Bɔfoi 5:16 - ŊMALƐ KRƆŊKRƆŊ LƐ

¹⁶ Ni mɛi pii jɛ maji ni jwere Yerusalɛm hewɔ lɛ amli babua amɛhe naa, ni amɛhiɛ helatsɛmɛi kɛ mɛi ni mumɔi fɔ̃ji haoɔ amɛ kɛba, ni atsa amɛ fɛɛ.

Ṅmãle̱ Kroṅkroṅ Le̱

¹⁶ Ni mei pī dše̱ mãdši ní dſere Ierusalem hewo̱ le̱ amli babua ame̱he nā, ni ame̱hĩe helatše̱mei ke̱ mei ní mumo̱i fõdši haoo̱ame̱ ke̱-ba, ni atšáame̱ fẽ.

Bɔfoi 5:16 ပူးပေါင်းရင်းမြစ်များ

Mateo 2:16

Agbɛnɛ be ni Herode na akɛ nilelɔi lɛ yeee lɛ anɔkwa lɛ, emli fu waa, ni etsu ayagbe gbekɛbii hii fɛɛ ni yɔɔ Betlehem kɛ jɛi niiaŋ fɛɛ, mɛi ni eye afii enyɔ kɛ mɛi ni yeko nakai lɛ, kɛji abu kɛjɛ be ni ebi nilelɔi lɛ sane lɛ fitsofitso lɛ.

Mateo 4:24

Ni ehe sane gbɛ shwã Siria fɛɛ, ni akɛ mɛi fɛɛ ni bɛ hewalɛ ni helai kɛ piŋmɔi srɔtoi hiɛ amɛ kɛ mɛi ni mumɔi fɔ̃ji yɔɔ amɛmli kɛ mɛi ni yeɔ gbligbli kɛ mɛi ni yeɔ kuumɔhela ba eŋɔɔ, ni etsa amɛ.

Mateo 8:16

Shi be ni shɛ gbɛkɛnaashi lɛ, akɛ mɛi pii ni mumɔi fɔ̃ji yɔɔ amɛmli ba eŋɔɔ. Ni ekɛ ewiemɔ fãmɔ mumɔi lɛ, ni etsa mɛi ni he yeɔ fɛɛ.

Luka 5:17

Agbɛnɛ gbi lɛ eko be ni etsɔ̃ɔ nii lɛ, Farisifoi kɛ mlatsɔɔlɔi ni jɛ Galilea kɛ Yudea maji lɛ fɛɛ nɔ kɛ Yerusalɛm ba lɛ tara jɛi; ni ajie Nuŋtsɔ lɛ hewalɛ ni ekɛtsáa mɔ lɛ kpo yɛ jɛi.

Luka 6:18

kɛ mɛi ni mumɔi fɔ̃ji haoɔ amɛ lɛ, ni etsa amɛ.

Luka 9:11

Be ni asafoi lɛ na lɛ lɛ, amɛtiu lɛ, ni ehere amɛ atuu ni ejaje Nyɔŋmɔ Maŋtsɛyeli lɛ he sane etsɔ̃ɔ amɛ, ni etsa mɛi ni tsamɔ he ehia amɛ lɛ.

Yohane 14:12

Anɔkwale mikɛɔ nyɛ akɛ, mɔ ni heɔ minɔ eyeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete, ejaakɛ miiya Tsɛ lɛ ŋɔɔ.

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Bɔfoi 5:15

aahu po ni aholeɔ helatsɛmɛi kɛbaa blohui amli abashwieɔ sai kɛ saatsei anɔ, koni kɛ Petro miiho lɛ, ehɔɔŋ kɛkɛ atsɔ̃ amɛteŋ mɛi komɛi anɔ.

Bɔfoi 5:17

Kɛkɛ ni osɔfonukpa lɛ te shi kɛ mɛi fɛɛ ni kɛ lɛ yɔɔ ni ji Sadukifoi lɛ akuu lɛ, ni amɛhiɛ edɔ diɛŋtsɛ,

1 Korintobii 12:9

Mɔ ko lɛ, ahã lɛ hemɔkɛyeli yɛ nakai Mumɔ lɛ nɔŋŋ naa; ni mɔ kroko hu ahã lɛ tsamɔ dromɔ keenii yɛ nakai Mumɔ lɛ nɔŋŋ mli.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.