Bɔfoi 4:19 - ŊMALƐ KRƆŊKRƆŊ LƐ

¹⁹ Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

Ṅmãle̱ Kroṅkroṅ Le̱

¹⁹ Ši Petro ke̱ Iohane here no̱ ni ame̱kē̱ame̱ ake̱: Ké̱ edša gbe ye̱ Nyoṅmo̱ hĩe ake̱ *abo nye moṅ toi fè Nyoṅmo̱ le̱, nyekodšoa.

Bɔfoi 4:19 ပူးပေါင်းရင်းမြစ်များ

1 Maŋtsɛmɛi 12:30

Kɛkɛ ni enɛ tsɔ̃ esha ehã maŋ lɛ, ejaakɛ amɛyajaa amãgã ni akɛmã Betel lɛ kɛ nɔ ni akɛma Dan tɔ̃ɔ lɛ hu.

1 Maŋtsɛmɛi 13:19

No hewɔ lɛ, gbalɔ lɛ ni jɛ Yuda lɛ kɛ gbalɔ nuumo lɛ tee ni eyaye nii yɛ ewe lɛ, ni enu nii.

1 Maŋtsɛmɛi 14:16

Yehowa baakwa Israel yɛ eshai ni Yeroboam fee lɛ hewɔ, yɛ eshai ni ekɛhã Israel fɛɛ fee lɛ hewɔ.”

1 Maŋtsɛmɛi 21:11

Yezreel maŋ lɛ mli onukpai lɛ kɛ abladei lɛ ye wiemɔ ni yɔɔ wolo ni Yezebel kɛmaje amɛ lɛ mli lɛ nɔ pɛpɛɛpɛ.

1 Maŋtsɛmɛi 22:14

Shi Mikaia to he akɛ, “Gbii abɔ ni Yehowa hiɛkãalɔ lɛ yɔɔ nɛɛ lɛ, nɔ ni Yehowa aaakɛɛ mi lɛ, no mawie.”

2 Maŋtsɛmɛi 16:15

Kɛkɛ ni Maŋtsɛ Ahaz fã Osɔfo Uria akɛ, “Mifɔleshãa latɛ wulu nɛɛ nɔ oshã afɔlei nɛɛ fɛɛ yɛ: leebi shãa afɔle lɛ kɛ gbɛkɛ niyenii afɔle lɛ, kɛ maŋtsɛ lɛ diɛŋtsɛ shãa afɔle kɛ eniyenii afɔle lɛ, kɛ maŋbii fɛɛ ni yɔɔ shikpɔŋ lɛ nɔ shãa afɔlei lɛ, kɛ amɛniyenii afɔlei lɛ kɛ amɛdãa afɔlei lɛ. Oŋɔ shãa afɔlei alá lɛ kɛ afɔlei krokomɛi lɛ alá lɛ fɛɛ oshwã nɔ. Shi akɔɔble afɔleshãa latɛ lɛ, no ahi shi ahã mi koni mikɛbi Yehowa nii.”

2 Maŋtsɛmɛi 16:16

Osɔfo Uria fee bɔ ni Maŋtsɛ Ahaz fã lɛ lɛ pɛpɛɛpɛ.

Lalai 58:1

Nyɛ lumɛi, aso nyɛbuɔ atɛŋ yɛ jalɛ naa lo? Ani nyɛkojoɔ gbɔmɛi abii fɛɛ yɛ jalɛ naa lo?

2 Mose 1:17

Shi yoofɔlɔi lɛ yashe Nyɔŋmɔ gbeyei, ni amɛfeee nɔ ni Ijipt maŋtsɛ lɛ kɛɛ amɛ lɛ, shi moŋ amɛhere gbekɛbii hii lɛ ayiwala.

Yeremia 26:12

Kɛkɛ ni Yeremia kɛɛ lumɛi lɛ fɛɛ kɛ maŋbii lɛ fɛɛ akɛ, “Yehowa ji mɔ ni kɛ wiemɔi ni nyɛnu lɛ fɛɛ tsu mi koni mibagba mashi Sɔlemɔ we nɛɛ kɛ maŋ nɛɛ.

Daniel 3:18

Shi kɛji ehereee wɔ po, Nii, na ole akɛ wɔsɔmɔŋ onyɔŋmɔi lɛ, ni wɔjaŋ shika amãgã ni ofee oma shi lɛ.”

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Hosea 5:11

Efraim kã piŋmɔ mli. Nyɔŋmɔ ebu lɛ fɔ ejaakɛ etswa efai shi akɛ eyaanyiɛ yaka nii asɛɛ.

Amos 7:16

No hewɔ lɛ, agbɛnɛ, bo nɔ ni Yehowa kɛɔ toi ejaakɛ okɛɛ mikagba mishi Israel lɛ, ni mikashiɛ mishi Isak we lɛ.

Mika 6:16

Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Mateo 22:21

Amɛkɛɛ, “Kaisare nɔŋ.” Ni ekɛɛ amɛ akɛ, “Belɛ nyɛkɛ Kaisare nii ahãa Kaisare, ni Nyɔŋmɔ nii lɛ nyɛkɛhãa Nyɔŋmɔ!”

Luka 22:8

ni etsu Petro kɛ Yohane ni ekɛɛ, “Nyɛyaa ni nyɛyasaa Hehoo niyenii lɛ nyɛtoa wɔ, koni wɔbaye.”

Yohane 7:24

Nyɛkakwɛa hiɛiaŋ nyɛkojoa, shi moŋ nyɛkojoa jalɛ kojomɔ.”

Bɔfoi 4:13

Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Bɔfoi 5:28

akɛ, “Ani wɔwooo nyɛ kitã kadikadi akɛ nyɛkatsɔ̃ɔ nii yɛ nɛkɛ gbɛi nɛɛ mli? Nyɛkwɛa bɔ ni nyɛhã Yerusalɛm eyi obɔ̃ kɛ nyɛtsɔ̃ɔmɔ lɛ, ni nyɛmiitao akɛ nyɛkɛ nɛkɛ nuu nɛɛ lá lɛ baa wɔnɔ.”

Bɔfoi 5:29

Shi Petro kɛ bɔfoi lɛ here nɔ ni amɛkɛɛ, “Esa akɛ aboɔ Nyɔŋmɔ moŋ toi fe gbɔmɛi.

1 Korintobii 10:15

Mikɛ nyɛ miiwie tamɔ akɛ nilelɔi wieɔ; nɔ ni mikɛɔ lɛ nyɛ diɛŋtsɛ nyɛhalaa mli.

2 Korintobii 4:2

shi wɔkwa hiɛgbejianii ni akɛtee lɛ, ni wɔbaaa wɔjeŋ yɛ kutumpɔo mli; ni asaŋ wɔkɛ nibii futuuu Nyɔŋmɔ wiemɔ lɛ, shi moŋ wɔkɛ anɔkwale lɛ wiemɔ faŋŋ jieɔ wɔhe yi wɔtsɔ̃ɔ gbɔmɔ fɛɛ gbɔmɔ henilee yɛ Nyɔŋmɔ hiɛ.

Efesobii 6:1

Nyɛ bii lɛ, nyɛboa nyɛfɔlɔi lɛ atoi yɛ Nuŋtsɔ lɛ mli; ejaakɛ enɛ ja.

1 Timoteo 2:3

Ejaakɛ enɛ hi ni esa Nyɔŋmɔ ni ji wɔyiwalaherelɔ lɛ hiɛ.

Hebribii 11:23

Hemɔkɛyeli Mose fɔlɔi lɛ kɛŋɔ lɛ tee nyɔji etɛ̃ be ni afɔ lɛ lɛ, ejaakɛ amɛna akɛ gbekɛ lɛ he yɛ fɛo, ni amɛsheee maŋtsɛ lɛ akpɔ lɛ gbeyei.

Yakobo 2:4

ani jeee niiaŋ nyɛjieɔ yɛ nyɛteŋ ni kojolɔi ni hiɛ jwɛŋmɔi fɔ̃ji nyɛtsɔ̃mɔ lɛ?