Bɔfoi 5:11 - ŊMALƐ KRƆŊKRƆŊ LƐ

¹¹ Ni gbeyei kpeteŋkple mɔ asafo muu lɛ fɛɛ kɛ mɛi fɛɛ ni nu nii nɛɛ.

Ṅmãle̱ Kroṅkroṅ Le̱

¹¹ Ni gbeyei kpeteṅkple mõ asafo mū le̱ fẽ ke̱ mei fè ni nu nii ne̱.

Bɔfoi 5:11 ပူးပေါင်းရင်းမြစ်များ

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Bɔfoi 19:17

Ni be ni Yudafoi kɛ Helabii fɛɛ ni yɔɔ Efeso lɛ nu enɛ lɛ, gbeyei mɔmɔ amɛ fɛɛ, ni awo Nuŋtsɔ Yesu gbɛi lɛ hiɛ nyam naakpa.

Bɔfoi 2:43

Ni gbeyei mɔ mɔ fɛɛ mɔ, ni atsɔ̃ bɔfoi lɛ anɔ afee naakpɛɛnii kɛ okadii pii.

Bɔfoi 5:5

Ni be ni Anania nu nɛkɛ wiemɔi nɛɛ, egbee shi, ni egbo. Ni gbeyei kpele mɔmɔ mɛi fɛɛ ni nu lɛ.

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Hebribii 4:1

No hewɔ lɛ, ni ashi ehejɔɔmɔ lɛ mlibotemɔ he shiwoo ahã wɔ nɛɛ, nyɛhãa wɔkwɛa jogbaŋŋ koni ekaba akɛ eŋmɛɛ nyɛteŋ mɔ ko.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”