Bɔfoi 5:13 - ŊMALƐ KRƆŊKRƆŊ LƐ

¹³ Shi mɛi ni eshwɛ lɛ ateŋ mɔ ko mɔ ko ekaaa akɛ ekɛ yiŋ flɛflɛ aaayakpɛtɛ amɛhe, shi maŋ lɛ buɔ amɛ naakpa.

Ṅmãle̱ Kroṅkroṅ Le̱

¹³ Ši mei ní eſe̱ le̱ ateṅ mokomoko ekaa ake̱ eke̱ yiṅ fle̱fle̱ aayakpe̱te̱ ame̱he, ši maṅ le̱ buo̱ame̱ naakpa.

Bɔfoi 5:13 ပူးပေါင်းရင်းမြစ်များ

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Luka 19:48

shi amɛnaaa bɔ ni amɛaafee, ejaakɛ maŋ muu lɛ fɛɛ kpɛtɛ lɛ ni amɛboɔ lɛ toi.

Yohane 12:42

Kɛ̃lɛ onukpai lɛ tete ateŋ mɛi pii he enɔ ye; shi Farisifoi lɛ ahewɔ lɛ amɛjajeee faŋŋ, koni akashwie amɛ kɛjɛ kpeehe lɛ;

Yohane 19:38

Nii nɛɛ asɛɛ lɛ, Yosef ni jɛ Arimatia ni ji Yesu kaselɔ shi Yudafoi lɛ ashemɔ hewɔ lɛ ejieee ehe shi lɛ, yabi Pilato koni ehã eyajie Yesu gbonyo lɛ; ni Pilato ŋmɛ lɛ gbɛ. No hewɔ lɛ, etee ni eyajie Yesu gbonyo lɛ kɛtee.

Yohane 9:22

Efɔlɔi lɛ kɛɛ enɛ, ejaakɛ amɛmiishe Yudafoi lɛ agbeyei; shi Yudafoi lɛ ekpãŋ eto akɛ, kɛji mɔ ko gba mli kpoo kɛɛ Yesu ji Kristo lɛ, abaashwie mɔ lɛ kɛjɛ kpeehe lɛ.

Bɔfoi 19:17

Ni be ni Yudafoi kɛ Helabii fɛɛ ni yɔɔ Efeso lɛ nu enɛ lɛ, gbeyei mɔmɔ amɛ fɛɛ, ni awo Nuŋtsɔ Yesu gbɛi lɛ hiɛ nyam naakpa.

Bɔfoi 2:47

ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Bɔfoi 4:21

Shi be ni gwabɔɔ lɛ saa wo amɛhe gbeyei lɛ, amɛŋmɛɛ amɛhe, ejaakɛ amɛnaaa bɔ ni amɛaafee ni amɛpiŋ amɛ yɛ maŋ lɛ hewɔ, ejaakɛ mɛi fɛɛ miiwo Nyɔŋmɔ hiɛ nyam yɛ nɔ ni afee lɛ hewɔ;

Bɔfoi 5:26

Kɛkɛ ni asafoiatsɛ lɛ kɛ tsuji lɛ yiŋ ni amɛyaŋɔ amɛ kɛba, jeee nɔnyɛɛ naa, ejaakɛ amɛmiishe maŋ lɛ gbeyei, ni akabatswia amɛ tɛi.

Bɔfoi 5:5

Ni be ni Anania nu nɛkɛ wiemɔi nɛɛ, egbee shi, ni egbo. Ni gbeyei kpele mɔmɔ mɛi fɛɛ ni nu lɛ.

2 Korintobii 10:15

wɔshwãaa fe nine yɛ mɛi krokomɛi anitsumɔi ahewɔ; shi wɔhiɛ kã nɔ akɛ kɛ nyɛhemɔkɛyeli lɛ shwere lɛ, wɔnitsɔ̃ɔmɔ lɛ mli baagbele kɛtɛke nɔ yɛ nyɛteŋ yɛ wɔsusumɔ kpãa lɛ naa,