Bɔfoi 4:32 - ŊMALƐ KRƆŊKRƆŊ LƐ

³² Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

Ṅmãle̱ Kroṅkroṅ Le̱

³² Ši mei babaō le̱ ní heo̱ yeo̱ le̱ fẽ hĩe tšui kome ke̱ susuma kome, ní ame̱teṅ mokomoko tšé̱é̱ enii ni eyo̱ le̱ amli eko ake̱ le̱dientše̱ enõ, ši moṅ ame̱ṅõ fẽ amefe ekome. 2.44.

Bɔfoi 4:32 ပူးပေါင်းရင်းမြစ်များ

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

Yeremia 32:39

Mahã amɛna jwɛŋmɔ koome kɛ jeŋba koome, bɔ ni afee ni amɛshe mi gbeyei kɛya naanɔ, bɔ ni afee ni ahi ahã amɛ kɛ amɛbii ni baa yɛ amɛsɛɛ lɛ.

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Bɔfoi 1:14

Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.

Bɔfoi 2:1

Be ni Pentekoste gbi (loo gbi ni ji nyɔŋmai enumɔ) lɛ shɛ lɛ, amɛ fɛɛ amɛnaa bakpe shi yɛ he kome.

Bɔfoi 5:12

Shi atsɔ̃ bɔfoi lɛ anine nɔ afee okadii kɛ naakpɛɛnii pii yɛ maŋ lɛ mli; ni amɛ fɛɛ amɛkɛ jwɛŋmɔ kome hi Solomon Ablanaa lɛ nɔ.

Romabii 12:5

nakai nɔŋŋ wɔyi pii nɛɛ gbɔmɔtso kome ji wɔ yɛ Kristo mli, ni wɔteŋ mɔ fɛɛ mɔ lɛ enaanyohenɔ ji lɛ,

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

2 Korintobii 13:11

Naagbee lɛ, anyɛmimɛi, nyɛmii ashɛa, nyɛyea emuu, nyɛshɛjea nyɛhe mii, nyɛjwɛŋmɔ afea ekome, nyɛhĩa shi yɛ hejɔlɛ mli, ni suɔmɔ kɛ hejɔlɛ Nyɔŋmɔ lɛ kɛ nyɛ aaahi shi.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!