akpei kpawo koni amɛkɛshã afɔle, ni maŋ onukpai lɛ hu hã tsinahii akpe kɛ toi hu akpei nyɔŋma. Osɔfoi lɛ hu babaoo tsuu amɛhe, ni amɛfee amɛhe krɔŋkrɔŋ.

Lalai 132:16

Esɔfoi lɛ, mikɛ miyiwalaheremɔ aaawo amɛ tamɔ atade; ni emɛi krɔŋkrɔŋi lɛ aaabɔ oshe kɛ nyamɔ.

Lalai 132:9

Hã osɔfoi lɛ awula kɛ jalɛ tamɔ atade, ni omɛi krɔŋkrɔŋi lɛ abɔ oshe kɛ nyamɔ.

Mateo 19:30

Shi klɛŋklɛŋ bii pii aaatsɔ̃mɔ sɛɛkpee bii, ni sɛɛkpee bii aaatsɔ̃mɔ klɛŋklɛŋ bii.”

Luka 2:34

Ni Simeon jɔɔ amɛ, ni ekɛɛ gbekɛ lɛ nyɛ, Maria, akɛ, “Naa, akɛ mɔ nɛ edamɔ shi ehã mɛi pii ashigbeemɔ kɛ shitee yɛ Israel, kɛ okadi ni awieɔ ashiɔ;

Yohane 12:42

Kɛ̃lɛ onukpai lɛ tete ateŋ mɛi pii he enɔ ye; shi Farisifoi lɛ ahewɔ lɛ amɛjajeee faŋŋ, koni akashwie amɛ kɛjɛ kpeehe lɛ;

Bɔfoi 12:24

Agbɛnɛ Nyɔŋmɔ wiemɔ lɛ ni egbɛ eshwã eshwere.

Bɔfoi 13:8

Shi Elima ŋkunyaayelɔ lɛ (egbɛi lɛ shishi yɛ Hela wiemɔ mli ji no) ku amɛnaa, ejaakɛ eetao ni ekpale amralo lɛ kɛjɛ hemɔkɛyeli lɛ he.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 19:20

Nɛkɛ hewalɛ gbɛ nɛɛ nɔ Nuŋtsɔ lɛ wiemɔ lɛ tsɔ̃ ekɛshwere ni eye kunim.

Bɔfoi 2:47

ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 6:1

Nakai bei lɛ amli, be ni kaselɔi lɛ ayi faa lɛ, Helenibii lɛ wie huhuuhu amɛshi Hebribii lɛ, ejaakɛ Hebribii lɛ ahiɛ jeɔ Helenibii lɛ okulafoi lɛ anɔ yɛ daa kwɛmɔ lɛ gbɛfaŋ.

Romabii 1:5

Enɔ mitsɔ̃ mina dromɔ kɛ bɔfo nitsumɔ koni mihã jeŋmaji lɛ fɛɛ abo hemɔkɛyeli lɛ toi, yɛ egbɛi lɛ hewɔ.

Romabii 16:26

teemɔ sane ni agbɛnɛ ajie atsɔ̃ɔ faŋŋ yɛ naanɔ Nyɔŋmɔ lɛ famɔ naa, ni atsɔ̃ gbalɔi lɛ aŋmalɛi lɛ anɔ atsi tã atsɔ̃ɔ jeŋmaji lɛ fɛɛ koni amɛbo hemɔkɛyeli lɛ toi lɛ naa lɛ,

Galatabii 1:23

shi amɛnuɔ kɛkɛ akɛ akɛɔ akɛ, “Mɔ ni be ko mli ni ewa wɔ yi lɛ, agbɛnɛ eejaje hemɔkɛyeli ni tsutsu lɛ ebɔ mɔdɛŋ akɛ ekpãtã hiɛ lɛ he Sanekpakpa lɛ eetsɔ̃ɔ.”

Galatabii 6:10

Belɛ be mli ni hegbɛ yɔɔ hã wɔ nɛɛ, nyɛhãa wɔfea mɛi fɛɛ ejurɔ, shi titri lɛ mɛi ni ji hemɔkɛyeli lɛ webii lɛ.

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

2 Timoteo 2:9

No mli amane nɔŋŋ minaa, kɛyashi kpãi amli tete, tamɔ efɔŋfeelɔ ko nɛɛ, shi kɛ̃lɛ Nyɔŋmɔ wiemɔ lɛ awooo lɛ kpãa.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Hebribii 5:9

Ni be ni ehi kɛwula shi lɛ, etsɔ̃ mɔ ni naanɔ yiwalaheremɔ jeɔ emli ehã mɛi fɛɛ ni boɔ lɛ toi lɛ,

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,

Yuda 1:3

Suɔmɔmɛi, be ni misaa mihe kɛ mɔdɛŋbɔɔ diɛŋtsɛ akɛ maŋma nyɛ yɛ wɔ fɛɛ wɔyiwalaheremɔ lɛ he sane he lɛ, mina akɛ ehe ehia akɛ maŋma ni mikɛwo nyɛ ekãa, koni nyɛpele hemɔkɛyeli ni atu awo krɔŋkrɔŋbii lɛ adɛŋ shi kome lɛ he.