Bɔfoi 4:21 - ŊMALƐ KRƆŊKRƆŊ LƐ

²¹ Shi be ni gwabɔɔ lɛ saa wo amɛhe gbeyei lɛ, amɛŋmɛɛ amɛhe, ejaakɛ amɛnaaa bɔ ni amɛaafee ni amɛpiŋ amɛ yɛ maŋ lɛ hewɔ, ejaakɛ mɛi fɛɛ miiwo Nyɔŋmɔ hiɛ nyam yɛ nɔ ni afee lɛ hewɔ;

Ṅmãle̱ Kroṅkroṅ Le̱

²¹ Ši ame̱ le̱, beni ame̱sā ame̱wo ame̱he gbeyei le̱, ame̱ṅmē̃ ame̱he, edšake̱ ame̱naa bo̱ni ame̱afe ní ame̱apĩame̱ ye̱ maṅ le̱ hewo̱, edšake̱ mei fẽ mīwo Nyoṅmo̱ hĩe nyam ye̱ noni afe le̱ hewo̱;

Bɔfoi 4:21 ပူးပေါင်းရင်းမြစ်များ

Mateo 15:31

Ni asafoi lɛ anaa kpɛ amɛhe, be ni amɛna akɛ mumuii miiwie, ni obubuafoi ahe ewa amɛ, ni akpaketsɛmɛi miinyiɛ, ni shwilafoi miina nii lɛ; ni amɛwo Israel Nyɔŋmɔ lɛ hiɛ nyam.

Mateo 21:46

Ni kulɛ amɛmiitao akɛ amɛmɔɔ lɛ, shi amɛyashe asafoi lɛ agbeyei, ejaakɛ asafoi lɛ buɔ lɛ gbalɔ.

Mateo 26:5

shi amɛkɛɛ, “Jeee gbijurɔ lɛ nɔ, koni maŋ lɛ mli akabafee hirihiri.”

Mateo 9:33

Ni be ni efã mumɔ fɔŋ lɛ, mumui lɛ wie. Ni asafoi lɛ anaa kpɛ amɛhe amɛkɛɛ, “Anako nɛkɛ nɔ ko pɛŋ yɛ Israel!”

Mateo 9:8

Shi be ni asafo lɛ na lɛ, amɛnaa kpɛ amɛhe, ni amɛwo Nyɔŋmɔ hiɛ nyam akɛ ekɛ nɛkɛ hegbɛ ehã gbɔmɛi.

Luka 13:17

Ni be ni ewie nɛkɛ lɛ, ehenyɛlɔi lɛ fɛɛ ahiɛ gboi, ni asafo lɛ fɛɛ na miishɛɛ yɛ anunyam nibii ni efee lɛ fɛɛ hewɔ.

Luka 20:19

Ni osɔfonukpai lɛ kɛ mlatsɔɔlɔi lɛ miitao lɛ amɔ yɛ nakai ŋmɛlɛtswaa lɛ nɔ nɔŋŋ, ejaakɛ amɛyoo akɛ amɛhewɔ ebu nɛkɛ abɛ nɛɛ; shi amɛmiishe maŋ lɛ gbeyei.

Luka 20:6

Ni asaŋ kɛji wɔkɛɛ akɛ ejɛ gbɔmɛi adɛŋ lɛ, maŋ lɛ fɛɛ aaatswia wɔ tɛi; ejaakɛ amɛyɛ nɔmimaa akɛ; Yohane lɛ, gbalɔ ji lɛ.”

Luka 22:2

Ni osɔfonukpai lɛ kɛ mlatsɔɔlɔi lɛ tao bɔ ni amɛaafee ni amɛgbe lɛ; shi amɛmiishe maŋ lɛ gbeyei.

Luka 5:26

Ni amɛ fɛɛ amɛnaa kpɛ amɛhe, ni amɛwo Nyɔŋmɔ hiɛ nyam, ni amɛshe gbeyei naakpa ni amɛkɛɛ, “Wɔna naakpɛɛnii ŋmɛnɛ!”

Bɔfoi 4:17

Shi kɛ̃lɛ bɔ ni afee ni ekahehee tuutu ko dɔŋŋ yɛ mɛi lɛ ateŋ hewɔ lɛ, nyɛhãa wɔwoa amɛhe gbeyei, koni amɛkawie yɛ nɛkɛ gbɛi nɛɛ mli amɛmiitsɔ̃ɔ mɔ ko mɔ ko dɔŋŋ.”

Bɔfoi 4:22

ejaakɛ gbɔmɔ ni atsa lɛ naakpɛɛ tsamɔ nɛɛ eye fe afii nyɔŋmai ejwɛ.

Bɔfoi 5:13

Shi mɛi ni eshwɛ lɛ ateŋ mɔ ko mɔ ko ekaaa akɛ ekɛ yiŋ flɛflɛ aaayakpɛtɛ amɛhe, shi maŋ lɛ buɔ amɛ naakpa.

Bɔfoi 5:26

Kɛkɛ ni asafoiatsɛ lɛ kɛ tsuji lɛ yiŋ ni amɛyaŋɔ amɛ kɛba, jeee nɔnyɛɛ naa, ejaakɛ amɛmiishe maŋ lɛ gbeyei, ni akabatswia amɛ tɛi.

Bɔfoi 5:40

Ni amɛbo lɛ toi, ni amɛtsɛ bɔfoi lɛ kɛba, ni amɛyi amɛ, ni amɛwo amɛ kitã akɛ amɛkawie yɛ Yesu gbɛi lɛ mli; ni amɛŋmɛɛ amɛhe.