Bɔfoi 4:20 - ŊMALƐ KRƆŊKRƆŊ LƐ

²⁰ Ejaakɛ wɔ lɛ wɔnyɛŋ akɛ ja wɔwie nii ni wɔna kɛ nii ni wɔnu lɛ.”

Ṅmãle̱ Kroṅkroṅ Le̱

²⁰ Edšake̱ wo̱ le̱ wo̱nyẽṅ ake̱ dša wo̱wie nii ní wo̱na ke̱ nii ní wonu le̱.

Bɔfoi 4:20 ပူးပေါင်းရင်းမြစ်များ

2 Samuel 23:2

Yehowa mumɔ lɛ tsɔɔ minɔ ewieɔ; ewiemɔ kã mililɛi nɔ.

Yeremia 1:7

Shi Yehowa kɛɛ mi akɛ, “Kaakɛɛ akɛ, ‘Gbekɛ kɛkɛ ji mi’, shi mɔ fɛɛ mɔ ŋɔɔ ni mibatsu bo lɛ, yaa, ni nɔ fɛɛ nɔ ni mafã bo akɛ owie lɛ, no ji nɔ ni owie.

Yeremia 20:9

Kɛji mikɛɛ akɛ, “Mitsiŋ Yehowa tã, ni miwieŋ yɛ egbɛi mli dɔŋŋ lɛ,” minuɔ he yɛ mitsuiŋ akɛ nɔ ko miitso tamɔ la ni atsi naa awo miwui amli. La nɛɛ naatsii etɔ mi, ni minyɛɛɛ dɔŋŋ.

Yeremia 4:19

Miigbo! Miigbo! Miigbo kɛ ŋkɔmɔ! Ao! Mitsui miiwa mihe, mitsui miitswa kplakpla! Minyɛɛɛ dioo mafee, ejaakɛ miinu tɛtɛrɛmantɛrɛ gbɛɛmɔ kɛ ta oshebɔɔ.

Yeremia 6:11

Hewɔ lɛ mi hu mimli ewo la naakpa tamɔ Yehowa nɔŋŋ; ni mlila lɛ naatsii etɔ mi.” Kɛkɛ ni Yehowa kɛɛ akɛ, “Fɔsemɔ mimlila lɛ oshwie gbekɛbii ni yɔɔ blohuiaŋ kɛ oblahii akui lɛ hu fɛɛ anɔ. Abaamɔmɔ nuu kɛ eŋa fɛɛ kɛya, ni hiimeji kɛ mɛi ni egbɔlɔ kotokoto hu abaamɔmɔ amɛ.

Ezekiel 3:11

Agbɛnɛ yi mli ni oya omaŋbii ni yɔɔ nomŋɔɔ mli lɛ aŋɔɔ, ni oyakɛɛ amɛ akɛ, ‘Nɔ ni Nuŋtsɔ Yehowa kɛɛ nɛ. Amɛbo bo toi jio, amɛbooo bo toi jio bo lɛ okɛɛ amɛ.’ ”

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

4 Mose 22:38

Balaam kɛɛ Balak akɛ, “Naa mi; miba. Shi moŋ, mɛɛ hewalɛ miyɔɔ? Wiemɔ ni Nyɔŋmɔ kɛbaawo minaa lɛ, no nɔŋŋ mawie.”

4 Mose 23:20

Naa, jɔɔmɔ efã mi akɛ mijɔɔ; Ena ejɔɔ amɛ momo, ni minyɛŋ hiɛ matsake

Luka 1:2

tamɔ bɔ ni mɛi ni na kɛ amɛhiŋmɛii kɛjɛ shishijee mli ni amɛ ji wiemɔ lɛ he sɔ̃ɔlɔi lɛ jaje tsɔ̃ɔ wɔ lɛ hewɔ lɛ,

Bɔfoi 1:22

kɛjɛ Yohane baptisimɔ lɛ nɔ kɛyashi gbi nɔ ni aŋɔ lɛ kɛje wɔŋɔɔ kɛtee ŋwɛi lɛ ateŋ mɔ kome atsɔ eshitee lɛ he odasefonyo afata wɔhe.”

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 18:5

Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Bɔfoi 2:4

ni Mumɔ Krɔŋkrɔŋ bayimɔ amɛ fɛɛ obɔ̃bɔ̃, ni amɛbɔ̃i wiemɔi krokomɛi awiemɔ tamɔ bɔ ni Mumɔ lɛ kɛwo amɛnaa lɛ.

Bɔfoi 22:15

ejaakɛ obaatsɔ ehe odasefonyo koni oye nii fiaa ni ona ni onu lɛ ahe odase otsɔ̃ɔ gbɔmɛi fɛɛ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

Bɔfoi 5:32

Ni wɔji saji nɛɛ ahe odasefoi, nakai nɔŋŋ ji Mumɔ Krɔŋkrɔŋ lɛ hu ni Nyɔŋmɔ kɛhã mɛi ni boɔ lɛ toi lɛ.”