Bɔfoi 5:4 - ŊMALƐ KRƆŊKRƆŊ LƐ

⁴ Ani be ni eyɔɔ lɛ, jeee bo onɔ ni? Ni be ni ohɔ̃ɔ hu lɛ, shika lɛ jee bo diɛŋtsɛ onɔ ni? Mɛɛba oto nɛkɛ yiŋ? Jeee gbɔmɛi omale otsɔ̃ɔ nɛɛ, shi Nyɔŋmɔ moŋ.”

Ṅmãle̱ Kroṅkroṅ Le̱

⁴ Ani beni eyo̱ le̱, dšee onõ ni? ni beni ohõ hũ le̱, dšee ohewale̱ mli eyo̱! Mẽba odſëṅ ne̱ke̱ noko ye̱ otšui mli? Dšee gbomei omale otšõ ne̱, ši Nyoṅmo̱ moṅ ni.

Bɔfoi 5:4 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

1 Kronika 29:3

Nibii ni misaa mito Shĩa Krɔŋkrɔŋ lɛ mãa nɛɛ fɛɛ sɛɛ lɛ, mikɛ mi diɛŋtsɛ mishika kɛ jwiɛtɛi ni miyɔɔ hu miihã koni akɛfata nibii lɛ ahe, ejaakɛ miNyɔŋmɔ lɛ Sɔlemɔ we lɛ he sane lɛ kã mitsui nɔ.

1 Kronika 29:5

asaŋ koni ana eko ni ŋaalɔi lɛ kɛfee nibii fɛɛ ni esa akɛ akɛ shika kɛ jwiɛtɛi afee lɛ. Agbɛnɛ namɔ yɔɔ biɛ ni yɔɔ he tsui akɛ eeeshã afɔle ehã Yehowa?”

1 Kronika 29:9

Agbɛnɛ maŋ muu lɛ fɛɛ nya yɛ nii ni amɛkɛke yɛ tsuijurɔ naa lɛ hewɔ. Ejaakɛ amɛjɛ amɛtsuiiaŋ amɛkɛ nii ke Yehowa, ni Maŋtsɛ David hu nya naakpa.

Hiob 15:35

Nifɔ̃ji ahe ŋaa amɛtoɔ, ni amɛfeɔ nifɔ̃jianii; ni mɔshishiumɔ eyi amɛtsuiiaŋ tɔ.”

Lalai 139:4

Ejaakɛ wiemɔ ko wiemɔ ko bɛ mililɛi nɔ ni bo Yehowa oleee oto.

Lalai 7:14

Mɛi fɔ̃ji jwɛŋɔ efɔŋ, ni amɛŋɔɔ efɔŋ hɔ, ni amɛfɔɔ amale.

2 Mose 16:8

Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

Jajelɔ 5:5

Faŋ nɔ ni owooo shi kwraa, fe nɔ ni owo shi ni oyeee nɔ.

Yesaia 59:4

Mɛi ni asane ejaaa lɛ moŋ ji mɛi ni samaa mɛi, ni mɔ ni sane bɛŋ moŋ ni kɛ sane yaa kojomɔ sɛi hiɛ; ejaakɛ amɛkɛ amɛhiɛ fɔ̃ɔ amale naajiemɔi anɔ, ni amɛtoɔ abla; amɛtoɔ yiŋ sha, ni no kɛ nɔshafeemɔ baa.

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

4 Mose 16:11

Naa, kpee ni bo kɛ osafo lɛ bakpe nɛɛ lɛ, Yehowa he nyɛkpe nyɛwo lɛ, ni huhuuhu ni nyɛwieɔ nyɛshiɔ Aaron lɛ, Yehowa moŋ nyɛwieɔ nyɛshiɔ lɛ.”

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Bɔfoi 5:9

Kɛkɛ ni Petro kɛɛ lɛ akɛ, “Te fee tɛŋŋ ni nyɛfee naabu kome koni nyɛkɛka Nuŋtsɔ lɛ Mumɔ lɛ nɛɛ? Naa, mɛi ni yafu owu lɛ anaji yɔɔ shinaa lɛ naa lɛ, ni amɛaawo bo hu kɛaatee.”

1 Korintobii 8:8

Shi jeee ŋmaa hãa wɔsaa Nyɔŋmɔ hiɛ; kɛ wɔyeee lɛ ehãaa wɔtɛ nɔ atse, ni asaŋ kɛ wɔye hu ehãaa wɔhi fe nine.

1 Tesalonikabii 4:8

Hewɔ lɛ agbɛnɛ, mɔ ni kwaa tsɔ̃ɔmɔ nɛɛ lɛ, jeee gbɔmɔ ko ekwaa, shi moŋ Nyɔŋmɔ ni kɛ eMumɔ Krɔŋkrɔŋ lɛ hãa nyɛ lɛ.

Filemon 1:14

Shi misumɔ̃ɔɔ akɛ mafee nɔ ko ni okpɛ̃lɛko nɔ, bɔ ni afee ni ejurɔ ni obaafee lɛ okabafee yɛ nɔnyɛɛ naa, shi moŋ efee yɛ tsuijurɔ naa.

Yakobo 1:15

No sɛɛ lɛ, akɔnɔ lɛ, kɛ eŋɔ hɔ lɛ, efɔɔ esha, ni esha lɛ hu, kɛ eda egbe naa lɛ, efɔɔ gbele.

1 Samuel 8:7

ni Yehowa kɛɛ Samuel akɛ, “Nibii fɛɛ ni maŋbii lɛ kɛɔ bo lɛ, feemɔ ohã amɛ; ejaakɛ jeee bo amɛkwa; shi mi moŋ amɛkwa akɛ mikaye amɛnɔ dɔŋŋ lɛ.