Bɔfoi 5:41 - ŊMALƐ KRƆŊKRƆŊ LƐ

⁴¹ Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.

Ṅmãle̱ Kroṅkroṅ Le̱

⁴¹ Ke̱ke̱ ni ame̱dše akuašoṅ le̱ hĩe ame̱te *ke̱ mīše̱, ake̱ egbe̱i le̱ ahewo le̱ abuame mei ní sa ake abo̱ame̱ ahora. *Mat. 5,10-12. 1 Pet. 4,13.

Bɔfoi 5:41 ပူးပေါင်းရင်းမြစ်များ

Yesaia 51:7

“Nyɛ mɛi fɛɛ ni le nɔ ni ji jalɛ, nyɛboa toi, nyɛ maŋbii ni mimla lɛ yɔɔ nyɛtsuiiaŋ, nyɛkashea adesa dɛŋ ahorabɔɔ gbeyei! Asaŋ nyɛtsuii akafãa yɛ limɔ ni aaali nyɛ hewɔ.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 65:14

Naa, mitsuji lɛ aaala kɛ tsuijurɔ, shi nyɛ lɛ nyɛaafo kɛ tsuiŋshãlɛ, ni nyɛaafo yoo kɛ mumɔ ni werɛ eho ehe.

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Yohane 15:21

Shi amɛkɛ enɛɛmɛi fɛɛ aaafee nyɛ yɛ migbɛi lɛ hewɔ; ejaakɛ amɛleee mɔ ni tsu mi lɛ.

Bɔfoi 21:13

Shi ehere nɔ ekɛɛ, “Mɛni nyɛfeɔ nɛɛ, nyɛmiifo ni nyɛkɛmiiwo mi awerɛho? Mi lɛ, jeee fii kɛkɛ misaa mihe mito, shi moŋ gbele diɛŋtsɛ yɛ Nuŋtsɔ Yesu gbɛi lɛ hewɔ yɛ Yerusalɛm.”

Bɔfoi 5:21

Ni be ni amɛnu lɛ, amɛyiŋ leebi maŋkpa amɛtee Sɔlemɔ we lɛ amɛyatsɔ̃ɔ nii. Agbɛnɛ osɔfonukpa lɛ kɛ mɛi ni kɛ lɛ yɔɔ lɛ ba ni amɛbatsɛ akwaashɔŋ lɛ kɛ Israelbii lɛ anukpai lɛ fɛɛ kɛkpe, ni amɛtsu kɛtee tsu lɛ mli koni ayajie bɔfoi lɛ kɛba.

Romabii 5:3

Shi jeee enɛ kɛkɛ, shi moŋ wɔnyaa yɛ amanehului amli hu, ejaakɛ wɔle akɛ amanehulu lɛ tsɛɔ hiɛmiamɔ kɛbaa,

2 Korintobii 12:10

No hewɔ lɛ, yɛ Kristo hewɔ lɛ, mimii shɛɔ yɛ gbedeefeemɔi amli, yɛ hiɛnaanɔniinamɔi amli, yɛ fimɔ̃i amli, yɛ yiwaa mli, yɛ jaramɔ mli; ejaakɛ kɛ mifee gbedee lɛ, no minaa hewalɛ.

Filipibii 1:29

Ejaakɛ nyɛ lɛ aduro nyɛ yɛ Kristo hewɔ, jeee ni nyɛhe enɔ nyɛye kɛkɛ, shi moŋ akɛ nyɛna nɔ hu yɛ ehewɔ.

Hebribii 10:34

ejaakɛ nyɛmusuŋ shã nyɛ yɛ mɛi ni awo amɛ gboklɛi lɛ ahewɔ, ni nyɛnii ni aha lɛ hu nyɛkɛ miishɛɛ kpɛlɛ̃, akɛni nyɛle akɛ nyɛyɛ jwetri ni hi fe no aahu ni hiɔ shi daa lɛ.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Yakobo 1:2

Minyɛmimɛi, kɛji aka nyɛ yɛ nibii srɔtoi pii amli lɛ, nyɛbua lɛ miishɛɛ sɔŋŋ

3 Yohane 1:7

Ejaakɛ Kristo gbɛi lɛ hewɔ amɛtee, ni amɛheee nɔ ko yɛ jeŋmajiaŋbii lɛ adɛŋ.