Bɔfoi 5:21 - ŊMALƐ KRƆŊKRƆŊ LƐ

²¹ Ni be ni amɛnu lɛ, amɛyiŋ leebi maŋkpa amɛtee Sɔlemɔ we lɛ amɛyatsɔ̃ɔ nii. Agbɛnɛ osɔfonukpa lɛ kɛ mɛi ni kɛ lɛ yɔɔ lɛ ba ni amɛbatsɛ akwaashɔŋ lɛ kɛ Israelbii lɛ anukpai lɛ fɛɛ kɛkpe, ni amɛtsu kɛtee tsu lɛ mli koni ayajie bɔfoi lɛ kɛba.

Ṅmãle̱ Kroṅkroṅ Le̱

²¹ Ni beni amenu le̱, ame̱yiṅ lebi mā̃ṅkpa ame̱te so̱lemo̱we le̱ ame̱yatšõ nii. Agbe̱ne̱ oso̱fonukpa le̱ ke̱ mei ni ke̱le̱ yo̱ le̱ ba ni ame̱batšé̱ akuašoṅ le̱ ke̱ Israelbii le̱ anukpai le̱ fẽ ke̱-kpe, ni ame̱tšū ke̱-te tšũ le̱ṅ koni ayadšieame̱ ke̱-ba.

Bɔfoi 5:21 ပူးပေါင်းရင်းမြစ်များ

Lalai 105:22

koni etsɔ̃ɔ maŋtsɛ lɛ lumɛi lɛ nɔ ni sa akɛ amɛfee, ni etsɔ̃ɔ emaŋ onukpai lɛ hu nilee.

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Luka 22:66

Ni be ni je tsɛre lɛ, maŋ onukpai lɛ kɛ osɔfonukpai lɛ kɛ mlatsɔɔlɔi lɛ anaa bakpe shi, ni amɛkpala lɛ kɛtee amɛkwaashɔŋ lɛ hiɛ,

Yohane 18:35

Pilato here nɔ ni ekɛɛ lɛ akɛ, “Ani Yudafonyo ji mi? Bo diɛŋtsɛ omaŋbii kɛ osɔfonukpai lɛ kɛ bo hã mi. Mɛni ofee?”

Yohane 8:2

Ni leebi maaŋkpa lɛ eba Sɔlemɔ we lɛ ekoŋŋ, ni maŋ lɛ fɛɛ ba eŋɔɔ, ni eho eta shi etsɔ̃ɔ amɛ nii.

Bɔfoi 22:15

ejaakɛ obaatsɔ ehe odasefonyo koni oye nii fiaa ni ona ni onu lɛ ahe odase otsɔ̃ɔ gbɔmɛi fɛɛ.

Bɔfoi 22:5

bɔ ni osɔfonukpa lɛ tete kɛ onukpai lɛ fɛɛ aaanyɛ aye mi odase. Amɛdɛŋ miŋɔ woji kɛjɛ ni kulɛ mikɛyaahã nyɛmimɛi ni yɔɔ Damasko lɛ, ni miyafimɔ mɛi ni yɔɔ jɛi lɛ hu kɛba Yerusalɛm koni agbala amɛ toi.

Bɔfoi 5:17

Kɛkɛ ni osɔfonukpa lɛ te shi kɛ mɛi fɛɛ ni kɛ lɛ yɔɔ ni ji Sadukifoi lɛ akuu lɛ, ni amɛhiɛ edɔ diɛŋtsɛ,

Bɔfoi 5:27

Ni be ni amɛkɛ amɛ ba lɛ, amɛkɛ amɛ badamɔ akwaashɔŋ lɛ hiɛ; ni osɔfonukpa lɛ bi amɛ

Bɔfoi 5:34

Shi Farisifonyo ko ni atsɛɔ lɛ Gamaliel, mlatsɔɔlɔ ni maŋ lɛ fɛɛ buɔ lɛ lɛ, te shi damɔ shi yɛ akwaashɔŋ lɛ teŋ, ni efã akɛ akɛ bɔfoi lɛ aje kpo fioo,

Bɔfoi 5:41

Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.