Bɔfoi 6:13 - ŊMALƐ KRƆŊKRƆŊ LƐ

¹³ Ni amɛkɛ amale odasefoi badamɔ shi, ni mɛnɛɛmɛi kɛɛ akɛ, “Be fɛɛ be lɛ nɛkɛ gbɔmɔ nɛɛ miiwie miishi he krɔŋkrɔŋ lɛ kɛ Mose Mla lɛ,

Ṅmãle̱ Kroṅkroṅ Le̱

¹³ Ni ame̱ke̱ amale-odasefoi badamo̱ ši, ni ame̱kē̱ ake̱: Ne̱ke̱ gbomo ne̱ efõko *hekroṅkroṅ le̱ ke̱ mla le̱ he wiemo pẽṅ; *Ier. 26,11.

Bɔfoi 6:13 ပူးပေါင်းရင်းမြစ်များ

Lalai 27:12

Kaaŋmɛɛ mihe ohã tamɔ bɔ ni mihenyɛlɔi lɛ taoɔ lɛ; ejaakɛ amale odasefoi ete shi ewo mi, ni amɛmiishwe ni amɛwa mi yi.

Lalai 35:11

Odasefoi yiwalɔi teɔ shi woɔ mi. Amɛbiɔ mi nibii ni mileee he nɔ ko.

Lalai 56:5

Gbi muu fɛɛ lɛ, mi awui pɛ amɛtaoɔ amɛye; efɔŋ sɔŋŋ pɛ amɛjwɛŋɔ yɛ mihe.

Hosea 7:4

Amɛtsɔ̃mɔ mɛi ashishinyiɛlɔi kɛ mɛi ni yeee anɔkwa yɛ jamɔ mli. No hewɔ lɛ, amɛtamɔ flɔnɔɔ mli la ni awo ni nishãlɔ eŋmɛɛ he koni etso kɛyashi ma ni akpɔtɔ lɛ aaafu kɛha shãa.

Mateo 24:15

“No hewɔ lɛ, kɛ nyɛna ‘Amaŋfɔ̃ nihiinii lɛ’ ni gbalɔ Daniel wie he lɛ akɛ ema he krɔŋkrɔŋ lɛ (mɔ ni kaneɔ lɛ eyoo sɛɛ!)

Mateo 26:59

Shi osɔfonukpai lɛ kɛ gwabɔɔ lɛ fɛɛ tao amale odase yɛ Yesu he, koni amɛgbe lɛ;

Bɔfoi 21:28

ni amɛbolɔ akɛ, “Ataamɛi Israelbii, nyɛbafataa wɔhe! Naa nuu lɛ ni wieɔ maŋ nɛɛ kɛ Mla lɛ kɛ biɛ nɛɛ he efɔŋ etsɔ̃ɔ mɛi fɛɛ yɛ he fɛɛ he lɛ; ni esaa ekɛ Helabii eba Sɔlemɔ we lɛ ekɛbabule He Krɔŋkrɔŋ nɛɛ hu.”

Bɔfoi 25:8

Paulo jie enaa ekɛɛ “Mitɔ̃ko Yudafoi amla ko nɔ lɛ, asaŋ mitɔ̃ko Sɔlemɔ we lɛ loo Kaisare nɔ hu.”

Bɔfoi 6:11

Kɛkɛ ni amɛkɛ mɛi komɛi yafi ni amɛbakɛɛ akɛ, “Wɔnu akɛ ewie musubɔɔ wiemɔi eshi Mose kɛ Nyɔŋmɔ.”

Bɔfoi 7:58

ni amɛtsirɛ eyi sɛɛ kɛje maŋ lɛ mli, ni amɛyatswia lɛ tɛi. Ni odasefoi lɛ kɛ amɛmamai lɛ shwie oblanyo ko ni atsɛɔ lɛ Saul lɛ najianaa.

Hebribii 7:12

Ejaakɛ kɛ atsake osɔfoyeli lɛ, belɛ ehe ehĩa akɛ atsake Mla lɛ hu.