Bɔfoi 6:1 - ŊMALƐ KRƆŊKRƆŊ LƐ

¹ Nakai bei lɛ amli, be ni kaselɔi lɛ ayi faa lɛ, Helenibii lɛ wie huhuuhu amɛshi Hebribii lɛ, ejaakɛ Hebribii lɛ ahiɛ jeɔ Helenibii lɛ okulafoi lɛ anɔ yɛ daa kwɛmɔ lɛ gbɛfaŋ.

Ṅmãle̱ Kroṅkroṅ Le̱

¹ Ši nakai gbĩĩ le̱ amli, beni kaselo̱i le̱ ayi fáa le̱, hũhū̃hũwiemo̱ ko bate ši ye̱ Helenibii le̱ ateṅ ye̱ Hebribii le̱ ahewo̱, edšake̱ hĩe kpaã ame̱kũlafoyei le̱ ano̱ ye̱ dā *kwe̱mo̱ le̱ gbe̱fāṅ. *4,35.

Bɔfoi 6:1 ပူးပေါင်းရင်းမြစ်များ

Hiob 29:13

Mɔ ni hiɛ heɔ akpãtã lɛ jɔɔmɔ baninaa mi, ni mihãa okulafo tsui nyɔɔ emli kɛ nyamɔ.

Hiob 31:16

Kɛji mikãma ohiafoi anii ni amɛtaoɔ, aloo mihã jeŋ fee okulafo awerɛho,

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 72:16

Shikpɔŋ lɛ aba abele babaoo kɛyashwie gɔji lɛ anɔ; eba nii tamɔ Lebanon. Gbɔmɛi afrɔke yɛ maji lɛ amli tamɔ ŋa nɔ jwɛi.

Yesaia 1:17

Nyɛkasea ekpakpafeemɔ, nyɛtaoa jalɛ sane sɛɛgbɛ; nyɛkwɛa koni akayea amim, nyɛfãa awusa he, ni nyɛwiea nyɛhãa okulafo.”

Yesaia 27:6

Wɔsɛɛ ko lɛ Israel aaatsɛ̃rɛ̃ fãi tamɔ tso, ni Israel aaagba afofro hu, ni eyibii aaayi jeŋ fɛɛ.

Yeremia 30:19

Shidaa lalai aaagbɛɛ kɛjɛ mli, mɛi ni miinya agbee aaajije kɛjɛ jɛi. Mibahã amɛyi afa, ni amɛnɔ gbɔŋ; mibawo amɛhiɛ nyam; abuŋ amɛ akɛ maŋ bibioo.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Bɔfoi 11:20

Shi amɛteŋ mɛi komɛi lɛ, Kiprobii kɛ Kirenebii ji amɛ, ni amɛba Antiokia amɛbawie amɛtsɔ̃ɔ Helabii lɛ hu, ni amɛjaje Nuŋtsɔ Yesu he Sanekpakpa lɛ amɛtsɔ̃ɔ amɛ.

Bɔfoi 11:26

Ni eba mli akɛ amɛkɛ asafo lɛ hi shi afi naakplɔ, ni amɛtsɔ̃ɔ mɛi babaoo anii, ni Antiokia klɛŋklɛŋ awo kaselɔi lɛ agbɛi yɛ akɛ Kristofoi.

Bɔfoi 11:29

Shi kaselɔi lɛ kpɛ mli akɛ amɛaabua nɔ ko naa amɛkɛyahã nyɛmimɛi ni yɔɔ Yudea lɛ bɔ ni mɔ fɛɛ mɔ aaanyɛ.

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

Bɔfoi 2:45

amɛhɔ̃ɔhɔ̃ɔ amɛshikpɔji kɛ amɛhenii, ni amɛja shika lɛ amɛhã mɛi lɛ fɛɛ bɔ ni he hiaa mɔ fɛɛ mɔ.

Bɔfoi 2:47

ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Bɔfoi 4:35

amɛkɛbashwie bɔfoi lɛ anajianaa, ni ajaa ahãa mɔ fɛɛ mɔ bɔ ni hiaa lɛ.

Bɔfoi 4:4

Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

Bɔfoi 5:14

Ni asaŋ akɛ mɛi ni heɔ Nuŋtsɔ lɛ nɔ yeɔ, hii kɛ yei babaoo, bafata amɛhe,

Bɔfoi 5:28

akɛ, “Ani wɔwooo nyɛ kitã kadikadi akɛ nyɛkatsɔ̃ɔ nii yɛ nɛkɛ gbɛi nɛɛ mli? Nyɛkwɛa bɔ ni nyɛhã Yerusalɛm eyi obɔ̃ kɛ nyɛtsɔ̃ɔmɔ lɛ, ni nyɛmiitao akɛ nyɛkɛ nɛkɛ nuu nɛɛ lá lɛ baa wɔnɔ.”

Bɔfoi 6:2

Kɛkɛ ni kaselɔi nyɔŋma kɛ enyɔ lɛ tsɛ asafo lɛ kɛba, ni amɛkɛɛ, “Esaaa akɛ wɔshiɔ Nyɔŋmɔ wiemɔ lɛ ni wɔyasɔ̃mɔɔ yɛ okpɔlɔi ahe.

Bɔfoi 6:7

Ni Nyɔŋmɔ wiemɔ lɛ shwere, ni kaselɔi lɛ ayi bafa diɛŋtsɛ yɛ Yerusalɛm, ni osɔfoi lɛ tete ateŋ mɛi pii mɔ hemɔkɛyeli lɛ mli.

Bɔfoi 9:29

Ni ekɛ Helenibii lɛ wie ni ekɛ amɛ taa naa; shi amɛka lɛ gbee.

Bɔfoi 9:39

Ni Petro te shi ni ekɛ amɛ tee. Ni be ni eshɛ jɛi lɛ, amɛkɛ lɛ tee ŋwɛitsu lɛ mli, ni yei okulafoi lɛ fɛɛ badamɔdamɔɔ emasɛi amɛmiifofoi, ni amɛkɛ flakai kɛ atadei ni Dorka fee be ni ekɛ amɛ yɔɔ lolo lɛ miitsɔ̃ɔ lɛ.

Bɔfoi 9:41

Ni Petro mɔ enine mli, ni ewo enɔ; ni etsɛ mɛi krɔŋkrɔŋi lɛ kɛ okulafoi lɛ kɛba, ni ekɛ lɛ damɔ amɛhiɛ hiɛkãalɔ.

Romabii 12:7

kɛji sɔ̃ɔmɔ ni lɛ, ehiɛ sɔ̃ɔmɔ lɛ mli; kɛ tsɔɔlɔ ji mɔ lɛ, ehiɛ nitsɔɔmɔ lɛ mli;

1 Korintobii 10:10

Ni nyɛsaa nyɛkawiea huhuuhu tamɔ bɔ ni amɛteŋ mɛi komɛi hu wie huhuuhu ni hiɛkpãtãlɔ lɛ bakpãtã amɛhiɛ lɛ.

2 Korintobii 11:22

Hebribii ji amɛ? Mi hu eko ji mi. Israelbii ni? Mi hu eko ji mi. Abraham shwiei ni? Mi hu eko ji mi.

5 Mose 26:12

“Afi ni ji etɛ̃ lɛ nɔ, ni ji mlijai nyɔŋma mli ekomekome hãmɔ afi lɛ, kɛji okɛ oŋmɔshi nii mlijai nyɔŋma mli ekomekome lɛ ehã Levibii lɛ kɛ gbɔi lɛ kɛ awusãi lɛ kɛ okulafoi lɛ ogbe naa, koni amɛna nii amɛye yɛ nyɛmaji lɛ amli lɛ,

Filipibii 3:5

Gbi ni ji kpaanyɔ lɛ nɔ afo mi ketia, Israel fɔmɔbi kɛ Benyamin akutso lɛ mli nyo ji mi, Hebrinyo krɛdɛɛ mli Hebrinyo, ni yɛ Mla lɛ naa lɛ, Farisifonyo,

1 Timoteo 5:3

Yei okulafoi ni ji okulafoi lɛɛlɛŋ lɛ wo amɛ.

1 Timoteo 5:9

Akaŋɔ yoo okulafo ko awo sɔ̃ɔmɔ nitsumɔ lɛ mli akɛ ja mɔ ni eye afii nyɔŋmai ekpaa ni egbã nuu kome

Hebribii 13:1

Nyɛhãa nyɛmimɛi asuɔmɔ ahĩa shi daa.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.

Yakobo 4:5

Aloo nyɛsusuɔ akɛ yaka ni ŋmalɛ lɛ kɛɔ akɛ, “Hiɛkɔ̃ɔ sɛɛ mumɔ ni hiɔ wɔmli lɛ diɔ lɛ?”

Yakobo 5:9

Nyɛkadɔmɔa ŋtsɔi nyɛwowoa nyɛhe, anyɛmimɛi, koni akakojo nyɛ. Naa, kojolɔ lɛ damɔ shinaa lɛ naa.