Bɔfoi 6:3 - ŊMALƐ KRƆŊKRƆŊ LƐ

³ No hewɔ lɛ, anyɛmimɛi, nyɛtaoa nyɛteŋ hii kpawo ni yɔɔ gbɛi kpakpa ni Mumɔ Krɔŋkrɔŋ kɛ nilee eyi amɛ obɔ̃, koni wɔkɛ amɛ ato nɛkɛ nitsumɔ ni he hiaa nɛɛ nɔ;

Ṅmãle̱ Kroṅkroṅ Le̱

³ Nohewo̱ le̱, anyemimei, nyetaoa nyeteṅ hĩĩ kpawo ní yo̱ *gbe̱i kpakpa ní Mumo̱ kroṅkroṅ ke̱ nilē eyiame̱ obõ, koni wo̱ṅõame̱ wo̱to ne̱ke̱ nitšumo̱ ní he hĩaä ne̱ no̱; *1 Tim. 3,7. 8.

Bɔfoi 6:3 ပူးပေါင်းရင်းမြစ်များ

2 Mose 18:21

Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

Yesaia 28:26

Amɛduɔ, ejaakɛ amɛNyɔŋmɔ lɛ tsɔ̃ɔ amɛ nii, ni egbalaa mli etsɔ̃ɔ amɛ.

Yesaia 28:6

Eeehã kojolɔ lɛ mumɔ ni hãa ayeɔ jalɛ sane; ni eeewo mɛi ni fãa maŋ agbo lɛ he hewalɛ.

Mateo 23:8

Shi nyɛ lɛ, akatsɛ nyɛ ‘Tsɔɔlɔ’; ejaakɛ mɔ kome ji nyɛ-Tsɔɔlɔ; shi nyɛ fɛɛ lɛ, nyɛmimɛi ji nyɛ.

Yohane 21:23

Kɛkɛ ni wiemɔ nɛɛ gbɛ shwã yɛ nyɛmimɛi lɛ ateŋ akɛ nakai kaselɔ lɛ gboŋ; tsɛ Yesu ekɛɛɛ lɛ akɛ egboŋ, shi moŋ ekɛɛ, “Kɛji miisumɔ akɛ ehi shi kɛyashi mibaabe lɛ, mɛni no kɔɔ yɛ ohe?”

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 1:21

“No hewɔ lɛ, esa akɛ hii ni kɛ wɔ nyiɛ be mli fɛɛ ni Nuŋtsɔ Yesu yaa baa yɛ wɔteŋ,

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Bɔfoi 15:23

Ni amɛŋma wolo amɛhã amɛ akɛ, “Bɔfoi lɛ kɛ onukpai lɛ kɛ nyɛmimɛi lɛ miibi nyɛmimɛi ni jɛ jeŋmaji lɛ ateŋ ni yɔɔ Antiokia kɛ Siria kɛ Kilikia lɛ jogbaŋŋ.

Bɔfoi 16:2

Ni nyɛmimɛi lɛ ni yɔɔ Listra kɛ Ikonium lɛ yeɔ ehe odase kpakpa.

Bɔfoi 2:4

ni Mumɔ Krɔŋkrɔŋ bayimɔ amɛ fɛɛ obɔ̃bɔ̃, ni amɛbɔ̃i wiemɔi krokomɛi awiemɔ tamɔ bɔ ni Mumɔ lɛ kɛwo amɛnaa lɛ.

Bɔfoi 22:12

“Shi nuu ko yɛ jɛi ni atsɛɔ lɛ Anania ni esheɔ Nyɔŋmɔ gbeyei yɛ Mla lɛ naa, ni Yudafoi lɛ fɛɛ ni yɔɔ jɛi lɛ wieɔ ehe ekpakpa.

Bɔfoi 28:14

Jɛi wɔbana nyɛmimɛi komɛi yɛ; ni amɛkpa wɔ fai akɛ wɔkɛ amɛ ahi shi gbii kpawo. Kɛkɛ ni wɔyashɛ Roma.

Bɔfoi 6:2

Kɛkɛ ni kaselɔi nyɔŋma kɛ enyɔ lɛ tsɛ asafo lɛ kɛba, ni amɛkɛɛ, “Esaaa akɛ wɔshiɔ Nyɔŋmɔ wiemɔ lɛ ni wɔyasɔ̃mɔɔ yɛ okpɔlɔi ahe.

Bɔfoi 6:5

Ni wiemɔ lɛ sa asafo muu lɛ fɛɛ hiɛ; ni amɛfamɔ Stefano, nuu ko ni hemɔkɛyeli kɛ Mumɔ Krɔŋkrɔŋ eyi lɛ obɔ̃, kɛ Filipo kɛ Prokoro kɛ Nikanora kɛ Timon kɛ Parmena kɛ Nikolao ni emɔ Yudafoi ajamɔ mli ni ejɛ Antiokia lɛ,

Bɔfoi 6:6

ni amɛkɛ mɛnɛɛmɛi badamɔ bɔfoi lɛ ahiɛ; ni amɛsɔle ni amɛkɛ amɛniji shwie amɛnɔ.

Bɔfoi 9:30

Be ni nyɛmimɛi lɛ nu he lɛ amɛkɛ lɛ tee Kaisarea, ni amɛwo lɛ gbɛ kɛtee Tarso.

1 Korintobii 12:8

Mɔ ko lɛ, atsɔ̃ Mumɔ lɛ nɔ ahã lɛ nilee wiemɔ; ni mɔ ko hu ahã lɛ niiashishinamɔ wiemɔ yɛ nakai Mumɔ lɛ nɔŋŋ naa.

1 Korintobii 16:3

Ni kɛji miba lɛ, matsu mɛi ni nyɛbuɔ akɛ amɛsa kɛ woji ni amɛkɛ nyɛnikeenii lɛ aya Yerusalɛm.

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

5 Mose 1:13

Nyɛfamɔa hii ni le nii, ni nuɔ nii ashishi, asaŋ ni amɛkpa jeŋ shi, yɛ nyɛkutsei lɛ anaa koni mato amɛ nyɛnukpai.’

1 Timoteo 5:10

ni ayeɔ enitsumɔi kpakpai ahe odase, no ji: kɛ elɛ bii, kɛ efee mɛi agbɔ, kɛ efɔ mɛi krɔŋkrɔŋi anaji ahe, kɛ eye ebua mɛi ni naa amanehulu lɛ, kɛ edi nitsumɔ kpakpa fɛɛ nitsumɔ kpakpa sɛɛ lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

3 Yohane 1:12

Demetrio lɛ, mɛi fɛɛ miiye ehe odase, ni anɔkwale diɛŋtsɛ miiye ehe odase, ni wɔ hu wɔmiiye ehe odase, ni ole akɛ wɔdase lɛ anɔkwa ni.