Bɔfoi 5:30 - ŊMALƐ KRƆŊKRƆŊ LƐ

³⁰ Yesu ni nyɛsɛŋ lɛ yɛ tso nɔ ni nyɛgbe lɛ lɛ, wɔtsɛmɛi aNyɔŋmɔ lɛ tee lɛ shi;

Ṅmãle̱ Kroṅkroṅ Le̱

³⁰ Iesu ní nyese̱ṅle̱ ye̱ tšo no̱ ní nyegbele̱ le̱, wo̱tše̱mei a-Nyoṅmo̱ le̱ tēle̱ ši; 3,15.

Bɔfoi 5:30 ပူးပေါင်းရင်းမြစ်များ

1 Kronika 12:17

Ni David je kpo kɛba, ni ekɛɛ amɛ akɛ, “Kɛji hejɔlɛ nyiɛmɔ nyɛnyiɛ kɛba koni nyɛbaye nyɛbua mi lɛ, no lɛ miyɛ he tsui akɛ mi kɛ nyɛ aaafee ekome. Shi kɛji nyɛba koni nyɛbatsɔ̃ɔ mihenyɛlɔi lɛ misɛɛgbɛ lɛ, akɛni miyeko mɔ ko sane fɔŋ ko lɛ, wɔtsɛmɛi aNyɔŋmɔ lɛ aaaye misane lɛ eha mi.”

1 Kronika 29:18

Yehowa, wɔtsɛmɛi Abraham kɛ Isak kɛ Yakob aNyɔŋmɔ, hã su nɛɛ ahi owebii atsuiiaŋ kɛya naanɔ, koni amɛhi shi kɛye bo anɔkwa daa.

Ezra 7:27

Kɛkɛ ni Ezra kɛɛ, “Ajie Yehowa, wɔtsɛmɛi aNyɔŋmɔ lɛ, yi akɛ ekɛ nɛkɛ nɔ ko wo maŋtsɛ lɛ yiŋ akɛ ewula Yehowa we ni yɔɔ Yerusalɛm lɛ.

Luka 1:55

tamɔ bɔ ni ekɛɛ wɔtsɛmɛi lɛ, ni yɔɔ hã Abraham kɛ eshwiei lɛ kɛya naanɔ.”

Luka 1:72

Ni ena wɔtsɛmɛi lɛ amɔbɔ ni ekai ekpãŋmɔ krɔŋkrɔŋ lɛ.

Bɔfoi 10:39

Ni wɔji nibii fɛɛ ni efee yɛ Yudafoi ashikpɔŋ lɛ nɔ kɛ Yerusalɛm lɛ he odasefoi. Amɛsɛŋ lɛ yɛ tso nɔ ni amɛgbe lɛ.

Bɔfoi 13:33

akɛ no nɔŋŋ Nyɔŋmɔ ehã eba mli ehã wɔ ni wɔji amɛbii lɛ, akɛni etee Yesu shi, tamɔ bɔ ni aŋma yɛ lala ni ji enyɔ lɛ mli hu akɛ, ‘Mi-Bi ji bo; ŋmɛnɛ mifɔ bo lɛ.’

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.