Bɔfoi 5:39 - ŊMALƐ KRƆŊKRƆŊ LƐ

³⁹ shi kɛ Nyɔŋmɔ dɛŋ ejɛ lɛ, nyɛnyɛŋ lɛ nyɛfite, koni nyɛkabafee nyɛhe tamɔ mɛi ni kɛ Nyɔŋmɔ wuɔ.”

Ṅmãle̱ Kroṅkroṅ Le̱

³⁹ ši ké̱ Nyoṅmo̱ deṅ edše̱ le̱, nyenyẽṅ nyefite; koni nyekabafe nyehe tamo̱ mei ni ke̱ *Nyoṅmo̱ wuo̱. *9,5.

Bɔfoi 5:39 ပူးပေါင်းရင်းမြစ်များ

1 Mose 24:50

Kɛkɛ ni Laban kɛ Betuel here nɔ, ni amɛkɛɛ lɛ akɛ, “Yehowa ŋɔɔ sane nɛɛ jɛ; no hewɔ lɛ, wɔbɛ nɔ ko ni wɔbaakɛɛ.

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

1 Maŋtsɛmɛi 12:24

Bɔ ni Yehowa kɛɛ nɛ. ‘Nyɛkayaa, ni asaŋ nyɛkɛ nyɛnyɛmimɛi Israelbii lɛ akawua. Nyɛteŋ mɔ fɛɛ mɔ aku esɛɛ eya ewe; ejaakɛ midɛŋ nɛkɛ sane nɛɛ jɛ.’ ” No hewɔ lɛ, Rehoboam kɛ Yudabii kɛ Benyaminbii kɛ maŋbii lɛ bo Yehowa wiemɔ lɛ toi, ni amɛku amɛsɛɛ amɛtee amɛshĩai ekoŋŋ yɛ Yehowa wiemɔ lɛ naa.

2 Maŋtsɛmɛi 19:22

“Namɔ ahora obɔ, ni owie musubɔɔ wiemɔi oshi lɛ lɛ? Namɔ obolɔ owo lɛ; ni namɔ ogbɛ ohiŋmɛiŋ owo lɛ? Israel Mɔ Krɔŋkrɔŋ lɛ ni!

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Abe̱i 21:30

Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

Yesaia 43:13

Yehowa kɛɛ, “Mi ji Nyɔŋmɔ, ni kɛjɛ kɛyaa nɛɛ fɛɛ lɛ mi ni. Mɔ ko bɛ ni aaanyɛ ashɔ̃ mɔ ko yɛ midɛŋ. Kɛji miifee nɔ ko lɛ, namɔ aaanyɛ naa atsi?”

Yesaia 45:9

Kpoo hã mɔ ni kɛ Ebɔlɔ lɛ fuɔ daa! Sũ ni yɔɔ nishɔ̃lɔ dɛŋ ji lɛ. Ani shikpɔŋ sũ biɔ nishɔ̃lɔ akɛ, ‘Mɛni okɛ mi shɔ̃ɔ nɛɛ?’ Aloo, ekɛɔ akɛ, ‘Nɔ ni oshɔ̃ lɛ niji bɛ he?’

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Luka 21:15

ejaakɛ mahã nyɛ naabu kɛ nilee ni nyɛhenyɛlɔi lɛ fɛɛ nyɛŋ naa adamɔ ni amɛnyɛŋ naa amɛku hu.

Bɔfoi 11:17

Agbɛnɛ kɛ Nyɔŋmɔ ehã amɛ nakai nɔkeenɔ lɛ nɔŋŋ ni ehã wɔ ni wɔheɔ Nuŋtsɔ Yesu Kristo lɛ nɔ wɔyeɔ lɛ hu lɛ, namɔ ji mi ni manyɛ Nyɔŋmɔ naa matsi?”

Bɔfoi 23:9

Ni blɔmɔ babaoo bate shi, ni mlatsɔɔlɔi lɛ ni yɔɔ Farisifoi lɛ agbɛfaŋ lɛ te shi ni amɛbe amɛkɛɛ, “Wɔnaaa nɔ ko fɔŋ ko yɛ nɛkɛ gbɔmɔ nɛɛ he; shi kɛji aleenɔ mumɔ ko loo ŋwɛi bɔfo ko kɛ lɛ ewie lɛ, no lɛ (nyɛkahãa wɔkɛ Nyɔŋmɔ miinɔa.)”

Bɔfoi 6:10

shi amɛnyɛɛɛ Stefano nilee kɛ mumɔ ni ekɛwieɔ lɛ naa amɛdamɔ.

Bɔfoi 7:51

“Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

Bɔfoi 9:5

Ni ekɛɛ, “Bo namɔŋ, Nuŋtsɔ?” Shi Nuŋtsɔ lɛ kɛɛ, “Mi Yesu, mɔ ni owaa lɛ yi lɛ. Ewa hã bo akɛ ooofã ntia oshi kooloi akpalamɔtso lɛ naa dade lɛ.”

1 Korintobii 1:25

Ejaakɛ Nyɔŋmɔ kwashiai asane lɛ, nilee yɛ mli fe gbɔmɛi anilee, ni Nyɔŋmɔ gbɔjɔmɔ lɛ he wa fe gbɔmɛi ahewalɛ.

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?