Bɔfoi 4:30 - ŊMALƐ KRƆŊKRƆŊ LƐ

³⁰ ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Ṅmãle̱ Kroṅkroṅ Le̱

³⁰ ní okpã onine mli ni ohă atšátšā mei, ní atšṍ otšũlo̱ kroṅkroṅ Iesu le̱ gbe̱i ano̱ afe okadii ke̱ nākpe̱nii.

Bɔfoi 4:30 ပူးပေါင်းရင်းမြစ်များ

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Yeremia 15:15

Kɛkɛ ni mikɛɛ akɛ, “Ao! Yehowa, ole misane lɛ fɛɛ. Kaimɔ mi koni obaye obua mi, ni otɔ mihe owele yɛ mɛi ni waa mi yi lɛ anɔ. Kaaŋmɛ otsui shi ohã amɛ, ni no hã amɛnine shɛ minɔ. Kaimɔ akɛ bo ohewɔ abɔɔ mi ahora nɛɛ.

Yohane 4:48

Kɛkɛ ni Yesu kɛɛ lɛ akɛ, “Kɛ nyɛnaaa okadii kɛ naakpɛɛnii lɛ, nyɛheee nyɛyeee.”

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Bɔfoi 2:43

Ni gbeyei mɔ mɔ fɛɛ mɔ, ni atsɔ̃ bɔfoi lɛ anɔ afee naakpɛɛnii kɛ okadii pii.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Bɔfoi 3:16

Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Bɔfoi 3:6

Shi Petro kɛɛ, “Jwiɛtɛi kɛ shika lɛ mibɛ eko; shi nɔ ni miyɔɔ lɛ, no mikɛhãa bo nɛɛ, Yɛ Yesu Kristo, Nazarenyo lɛ, gbɛi mli lɛ, tee shi ni onyiɛ.”

Bɔfoi 4:10

no lɛ nyɛ fɛɛ kɛ Israel maŋ muu lɛ fɛɛ ana ale akɛ, Yesu Kristo, Nazarenyo lɛ, ni nyɛsɛŋ ni Nyɔŋmɔ tee lɛ shi kɛjɛ gbohii ateŋ lɛ, lɛ egbɛi mli nuu nɛɛ damɔ nyɛhiɛ ni ehe ewa lɛ nɛɛ.

Bɔfoi 4:27

“Lɛɛlɛŋ, Herode kɛ Pontio Pilato kɛ jeŋmaji lɛ kɛ Israel maji lɛ hu ebabua amɛhe naa yɛ maŋ nɛɛŋ amɛwo otsulɔ Krɔŋkrɔŋ Yesu, mɔ ni ofɔ lɛ mu lɛ,

Bɔfoi 5:12

Shi atsɔ̃ bɔfoi lɛ anine nɔ afee okadii kɛ naakpɛɛnii pii yɛ maŋ lɛ mli; ni amɛ fɛɛ amɛkɛ jwɛŋmɔ kome hi Solomon Ablanaa lɛ nɔ.

Bɔfoi 6:8

Ni Stefano, mɔ ni dromɔ kɛ hewalɛ eyi lɛ obɔ̃ lɛ, fee naakpɛɛnii kɛ okadii wuji yɛ maŋ lɛ mli.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?