Bɔfoi 4:29 - ŊMALƐ KRƆŊKRƆŊ LƐ

²⁹ Ni agbɛnɛ hu, Nuŋtsɔ, kwɛmɔ amɛmɔhegbeyei ni amɛwoɔ lɛ, ni ohã otsuji lɛ kɛ ekãa pii ajaje owiemɔ lɛ,

Ṅmãle̱ Kroṅkroṅ Le̱

²⁹ Ni agbene hũ, Nuṅtšo̱, kwe̱mo̱ ame̱he gbeyei ní ame̱woo̱ le̱, ni ohã otšũdši le̱ ke̱ ekã pī adšadše owiemo̱ le̱, Ef. 6,19.

Bɔfoi 4:29 ပူးပေါင်းရင်းမြစ်များ

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Yesaia 63:15

Yehowa, maa oyi shi kɛjɛ ŋwɛi koni ojɛ ohe krɔŋkrɔŋ kɛ onunyam shihilɛhe lɛ okwɛ! Nɛgbɛ ohiɛdɔɔ kɛ ohewalɛ nitsumɔi lɛ yɔɔ? Otsuiŋshãlɛ kɛ omusuŋtsɔlɛ babaoo lɛ eŋmɛɛ wɔ.

Yāfó 3:50

kɛyashi beyinɔ ni Yehowa aaajɛ ŋwɛi ema ehiɛ shi ekwɛ wɔ.

Yāfó 5:1

Ao! Yehowa, kaimɔ nɔ ni eba wɔnɔ lɛ; kwɛmɔ bɔ ni wɔhiɛ eshwie shi!

Ezekiel 2:6

‘Ni bo, gbɔmɔ adesa, kaashe amɛ gbeyei, ni kaashe amɛwiemɔi lɛ hu gbeyei. Eyɛ mli akɛ oyɛ ŋmei kɛ kpitikpitii ateŋ, ni ota nyɔŋmɔŋkrakroi anɔ moŋ nɛ, shi kɛ̃lɛ, kaashe amɛdaaŋ wiemɔi gbeyei ni kaahã hiŋmɛi ni amɛkɛbaakwɛ bo lɛ miihao bo; ejaakɛ atuatselɔi amaŋ ni.

Daniel 9:18

Ao! MiNyɔŋmɔ, ofainɛ ni obo mi toi; wo ohiɛ nɔ koni okwɛ wɔmaŋfɔ̃i lɛ kɛ maŋ ni akɛ ogbɛi ewo lɛ lɛ. Ejaakɛ wɔbaaa ohiɛ kɛ wɔfaikpamɔ yɛ wɔjalɛ naa; shi moŋ wɔmiikpa bo fai yɛ omusuŋtsɔlɛ kpeteŋkple lɛ hewɔ.

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 14:3

No hewɔ lɛ, bɔfoi lɛ tsɛ yɛ jɛi ni amɛkɛ ekãa wie Nuŋtsɔ lɛ he, ni lɛ hu ehã atsɔ̃ amɛnine nɔ afee okadii kɛ naakpɛɛnii pii ekɛye edromɔ wiemɔ lɛ he odase.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 26:26

ejaakɛ maŋtsɛ lɛ ni miwieɔ kɛ ekãa mitsɔ̃ɔ lɛ nɛɛ lɛ le saji nɛɛ amli; ni mikpaaa shi akɛ nibii nɛɛ eko yɛ ni akɛtee lɛ; ejaakɛ jeee teemɔ he ko afee enɛ yɛ.

Bɔfoi 28:31

ni eshiɛɔ Nyɔŋmɔ Maŋtsɛyeli lɛ he sane lɛ, ni ekɛ ekãa fɛɛ jajeɔ Nuŋtsɔ Yesu Kristo he saji lɛ etsɔ̃ɔ amɛ, ni mɔ ko mɔ ko etsiii lɛ gbɛ.

Bɔfoi 4:13

Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Bɔfoi 4:21

Shi be ni gwabɔɔ lɛ saa wo amɛhe gbeyei lɛ, amɛŋmɛɛ amɛhe, ejaakɛ amɛnaaa bɔ ni amɛaafee ni amɛpiŋ amɛ yɛ maŋ lɛ hewɔ, ejaakɛ mɛi fɛɛ miiwo Nyɔŋmɔ hiɛ nyam yɛ nɔ ni afee lɛ hewɔ;

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Bɔfoi 9:27

Shi Barnaba ŋɔ lɛ kɛtee bɔfoi lɛ aŋɔɔ, ni eyagba amɛ bɔ ni ena Nuŋtsɔ lɛ yɛ gbɛ lɛ nɔ ni ekɛ lɛ wie, kɛ bɔ ni efee ekãa yɛ Yesu gbɛi lɛ mli yɛ Damasko.

Bɔfoi 9:28

Ni ekɛ amɛ yaa baa yɛ Yerusalɛm, ni eshiɛ kɛ ekãa yɛ Nuŋtsɔ lɛ gbɛi lɛ mli.

1 Korintobii 14:13

No hewɔ lɛ, mɔ ni wieɔ wiemɔ srɔto ko lɛ, esɔle koni enyɛ etsɔ̃ɔ shishi hu.

2 Korintobii 3:12

Agbɛnɛ akɛni wɔyɔɔ nɛkɛ hiɛnɔkãmɔ nɛɛ hewɔ lɛ, wɔfeɔ ekãa babaoo,

Filipibii 1:14

Ni nyɛmimɛi ni yɔɔ Nuŋtsɔ lɛ mli lɛ ateŋ mɛi babaoo etsɔ̃ migboklɛi lɛ anɔ ena hewalɛ ni amɛkɛ ekãa babaoo fe tsutsu lɛ miijaje Nyɔŋmɔ wiemɔ lɛ ni amɛsheee gbeyei.

1 Tesalonikabii 2:2

Wɔna nɔ momo, ni afee wɔ niseniianii hu yɛ Filipi, tamɔ bɔ ni nyɛle lɛ, kɛ̃lɛ wɔna ekãa yɛ wɔNyɔŋmɔ lɛ mli ni wɔkɛjaje Nyɔŋmɔ Sanekpakpa lɛ wɔtsɔ̃ɔ nyɛ, tsɛbelɛ ate shi ashi wɔ babaoo.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.