Bɔfoi 6:4 - ŊMALƐ KRƆŊKRƆŊ LƐ

⁴ shi wɔ lɛ wɔɔhiɛ sɔlemɔ kɛ wiemɔ lɛ he sɔ̃ɔmɔ lɛ mli.”

Ṅmãle̱ Kroṅkroṅ Le̱

⁴ ši wo̱ le̱ wo̱o̱hĩe so̱lemo̱ ke̱ wiemo̱ le̱ he súomo̱ le̱ mli.

Bɔfoi 6:4 ပူးပေါင်းရင်းမြစ်များ

Luka 1:23

Be ni egbe esɔ̃ɔmɔ gbii lɛ naa lɛ, eyiŋ etee lɛ diɛŋtsɛ ewe.

Bɔfoi 1:14

Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Romabii 1:9

Ejaakɛ midasefonyo ji Nyɔŋmɔ, mɔ ni misɔmɔɔ yɛ mimumɔ mli yɛ eBi lɛ Sanekpakpa lɛ shiɛmɔ mli lɛ, akɛ mifɔ̃ko nyɛ kaimɔ dã,

1 Korintobii 9:16

Ejaakɛ kɛji miijaje Sanekpakpa lɛ po jiŋŋ, ejeee shwãanɔ hã mi; ejaakɛ akɛfi minɔ akɛ mijaje; kɛ mijajeee Sanekpakpa lɛ, kpoo hã mi!

Filipibii 1:4

yɛ midaa faikpamɔi fɛɛ ni mikpaa mihãa nyɛ fɛɛ lɛ mli, ni mikɛ miishɛɛ kpaa fai,

Kolosebii 2:1

Ejaakɛ miisumɔ akɛ nyɛle nɔ pelemɔ ni mli wa ni mipeleɔ yɛ nyɛ kɛ mɛi ni yɔɔ Laodikea kɛ mɛi abɔ ni enako mi hiɛ kɛ hiɛ lɛ ahewɔ.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

Kolosebii 4:17

Ni nyɛkɛa Arkipo akɛ, “Kwɛmɔ ni ogbe sɔ̃ɔmɔ ni atu awo odɛ̃ŋ yɛ Nuŋtsɔ lɛ mli lɛ naa kwraa!”

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.